星期日, 奶茶麥皮第一次去沙灘游水
我同baba都好耐無去沙灘游, 梗係帶多啲裝備去玩得開心啲啦
買定水泡同船仔, 一於人狗都游返夠本 
不過橋咀原來係一個石灘=.= 一行落水就好多石... 戒到我對腳好痛
但.......... 我梗係玩大過天啦... 一於少理繼續玩
奶茶一放繩, 就同麥皮跑出海
tum一聲就游個圈先返嚟, 麥皮就竟然係因為口渴所以想去飲海水 
之後個衰仔, 一見到番茄著三點式就發晒癲
係咁追住, 上天下海都追住唔放... 奶茶仔真係一個咸濕仔 
結果最後要拖住繩, 唔準周圍走, 一係就去游水
至於麥皮, 一見我行入海就坐到遠遠唔敢行落水
因為佢哋知道上船仔可以唔使游
所以一見到船仔就出盡力游去船仔
玩咗幾個鍾, 大人細狗都無晒力之後就起錙回程
去到西貢碼頭, 經番茄媽好介紹, 喺啲船家度買啲海鮮去茶記整嚟食
又蝦又鮑魚, 都唔使二百一個, 真係抵 
最後嘅戰績, 係baba得到一對曬傷嘅膊頭, 我得到一對爛晒嘅腳
我哋下次要去真真正正嘅沙灘~~~~~ 仲要早去早回
因為我只係帶咗部傻瓜機嘅關係, 所以, 影咗好少相
未出發先興奮, 就係佢啦~~
黑超女郎, 戴住黑超出場~~~~~
仲唔係你哋~~~ 
番茄副超真係好鬼有型嘅啫
奶茶: 我個頭好亂喎~~ 可唔可以幫我梳梳先上鏡
沙灘, 男人與狗~~~~~~~~~~~
轉個頭已經衝咗落水嘅奶茶
天氣真係唔錯架
玩完, 我哋嘅海鮮宴
最經典係, 一隻好靚嘅金毛, 坐上咁細張嘅櫈陪主人食嘢
我六年班畢業旅行就去過橋咀, 之後未去過!! 以前去, 水清沙幼, 仲俾我鈎倒條海參添!!
回覆刪除[版主回覆08/11/2010 00:45:00]我未去過呀~~~ 都唔知一出海就係石... 好多珊瑚石... 吉腳到不得之了... 一定要著鞋先出到去...
麥皮就竟然係因為口渴所以想去飲海水 >..... 個衰豬真係喝成咁..
回覆刪除咁少相ge ..下次影多d ...
[版主回覆08/11/2010 10:03:00]係咯~ 我哋都諗唔到, 明明佢唔鍾意游水都會衝向海
靚相去番茄ma度睇都係一樣啫~~~
你都係黑超女郎嚟㗎，哈哈～～～
回覆刪除[版主回覆08/11/2010 11:07:00]你講呢個??~~ YA~~ 咁我哋一齊唱~~~
黑超女郎~~~戴住黑超出場
玩得好開心呢 幅"粉超"好型丫
回覆刪除[版主回覆08/12/2010 14:27:00]我都覺得副超好有型
可以買海鮮俾茶餐廳整ga? 咁抵食好多喎!!
回覆刪除[版主回覆08/16/2010 14:02:00]真係好抵食呀
嘩,好開心好好玩呀,有冇沙灘近照相啫?!好想睇呀~
回覆刪除[版主回覆08/16/2010 14:03:00]係呀~~ 好玩到不得了, 想睇相去番茄度睇啦
隻金毛真係好搞笑呀! 奶茶依家真係好大膽呀!叻仔. 去咗幾次西貢, 我都未試過係果度食海鮮呀!
回覆刪除[版主回覆08/18/2010 15:36:00]隻金毛真係好正...
下次真係要試下... 記住喺碼頭啲船仔買再拎去整... 因為啲海鮮酒家好貴唔抵食