麥皮變喇叭妹

尋晚發現麥皮肚仔有個水泡, 所以今日就抱住佢去咗相熟嘅竉物美容店求救

之後美容店老闆娘一睇就話有膿喺入面...

不過佢話好少事... 整穿佢搽返啲藥膏應該無事

我記得見過奶茶lam過麥皮肚仔呢個位置... 所以要分房瞓啦

而且驚麥皮會lam走啲藥膏加返啲口水令佢個傷口繼續發炎

所以都係買個頭罩俾佢穩慎啲

返到屋企即刻幫麥皮上罩... 好明顯佢真係唔鍾意個罩

係咁向後行... 又撞嚟撞去撞個頭罩

仲要扭計添

無理佢隔咗一陣, 佢突然慘叫...

原來佢將隻手kick住咗喺頭罩度抆唔返出嚟

嚇得我呀

呢兩張都係整穿咗個泡泡搽咗藥膏

 

原本佢獲分配細房...

但諗吓諗吓佢好似好慘咁... 所以俾返間大房佢, 仲獎佢一舊牛皮骨... 之後無扭計啦