一直心絲絲想學寵物美容好耐
只係想自己可以幫奶茶麥皮扮靚靚
咁啱fergie ma亦都有呢個興趣~ 於是就搵pauline教我哋單犬種美容啦
其實之前都偷睇過Joey同其他美容姐姐嘅剪法
膽粗粗都剪過奶茶麥皮
不過正式學先知自己一直都好多問題
頭兩堂已經教咗基本沖涼美容同剷身
下堂就帶麥皮剪啦 
希望到時麥皮唔好咁驚個剷啦
呢位就係fergie ma負責嘅小朋友
呢位就係我負責嘅... 因為佢哋係狗場狗, 所以無乜點打理過...
呢位係另一位同學仔負責... 佢個咀真係好嚴重
洗完白白出嚟啦
剷埋身啦
因為喺美容枱太耐時間, 原本已經瀨咗一灘喺枱面
但一放落圍欄, 仲可以痾貢大篤.... 最得意係佢就係咁樣扶位痾架啦
剪埋頭仔啦 (當然有pauline老師幫我執過啦)
幾靚仔可愛
Fergie ma係最快嗰個~~ 而且亦係剪得最好嘅一個
上次行完屯門徑
今次到麥理浩徑啦
今次條路闊落好多... 不過隔離就係水道同無欄杆
所以我哋都無放繩
途中經過一個燒烤場, 突然有狗吠聲由遠至近
我未睇清咩事baba就嗌我"抱, 快, 抱起先"
原來有兩隻野狗喺山上衝咗落嚟~好彩我哋抱起咗奶茶同麥皮之後佢哋就停咗步
但都係一個燒烤場有野狗外, 去到掃管芴都無再遇到嘢狗lu
今次喺掃管芴就落山行去黃金海岸就行返入三聖~ 全程三個鍾~
一家四口都非常之滿足 
今次手痕影多咗風景相
出發咯
突然發現特大個松果
水道都幾深但水好淺~ 跌落去會好痛
就係見到呢個牌子後嘅燒烤場有野狗
終於有一個位無晒樹可以睇到海景
呢塊石頭好似會隨時跌落嚟咁
點可以影到背光情況下影到景之餘個人又夠光呢
奶茶仔, 乜你貢精靈嘅
先生~ 有咩貢不滿先
麥皮, 你個樣真係呃到人 
我真係好鍾意佢哋笑到瞇晒眼個樣
我最喜愛合照之一
