尋 法國老虎 6 個月大仔
仔, 6 個月大, 無晶片, 全黑心口有少少白....
於10月18日早上 11點 - 12 點左右係大埔康樂園回處底行人道走失.....
如有消息, 請電 9778 9556
2009年10月28日 星期三
2009年10月27日 星期二
2009年10月26日 星期一
奶茶傷口進度
首先, 多謝咁多位擔心奶茶嘅朋友...
我今日帶過奶茶落街, 佢對其他狗都無特別抗拒, 依然好似以前咁八卦, 我終於可以放心
講返嗰日嘅情況,
嗰日, 我同奶皮爸都有責任... 無睇實奶茶,
準備入泳池時, 已經知道隻曲架有敵意不停發出"wu"聲
但無奈我哋都一人抱住一隻兼拎住其他物品
奶皮爸唯有放低奶茶開門,
當時曲架主人處理緊狗便便,
奶茶一見有新朋友就好踴躍行埋去打招呼
但曲架隨即放低原本咬住嘅玩具, 一口咬住奶茶個鼻
奶茶收驚向後縮, 即不停大嗌而且搵地方"喱"
全部我都俾奶皮爸遮晒睇唔到, 我只係睇到奶茶不停周圍走同嗌
我已經好驚, 初時以為奶茶俾對方嚇親
但一抱住奶茶時, 望到咀角嘅毛有血及右眼接近眼角位置直到鼻尖附近嘅一邊鼻樑都係傷口
綠洲職員同曲架主人都圍住我哋同拎咗急救用品
幸好, 奶茶俾我哋一抱住就已經冷靜落嚟, 我都忍住自己嘅眼淚不停同自己講"唔可以慌"
因為我知我嘅情緒會影響奶茶
非常多謝職員隨即幫奶茶處理傷口
而且亦肯退返游水嘅錢俾我哋
我哋抱住奶茶麥皮返屋企再去同奶茶睇醫生
醫生檢查完話好彩無傷到眼而且傷口唔深, 好快無事同埋唔會有疤
為方便清洗傷口&方便檢查清楚有無其他傷痕所以剷走咀仔啲毛
當晚, 上嚟屋企聚會嘅朋友都好關心奶茶嘅傷勢,
其實佢哋都問我點解唔追討醫藥費
喺發生事嗰一刻, 我根本無心情諗呢啲問題
更何況留低對方電話之類...
再者, 賠償醫藥費嘅一千幾百都唔能夠抵償已經被咬嘅事實
奶茶好叻好乖仔咁俾我洗咗兩日傷口, 已經結咗焦
所以我今日先帶佢落街
不過喺屋企都係要戴返頭罩以防佢再抓損
今日喺樓下撞到綠洲嘅職員, 佢好關心奶茶嘅傷勢仲同我講, 嗰日我塊面已經青晒, 所以都好擔心我
當日喺診所要等... 所以影咗張奶茶嘅靚仔相... 佢啲毛遮晒傷口, 剩係見到鼻樑有一點紅
當晚喺屋企, 戴住頭罩嘅奶茶確實係無心機
今日一散完步返到嚟未戴返頭罩不知幾生猛!!!~ 仲同麥皮爭玩具
宜家奶茶係一隻獅子王, 要等到星期六先會修修佢
2009年10月24日 星期六
奶茶喺綠洲俾狗咬咗一啖....................
18/10 當奶茶麥皮遇上得得米米
上星期日去朋友屋企食大閘蟹
朋友養咗兩隻銀狐分別得得米米
奶皮媽我就見得多
不過奶茶麥皮都係未見過得得米米
咁梗係要帶去認識下新朋友喇
不過得得俾狗咬傷過
所以對狗唔會太友善
特別係仔仔
去到一個下晝至夜晚
得得米米同奶茶麥皮都無乜交流
反而得得仲兇咗奶茶幾次
嚇到奶茶係咁吠 =.=
而米米好似麥皮唔會點理其他狗
所以基本上成晚佢哋係無玩過..
麥皮一知有得去街街就鬼咁開心
奶茶&麥皮: 行快啲喇mama
因為朋友驚佢哋第一次見會唔慣... 所以得得米米困咗籠一陣先
麥皮行埋去打招呼... 得得發出好低嘅"wu.............."
奶茶俾得得wu完唔敢行埋去
契媽有嘢食俾... 仲唔坐好啲
麥皮: 我呢我呢... 有骨骨喎... (不過最後兩個都唔食俾咗得米)
兩位大阿哥第一次對峙, 奶茶唔係主場... 所以驚青啲
奶茶: 我知呢度有嘢食喎... 有無我份架
得得: 啲嘢食我架... 係都我食先啦
好難得嘅合照... 不過麥皮都係無望鏡頭... 左邊嘅係得得(仔)右邊嘅係米米(女)
兩位大阿哥第二次對峙
米米都幾鍾意奶茶... 同佢打咗幾次招呼... 不過佢好斯文... 唔會撩玩
得得好鍾意坐喺梳化望晒成個場, 望實奶茶會行去邊
麥皮: baba賭錢都不忘抱住我
奶茶: mama好悶呀... 都無嘢玩嘅
得得唔知食到咩呢... 個樣好好味咁喎
奶茶: 好悶... 都係瞓覺算 =.=
米米: 好似我咁瞓先舒服架嘛
奶茶: mama你想影相可以出聲... 唔好挾持住我.. 點解你要揸住個remote影... 你想睇電視就放開我啦
悶...............
得得: 影咩呀~ 我有俏象權
米米好似麥皮咁好嗲... 好鍾意人哋摸佢
奶茶痴咗嘅門後面就係得得米米喺入面開緊餐
瞓晒.....
奶皮: mama你係唔係有嘢食呀~ 無我哋唔坐架喎 (不過真係無)
麥皮忍唔住都係泊住奶茶瞓, 咁先最舒服
麥皮成晚無笑過 =.=
米米個樣係咪好傻呢
麥皮: ZzzZzzzzZzz
尾聲, 契媽拎咗餅餅出嚟, 睇下啲小朋友幾定
麥皮梗係要發揮嗲功嗲契媽俾餅餅啦
食完餅餅依然死守嘅兩位大哥
得得: 究竟點樣先開到呢...
奶茶: 係咯... 點先開到呢... (難得兩個咁齊心)
麥皮得得難得嘅合照
2009年10月17日 星期六
11/10 奶茶麥皮@petworld 游游游跑跑跑
懶惰嘅我終於寫返星期日嘅嘢啦 
星期日約咗番茄去petworld
諗住未去過點都要去玩下嘅
機緣巧合下, 有位新朋友joyce嘅加入一齊玩
不過嗰日有啲雨, 游水中途開始落, 到我哋跑草地時一度好大雨下添
麥皮繼續都係唔掂水... 唔識游
奶茶當然問題唔大, 不過我想試下用救生衣會唔會無咁驚, 會自己跳落水游
不過件救生衣我好似較鬆咗, 所以奶茶著到扭轉晒... 嚇死奶茶
因為我哋嗰日晏咗去到, 所以趁仲有陽光游水,
而游完水先去跑草地, 四隻落湯雞就去咗跑草地
個草地都幾大.... 啲障礙又真係幾好玩...
如果同綠洲相比, 我會鍾意綠洲個泳池, petworld個草地
衣不稱身嘅救生衣嚇親奶茶仔... 除咗救生衣初初都好似唔識游咁
游順咗之後當然無問題
邊個係奶茶??邊個係番茄呢???
番茄都好叻女, 游得幾自在
麥皮呢個排骨妹個樣勁可憐
joyce著住件救生衣都好驚, 游咗好耐都游唔到...
麥皮做緊咩?? 佢落完水好驚咁搵地方"喱"
joyce係一位好乖嘅小朋友, 我哋唔係主人都一嗌就跟住
兩位可憐嘅小朋友... 一個上到水... 一個幾經掙扎先上到
濕咗水未笑過嘅落湯雞一號
發緊脾氣嘅落湯雞二號
好鍾意呆坐嘅落湯雞三號
邊個係番茄, 邊個係奶茶????
大合照嘅時候, 當然例牌無一張會一齊望鏡頭啦, 都係奶皮乖, 肯望mama
奶茶俾白威追... 跳過圍欄走佬... 估唔到白威跟住跳
我一心想影奶茶跳圍欄... 麥皮就梗係死跟架啦
沖完涼白雪雪嘅麥皮份外可愛嘅啫 
梗係要影下全家幅架啦... 不過baba個頭無梳... 唔好嚇親人好啲
訂閱：
意見 (Atom)