11/7/2011 無聊私影

奶茶:

Mami話好耐無喺屋企影啲好睇啲嘅相~

又話blog頂相成年未換好鬼悶

所以就幫我哋影返幾張相... 再轉blog頂相

但結果揀晒出街相~ 真係把鬼

 

仲要影影下又放隻大大隻嘅狗落嚟喎

我同妹妹梗係要同抗外敵

一個咬頭一個咬尾

點知咬極都唔走~ 但我哋唔鍾意mami掂佢~ 一掂我哋就要咬架啦

 

麥皮: 其實我係有啲懶瞓, 不過我唔係傻架

麥皮:

Mami寧舍鍾意偷拍我~ 成日將我嘅私癮公開晒喺面書度

但又唔記得要寫blog... 結果儲埋喺youtube度

唔記得咗咪算囉~ 都無人想睇架嘛

點知佢又突然醒起~

話要俾人知我有幾傻喎~

其實我不知幾咁得醒至真

 

呢個成兩個月前啦~ 個個都瞓晒架嘛~ 得Mami喺度用電腦~ 我咪出嚟睇下佢囉

見佢咁悶想撩下佢玩之嘛~ 點知就俾人偷拍

 

其實我好鍾意望住mami瞓覺... 但原來兩樣嘢係好難一齊做架

 

Mami 話我好懶瞓, 整極都唔醒, 其實我醒晒架啦~ 見係佢先唔郁之嘛

 

多謝觀看~ 係咪睇完覺得我其實好鬼醒呢

12/7/2011 轉下blog頂相先~

blog頂相唔經唔覺都放咗差唔多成年... 係時候轉下

舊:

 

新:

9/7/2011 奶茶: Mami, 我要變身!!!

奶茶: 游完水攰到死仲要剪毛

Mami話佢想剪好耐啦~ 襯我攰攰哋先剪喎~

 我覺得佢都攰啦~ 都無咩心機剪囉~

個頭又唔夠圓~耳仔都唔對稱~

 

不過整體上都好似幾滿意咁啦~

又真係好似靚仔啲喎~

 

其實我都唔係好肥嘟嘟之嘛~

 

搞咗幾個鐘, 終於搞掂

 

第二朝一起身就摷醒人影相喎

 

話有日光啲相影得靚啲喎~

 

麥皮: Mami話我唔使剪, 淨係係咁依修下頭仔同眼仔位就算啦

 

剪好啦~ 睇唔睇到有分別

 

既然mami咁有誠意同我剪, 我梗係要回敬一個十分滿意嘅笑容啦

11/7/2011 又去雙仙灣呀

奶茶: 星期六mami收工就嗱嗱聲返嚟, 仲執咗好多嘢就帶埋我哋出門口

原來約咗番茄,薯仔,Fergie同埋Bailey去游水

我哋又包場啦~

不過mami話一個帶住我哋所以唔方便帶相機

淨係帶咗唔記得叉電嘅dc仔

所以無乜影相

嗰日一去到, 薯仔bailey就好熱烈咁歡迎我~

細膽到死嘅麥皮仲走咗去Fergie ma大脾度

不過我同佢哋一齊跑跑好開心呢

我都有游水, 不過今日好大浪, 我有啲驚驚

同埋今日無太陽曬住... 啲水好凍呢

玩咗兩個鐘我哋就走lu

不過mami call唔到車, 仲要同我哋行落深井先再call車

跟住返到屋企仲同我哋沖晒涼剪埋毛毛呢

成點幾先有得瞓