今次係陪媽媽去澳門... 原來媽媽去過一次澳門.. 仲要係廿幾年前, 同一班朋友去, 只去過賭場同酒店, 今次帶咗媽媽行咗好多地方, 仲要蕩失路, 哈... 夜晚同媽媽去咗賭場玩老虎機, 媽媽好似一個好奇嘅小朋友, 乜都問, 玩老虎機一路嗌睇唔明但又玩到唔願停, 最後玩咗百幾蚊之後去咗玩大細, 贏咗二百幾蚊, 玩咗成晚打個和 
第二日去漁人碼頭, 好多舖頭... 我初初以為得行街, 但之後見到有機動遊戲玩, 但媽媽已經行到無心機, 剩係想去玩老虎機, 今次媽媽醒呀, 贏咗幾十蚊, 之後就搭船返香港
今次住嘅利澳酒店, 新酒店, 又唔貴, 間房都幾靚仲好乾淨
酒店嘅早餐都好豐富, 其實呢張相影咗好耐先影到, 因為不停都有人會遮住的食物
大炮台... 嗰度有個付費望遠鏡, 媽媽貪玩俾咗兩蚊睇兩分鐘, 睇咗一陣媽媽俾我睇時, 有個大陸男人企到好近想睇埋一份, 我差啲俾佢嚇親
澳門仲有好多我未見過嘅籠屋, 媽媽話香港就係咁拆, 澳門仲有咁多,其實住籠屋嘅感覺係點呢... 因為就咁望落去都幾唔舒服, 好似俾人困住咁
繼上次見到氹仔嘅<跛腳梯>後又一傑作, 澳門嘅街名真係好得意
我好鍾意澳門啲屋嘅外形設計, 顏色都好舒服
呢一枱美食係唔係好吸引呢?
↑其實係博物館入面嘅展覽
呢間萊斯酒店係我想住, 睇到佢呢一刻, 更加想下一次一定要住呢間全海景酒店, 兩邊都向住海架
呢條橋就係萊斯酒店對出嘅風景, 望住大橋, 吹嚟嘅海風真係好舒服
呢個係漁人碼頭入面嘅火山口, 上次嚟嘅時候仲起緊未開放, 今次近距離望到入面原來就係機動遊戲, 不過無入去睇
呢度賽車博物館入面嘅電單車, 全部都出過賽架, 幾有型
喺澳門周不時會見到七人車嘅的士, 不過今次我發現澳門嘅的士都好難截, 因為我搭幾次的士都等咗一兩個字先截到
原本呢張相係想影架巴士, 但係有兩個臨時演員入咗鏡....
喺博物館入面嘅展覽有標本, 好恐怖
古代人嘅床, 媽媽話啲木的椆刻好靚
粵劇嘅展覽, 似唔似一排紙紮公仔呢?
因為澳門曾經被葡萄牙統治過, 所以博物館內有很多亦中亦西嘅展覽
大三巴後面嘅教堂地下室有很多天主教嘅油畫
喺觀光塔上睇落下次嘅風景, 不過入場費要七十五蚊位, 媽媽話唔抵睇, 六十一樓仲可以感受一下高空嘅空氣, 上次嚟時因為裝修而上唔到, 今次媽媽驚所以都無上去
巨大嘅觀音像
