由細個開始, 我已經慣咗要奶茶麥皮每狗一邊, 唔準交換邊
但奶茶次次食糧都會快麥皮好多
佢明明食多妹妹一倍份量
佢食完就喺附近行嚟行去
而麥皮由細到大都慣咗咬兩粒放低喺地下慢慢食... 而奶茶就會幫佢做清道夫, 執乾淨埋啲碎碎
到麥皮差唔多飽, 麥皮就會越行越遠, 奶茶就知道可以清兜, 就會行埋去食埋佢
通常麥皮都有一兩粒剩
其實平時我間唔中會奶茶一食飽就抱起奶茶唔俾佢搞妹妹食糧
到妹妹無必意欲食先放返奶茶落地
所以奶茶已經慣咗唔會搶妹妹兜糧~~ 
真係乖仔
2010年8月31日 星期二
2010年8月25日 星期三
22/8/2010 奶茶麥皮@又係錦田跑跑跑
原本仲諗緊係咪要過多幾日先出BLOG... 因心情仍受菲律賓挾持事件影響, 不過生活仍然要繼續, 呢件事亦係一個警鐘, 敲醒咗我警覺世事無常, 珍惜眼前人, 喺呢度願幸存者同死者家屬儘快走出傷痛, 同祝願死者一路好走
上星期日, 三點幾四點時就帶咗兩位小朋友去錦田跑下
好彩四點左右有啲風, 就真係無咁熱, 兩個都肯郁肯跑下
期間有一個家庭嚟到, 佢哋都有養一隻poodle, 不過無帶嚟
但同行嘅四位小朋友就好開心見到其他狗狗
一擁而上想去摸麥皮
麥皮呢位咁怕事又怕生保嘅小朋友, 梗係嚇到掉頭走啦...
最後baba仲抱住麥皮
而四位小朋友就轉移咗目標去圍住奶茶
好彩奶茶對小朋友真係唔會發脾氣又唔會撲人
任摸都唔會唔鍾意.... good boy~~~
不過有位小弟弟見我同奶茶拋玩具玩得好開心
問都唔問就想玩埋一份, 一手搶咗奶茶咬緊嘅玩具就跑咗去
好彩奶茶又無去追... (因為小弟弟無拋出去亦會按响bb聲, 奶茶唔會去搶)
今日嘅奶茶令我忍唔住真係想錫佢一啖, 又乖又淡定咁唔會嚇親小朋友 
去相, 奶茶仔先:
條脷長到呢~~~~~~~~~~~~~~~~
一見到條滑梯就即刻抱奶茶上去, 不過佢個樣好似就向後跌咁
奶茶咩事裝我??!!!
跑跑跑跑跑
到麥皮啦, 剪咗毛嘅短耳bb
麥皮好少執玩具 (哥哥個波波太大個), 所以一定要有人陪跑
兩個跑跑跑:
佢哋梗係望住baba啦
麥皮個樣貢古惑嘅~~ 唔知奶茶搵緊咩呢
原來係搶呢個玩具.... 
麥皮: 哥哥, 行過啲啦~~ 好鬼逼呀~~
就係呢位小弟弟搶咗奶茶個玩具, 跟住就跑咗好遠去
2010年8月20日 星期五
15/8/10 奶茶麥皮@西貢芙蓉灣曬爆游游游
上星期日, 我哋十六個人十一狗浩浩蕩蕩包咗艇去芙蓉灣
上次去橋咀時, 明明有人係嗌價五百包艇, 今次去到竟然因為見到我哋十幾人一嗌就嗌八百
多得有個講價高手, 先可以由八百講返五百上船
不過快艇的確太過驚險, 好彩只係五分鐘船程
去到仲要行過險要嘅一段好短石路先到沙灘... 不過一到沙灘已經覺得咩都值得
又清又涼爽的海水令番茄同麥皮忍唔住趴咗喺海邊
今次奶茶無第一時間衝落海游水, 因為................ 有佢夢中情人qoo女喺度嘛
結果又係無得放繩
游下曬下吹下水... 話咁快就玩咗幾個鐘回程
今次真係玩得好開心呀
(又係影得好少相, 無影到相嘅朋友仔, 真係唔好意思)
去到嗰時係烏雲蓋頂, 無耐就落咗一場雨, 好彩只係過雲雨
落完雨之後, 個天即時靚晒... 啲相影出嚟啲色都好靚
我好鍾情呢棵嘢... 因為佢係喺沙入面生出嚟... 啲浪打極都唔會跌
番茄第一個坐海邊
跟住連麥皮都忍唔住啦
黑蚊蚊都要坐埋一份
呢張係唯一fergie嘅相, 佢好想游上岸但又上咗帶呢
麥皮連浪都驚... 真係細膽
不過最後都坐咗喺水度.... 散熱呢
游完一輪之後, 就變咗流落荒島嘅小狗
奶茶仲似呢
7D防水威力真係好... 最緊要係揸機個個唔擔心跌落水
呢位係...................................嚟捉魚嘅
其實我真係好怕曬黑架.... 睇我幾重裝備就知啦
我好鍾意呢張, 不過下次要同埋baba一齊影...
睇下我啲腳指幾鬼肥
行返去碼頭仔等上船時, 架船竟然遲到幾個字, 結果..................
我哋就變咗流落荒島的一群
返到屋企, 沖完涼搞掂晒啲嘢之後, 就有三隻死豬出現咗喺屋企
訂閱：
意見 (Atom)