我就即刻騎騎笑啦~
麥皮:
上篇哥哥講完, 到我發聲啦
Mami baba 食完嘢~ 啲水都褪咗好多~ 船河嘅人又好多都上返船啦
啲水好平好淺... 而且仲好靚添呀
我同肥哥哥梗係唔會放過乘機喪跑一番啦
哥哥仲表演衝浪添吖 
不過我先唔會咁做
變形金剛呀!!!! 
mami 連哥哥放低幾兩都唔放過 
其實哥哥都係一個專業嘅毛豆~ 幾識擺pose
啲水咁淺~ 我梗唔怕佢啦~
好明顯我係一個會騷擾攝影師嘅業餘毛豆 
mami仲讚我叻女咗好多~ 越嚟越會自動自覺去同朋友仔打招呼
呢個似唔似我呢~ 大隻嘅男仔版~
mami好想影大小腳板, 不過好似唔係好夠力水喎
終於影到mami少有嘅倒影相啦
睇片啦睇片啦~ 不過mami好後期先記得可以用電話拍片~
所以我哋都已經玩到攰攰地
而且傻mami成日都用手指遮咗少少鏡頭都唔知 
mami好想影我游水, 點知........................................... 
肥哥哥真係有波萬事足~ 咩都肯做架~ 但佢想自己玩個波多啲 
奶茶:
Mami期待咗一個月嘅約會
而且仲祈求唔好落雨, 求咗兩個禮拜 
幸好太陽伯伯無偷懶... 仲好落力做好呢份工添
之前一晚mami執嘢時, 我已經知道有我份... 不知幾開心... 以為夜媽媽有得去玩添
星期六朝一起身... 我個懶腰都未伸完~ 就嗱嗱聲幫我戴晒我啲裝備~
就去威啦
有得坐車車去嘅地方... 就估到一定係正嘢啦 
咦! 呢度我記得嚟過喎~ 不過宜家咁曬... 唔好玩架
Mami話(湖?/水庫?)嘅色藍到好似假咁
原來嚟呢度, 半個鐘咋~ easy job啦~ let's go!!!!
(Mami: 結果有位大少行咗一陣就要搵樹蔭位坐實喺地! 當然偉大嘅baba抱住行埋啦
)
就係呢條斜路啦
嘩嘩嘩~ 到啦~ 矛人嘅~
話咁快我哋就落到沙灘啦~ mami仲好擔心太陽咁曬啲沙會好熱
不過原來沙幼真係會好啲架
肥妹妹點都唔肯跟落水~ 去到呢度已經係最叻架啦~
所以都係跟住baba開心啲
不過轉個頭咪又係俾人捉咗上我哋嘅私家艇
嚟到梗係要游下水啦
肥妹妹初時有啲緊張~ 搞到水花四濺
好彩後尾都有修正返
執波啦! 執波啦~ 呢位朋友仔嚟到已經好想同我哋玩
不過佢同我一齊追波又唔會搶咗我個波架
肥妹妹覺得幫手看袋已經好開心~ 唔一定要落水嘅 
其實有我喺度都已經夠啦~ 妹妹, 你放心去玩啦
等我介紹啲好嘢啦!
mami啲朋友買咗呢張好正嘅浮床~ 中間係網架~ 可以浸住水咁浮啲水面
baba都話正... 不過mami驚所以無瞓過
督督ee喺西貢市買成百九蚊架... 但精明眼mami就喺淘寶搵到75蚊人仔... 計埋運費平幾十都好吖
影下相先~ 兩執梅菜做主角
我好識嘆架~ 曬到咁上下, mami淨係掛住補防曬, 又唔幫我補下! 咁我唯有捐入啲遮下面抖抖先啦~
呢個邊個嚟?! 咪mami囉~ 佢做緊咩呢
原來係用電話幫我同妹妹影相~ 仲話呢兩張最駟正~ 下次唔咁辛苦揹大雞喎
玩到咁上下, 大人們都話要補給下~
個個除咗baba mami之後都有帶嘢食架 (mami買咗包包)
你哋估下呢個係咩嚟
原來係雪到冰咗嘅菠蘿
仲有冰桃添吖~ 不過mami無影相
仲有好好味嘅卥水雞翼到蛋
Mami好耐未試過一個地方要分兩篇blog ~ 不過影咗好多相都想post又拍咗片...
所以..................... 待續 
