哈哈.... 老喇... 寫咗三篇已娙覺得攰
繼續都係環球影城... 不過就好似入咗SNOOPY LAND咁... 因為四周都係SNOOPY... 我仲買咗個NDS機貼俾自己添呀, 入到精品店覺得每樣嘢都好靚... 但要買晒屋企都無咁多位 
喺舖頭門口見到呢部壓鐵片機.... 佢會喺一個銅片上壓出SNOOPY 嘅公仔上去... 覺得好得意忍唔住整咗一個, 但後來發現原來每個公仔都會有一部咁嘅機... 包括迪士尼
之後就去咗一入影城已令我著迷嘅傻豹... 佢的確好迷人...
最後我哋去咗睇芝麻行嘅3D... 嗯...... 嗯.... 好唔好睇? .... 嗯.... 嗯....
夜晚嘅影城我覺得靚啲... 因為啲燈光真係做得好吸引...
最後當然要同查理影相喇
之後我哋食完嘢之後就去下一間酒店... 一入到去就見呢個好吸引我注意嘅遮LOCKER... 覺得日本人好細心... 連遮都會有得鎖住... 咁咪唔怕俾人攞咗囉...
酒店入面有個透明嘅琴... 好靚
第二日... 係我地旅程最遲起身嘅一日... 因為我地要去嘅就係酒店隔離嘅華納環球影城, 而影城喺淡季係會十點開收五點.... 我地就會全日都喺入面....
食完早餐一抬頭睇到大堂玻璃天花嘅設計, 忍唔住影咗一張相...
我地行都唔使三個字就到環球影城, 佢係一個電影製作公司營運嘅遊樂園, 當然, 入面嘅遊戲都係圍繞住華納出品嘅電影做主題... 仲要大部份都係3D製作
環球入面都有一間HELLO KITTY 專門店... (魔教教主
)
一路行入去都見到有卡通人物... 不過導遊堅持要帶我地行一圈, 導致無辦法去影相.... 只影到一張急步中嘅傻豹...
行完一個圈之後第一樣玩嘅就係蜘蛛俠, 佢係一個類似動感影院, 但你坐喺一個車卡上... 戴住立體眼鏡... 一開始蜘蛛俠就會一路就跳去你面前... 你車卡仲會跌一跌... 真係好像真.... 最好笑係我隔離嗰位竟然嗌咗出嚟 
成個過程都會見到曾經出現過嘅壞人同蜘蛛俠對打... 而我哋亦都會好緊張咁置身其中... 最精彩係最後會有人將我哋掉落樓.... 好驚險逼真...到臨到地時蜘蛛俠會用網救返我地... 成架車就真係好似跌落去最後就郁一郁就定住咗咁
呢個就係導遊推介一定要睇嘅歌舞SHOW.... 真係好好好好..........瞓......
唱歌同跳嘅舞都唔係特別吸引... 反而令我少咗時間去睇其他館...
之後去咗睇大白鯊, 佢都係4D, 即係會有水同大熱感... 不過比起蜘蛛俠就爭啲...
玩到咁上下肚餓... 就搵咗一間薄餅店食嘢... 佢得三款薄餅提供選擇架咋... 不過味就唔錯嘅.... 價錢亦都真係唔錯架.... 三件薄餅加一杯汽水就食咗百三蚊...
我仲有去睇嘅就係WATERWORLD 佢係一個真人表演.... 啲演員會向觀眾席潑水... 坐得前一定會濕, 所以有人會著住雨褸坐前面... 而表演會有爆破跳水... 劇情係一個海盜同海盜嘅爭奪, 都算唔錯架
街上面有一架好舊款嘅的士... 個樣好得意...
呢個咁正嘅係激流... 如果無心理準備一定會全身濕晒... 所以我用廿蚊買咗件雨褸先玩... (我驚整濕件羽絨)
呢面係兒童樂園.... 入面嘅機動全部都係適合小朋友... 所以我好快就行返出嚟
宜家寫blog upload上都有限制... 每篇只可以有廿張相.... 所以要分好多篇先用得晒所有相.... (當然我唔想放棄任何一張)
大阪嘅手信店入面嘅貨品...
最後我哋買咗一包小豆沙包用作充飢... 但到最後一個都未開 
去完大阪城就出發去心齋橋, 佢尤如尖沙咀.... 但佢係一條好長嘅街... 當我走咗先醒起唔記得影底心齋橋人山人海嘅景像.... 下面嘅相係由落車行去心齋橋經過嘅街, 沿途都係食肆... 行完心齋橋嘅手信當然係無喇... 因為唔知買咩好.... 行去藥房諗住有所收獲... 但睇咗嘅價錢我覺得同香港差唔多...
呢間係一間食雪場蟹嘅食店... 好大隻蟹掛住喺門口做招牌... 啲腳仲識郁架...
日本啲食店好多都好靚.... 成楝都係喺香港一定做唔到...
呢條龍係一間拉麵連鎖嘅標誌... 聽團友講真係幾好味... 叫"金龍" 你喺門口按機(好似汽水機咁)買咗飛之後入去坐就得架喇... 不過佢仲有間係無位全部人都係企... 但依然好多人企...
而呢隻龍佢吸引我之處係佢隻左眼跌咗落嚟... 好似好無精神咁, 好搞笑
日本嘅夾公仔機好誇張... 啲公仔好大隻... 呢個波大過我個頭.... 下面隻史迪仔都唔係我哋喺香港見到嘅咁細..
仲有夾公仔機有維尼熊... 佢對腳係會郁... 雖然真係好得意...不過我覺得好難夾
行到咁上下有啲餓.... 見到有燒餅同八爪魚丸.... 最後揀咗八爪魚丸... 都唔錯架
行完街之後就係去一間酒店食我哋嘅第一餐團餐.... 味道就.... 唔好提喇... 自己出去買嘢食好味啲
到咗第一晚間酒店... 佢條梯夜晚好靚... 仲有好有隻熊公仔坐咗喺餐廳門口, 佢屁股大到一張櫈都坐唔晒.... 要坐兩張
入到酒店房... 都不過不失嘅... 係啲行路位窄啲啫...
喺酒店安頓好之後梗係去行下附近有咩睇喇... 不過日本人普遍都好早收工... 十點已經無嘢睇... 純粹行下... 同埋佢有間便利店喺附近... 行完就去買啲嘢飲返酒店咯... 不過呢個公仔好似代表大阪燒丸之類嘅... 除咗大阪影城附近無再喺其實地方見過
