今日, 係麥皮絕育嘅日子
一直都睇開呢個醫生都唔錯
但今日嘅安排令我覺得不忿
我約十點, 十點去到診所坐咗幾個字都無人... 之後清潔出嚟...
話姑娘餵緊藥, 等咗半個鐘個姑娘出嚟登記咗俾埋錢, 我話如果醫生未得閒我可以陪下麥皮等, 我唔想佢一個喺入面等 (因為姑娘出嚟前嚟咗個無預約睇貓)
我同麥皮坐喺度等咗一個鐘, 之前嘅睇貓走之後又嚟多一個睇貓嘅
等咗個半鐘, 兩個睇貓嘅都走晒之後, 我問姑娘得未, 佢先話得...
奶皮ba問我... 咁做咩要預約, 如果成日都有人行入嚟無預約咁係咪等佢睇晒先
我無咁諗, 只係諗... 好彩我陪住麥皮, 唔係麥皮一個等個幾鐘實嚇死佢
我走嘅時候係十二點, 姑娘話要等埋麻醉藥散... 應該五點度得, 醒咗會打俾我
之後我喺屋企等到四點半, 打去診所問麥皮走得未
佢答我"係呀, 麥皮走得啦"
我唔明點解要我打去問先知
麥皮返咗嚟之後, 佢麻醉藥都散咗好多... 肯郁下, 不過因為戴住頭罩同仲有少少唔舒服
不停發出扭計嘅聲音... 我諗佢瞓得唔舒服... 因為佢扭計時都無瞓/坐喺地
聽到心都噏埋
奶茶個八卦仔好想去同麥皮玩... 不過要隔開, 我哋又成日睇住麥皮
變咗到佢扭玩
喺的士上仲未知自己將會發生大事嘅麥皮
入到診所都知唔對路... 突然變得好鍾意個出街袋好想入返去
其實我有影過佢個傷口... 不過好似好肉酸咁... 留返啲啲私隱俾我個囡囡喇
今次麥皮威啦~ 分配到一間房, 成間房都係佢架喇
希望傷口快D埋口啦!
回覆刪除[版主回覆11/23/2009 08:54:00]多謝你呀~ 我都希望佢快啲埋口
希望奶茶快d 好返
回覆刪除[版主回覆11/23/2009 08:55:00]多謝你呀~ 不過係麥皮做手術 我都希望快啲埋口
好快就會埋口架喇.
回覆刪除[版主回覆11/23/2009 08:55:00]多謝你呀~ 我都希望快啲埋口
希望奶茶快快好番呀.
回覆刪除[版主回覆11/23/2009 08:56:00]多謝你呀~ 不過做手術嘅係麥皮~ 我都希望佢快啲好返
希望麥皮快d好返啦!!
回覆刪除[版主回覆11/23/2009 08:57:00]多謝你 呀~ 我都希望佢快啲好返
唔好比佢週圍走咁多呀~~~
回覆刪除麥皮快D好番, EE買糖糖您食
[版主回覆11/23/2009 10:36:00]宜家放佢都唔肯行
麥皮: 真係有糖糖食架 咁我要快啲好返先
小心D呀，麥皮咁鍾意玩，唔好比佢走動咁多...辛苦幾日都要，好快會好番架啦.... 姐姐錫番!!!!
回覆刪除[版主回覆11/23/2009 15:31:00]我都唔敢俾佢太大郁動... 驚佢玩到忘形咗
麥皮: 多謝姐姐~
麥皮快d好番就可以去街街啦~~
回覆刪除[版主回覆11/24/2009 17:18:00]我諗過多幾日就可以... 不過唔可以玩得太癲~
下禮拜六拆線