復活節幾日假, 難得撞到放閒日假嘅momo ma得閒
除咗約佢行寵物展外, 梗係要約下momo一齊去玩下
當日一去到綠洲, momo一放繩就如脫彊野馬咁係咁周圍跑
不過momo好得意咁唔似奶茶咁向前衝跑, 係彈下彈下咁跑
所以速度唔快之餘, 影相仲幾靚添
當日有隻迷你牧羊嚟到就不停吠, 不停撩玩所以先不停吠
但三位小朋友已經俾佢嚇親
有次迷你牧羊又一路吠住衝埋奶茶想同佢玩時
奶茶俾佢嚇到一跳就跳上momo ma大脾
隻小牧轉移目標衝去麥皮, 麥皮俾佢嚇到反轉咗喺地唔識走
走嘅時候仲遇到咬傷奶茶嘅曲架
奶茶離遠已經係咁想走
睇下相先啦
momo篇:
有朋友問, 點解momo得一個表情 
其實都唔係呀, momo咬住玩具個樣幾得戚
麥皮篇:
麥皮呢位大小姐, 要影到佢跑緊都幾難, 佢最多擺個靚pose俾你影
我覺得麥皮呢個樣好似好滿足咁
終於行到頂唔住要趴喺地, 青蛙腳都出埋
奶茶篇:
奶茶就好難定定地俾我影嘅
回眸一笑??!!
原來奶茶都好鍾意擺啲影沙龍嘅pose
最鍾意就玩執波, 不過人哋咬過就唔會執架啦
就係呢位小牧非常活潑, 由頭吠到尾
三個一齊搵緊個玩具咁喎
俾小牧嚇親, 唯有坐下櫈先啦
momo成日好想撩麥皮玩, 但又好驚麥皮
次次執玩具, 麥皮都係只會跟住哥哥
呢張相我覺得佢哋三個都好開心, 笑到瞇晒眼
奶茶麥皮咁鬼鼠做咩呢
佢地真你好識望鏡頭影相WOR....又玩得好開心呀.... 邊度係..綠洲..?
回覆刪除[版主回覆04/07/2010 11:13:00]其實我遠影佢哋先會望下我... 如果近揸住相機佢會唔啋我
綠洲喺屯門, 全名係"寵物綠洲"
哈哈～麥皮學咗番茄咁坐，唔通真係會C服D
回覆刪除[版主回覆04/07/2010 12:29:00]麥皮平時喺屋企都係咁... 只不過會揀地方先趴... 嗰日佢真係太熱啦
呢張影得好靚，光度適中, 又係正面~~
回覆刪除[版主回覆04/07/2010 12:36:00]多謝
其實momo好鬼上鏡就真
回覆刪除麥皮b 你好招績bor .... heheheehh ( 勁有自信) 叻女
[版主回覆04/07/2010 13:05:00]但我好鍾意佢呢個樣... 好得意
回覆刪除奶皮媽咪哩張相麥皮B 個pat pat 好圓渾真係想咬佢一啖le ...
[版主回覆04/07/2010 13:07:00]其實佢真係有個好鬼圓嘅PAT PAT
三個友仔做乜"計計鼠鼠" 有蕃薯咩........... 最搞笑係麥皮.... 好得意ar ......
回覆刪除[版主回覆04/07/2010 14:03:00]其實momo唔鬼鼠架... 係奶茶同麥皮...
我記得佢哋好似搵緊個波波
但好好笑... 麥皮好似跟住哥哥喺度裝啲咩咁
綠洲乾唔乾淨呀??
回覆刪除[版主回覆04/07/2010 16:17:00]其實草地都麻麻地... 通常我都會掃一掃個場啲金先...
因為其他人唔理... 我又唔想奶茶麥皮踩或者LAM到
奶茶啲 pose 好 pro 吓喎! 仲識得用啲場景做變化添!
回覆刪除[版主回覆04/08/2010 09:35:00]我都覺得佢好多古靈精怪
回覆刪除好可愛喔 ~
[版主回覆04/08/2010 09:35:00]肥嘟嘟咁趴喺地
momo好得意,佢係唔係女仔呀?
回覆刪除[版主回覆04/14/2010 01:17:00]佢係一個嗲人嗲到暈嘅仔仔嚟架