25/7/2010 無聊影影影

游完水返到屋企

忽然挑起條筋又影返啲相先

 

 

其實............... 奶茶著緊係一條裙仔嚟架~

25/7/10 奶茶麥皮@綠洲

夏天唯一嘅活動, 梗係游水, 特別當麥皮都學識游水而奶茶亦肯自己跳落水時

梗係游多啲游多啲, 有得活動同時對腳仔又好~ 呵呵呵

今次終於影到奶茶跳水

雖然後尾嚟咗隻霸道嘅哥基令到奶茶仔無得再跳水

但已經玩得好開心 (下次要避開嗰隻哥基先)

反而麥皮比上一次渣咗, 上次都肯跟腳游嚟游去,

但今次就只係係咁游去岸邊

最衰呢個拍遲咗, 因為今次係奶茶無baba喺身邊自己一個就咁跳落水

麥皮一味游上岸

初初梗係要放喺淺水俾麥皮習慣下先啦... 不過唔知係咪佢差錯腳嚇親, 所以今次唔肯游

奶茶一上水就俾我影咗

次次都係咁分配, 我負責麥皮, baba負責奶茶

麥皮沖完涼返到屋企我仲幫佢執一執眼仔附近, 同修一修個頭型, 睇唔睇得出呢??

同埋麥皮成日舔鼻舔到幾條毛黐實個鼻, 一於剪埋佢

18/7/2010 無聊在家

宜家天氣貢鬼熱... 出去真係拎條狗命嚟玩

喺屋企影下靚相算啦~~

今日多咗個拍擋------高飛先生~~~

多謝佢嘅友情客串

 

14/7/10 奶茶轉新look

奶茶仔啲毛長得特別快~~

係時候要轉下個look啦~~~ 想點郁先~ 呵呵呵

 

沖完涼個頭大咗兩倍

 

剪完細咗一半有多~~ 哈哈

 

剪咗對headphone耳, 睇下你有無耳性聽我講嘢~~~

 

 

眼仔好似有啲紅紅地... 都係洗眼勤啲先得

 

麥皮都影過張咁嘅相... 我覺得奶茶襯梳化隻色多啲

 

麥皮都執少少剪走眼仔附近嘅毛毛啦

 

剪完毛毛有獎品, 坐定定未食已經舔定鼻鼻先

 

食咗粒啦~~ 仲喺度舔緊

 

俾完再扭... 拎緊時忍唔住偷笑

 

剪咗幾個鐘頭, 梗係要玩返夠本

11/7/10 綠洲~麥皮學識游水啦~yeah

啱啱嘅一星期, 除咗散步, 我實在唔敢喺咁猛烈嘅陽光下帶佢哋玩遊戲

終於到星期日, 可以帶佢哋去綠洲游下水降下溫

今次連草地都唔跑啦, 因為淨係行上去綠洲嗰幾個字路程

奶茶已經喘到不得之了

於是乎就即刻去泳池

奶茶仔俾baba捉咗兩次落水之後, 多次趁我哋唔為意時跳落水執玩具

如果我哋望實嗌佢跳佢就會扭計要我哋幫佢執咁

奶茶~~~ Good Boy~~~

而今次麥皮我放佢喺淺水區俾佢坐

坐到咁上下先再放落水, 佢今次無咁驚, 而且仲游得幾好

會跟住我對腳游, 唔會淨係一味想游上岸

yeah~~~ 麥皮~~~ Good Girl

終於有一次覺得去游水唔係俾錢, 俾佢哋圍住池邊跑啦~~~

出發前嘅奶茶, 我好鍾意佢好似微笑咁嘅表情

奶茶頭兩轉都唔濕個頭架, 不過有個衰baba係都要整濕佢之嘛

獅子王奶茶, 同仲未落水好鬼開心嘅麥皮

一濕埋個頭, 奶茶變咗樹皮~ hahahaha

麥皮一落咗水就唧都唔笑lu... 個樣仲有啲似伯伯添

游完水梗係洗白白架啦~~

兩隻豬未游過咁多水, 返到屋企即瞓...