早排訂糧時, 見到有隻鹿肋骨,
八八卦卦嘅我於是買嚟試下
一包六十八蚊, 得六支骨, 其實唔係平...
不過我一直俾開另一個澳洲牌子嘅牛肋骨, 嗰隻骨放低唔夠十五分鍾已經俾奶茶化咗
所以睇知呢隻會唔會襟咬啲
確實呢隻真係好襟玩, 麥皮完全咬唔到啲骨, 剩係食晒啲肉就交咗俾奶茶, 奶茶剩係咬骨都咬到兩個鐘, 仲要未咬晒, 不過因為啲骨已經好細舊, 我驚整親佢哋, 於時就收返晒
而blog友豆沙包喺fb話佢食完都有血便便... 好彩奶茶同麥皮都無呢個問題
所以我都放心可以再俾佢哋繼續食
雖然得六支, 但每支都唔細
奶茶咬骨郁得好勁, 一定要用大機先定到佢形 =.=
扶住咬都得
唔扶咬又得
單手扶用脷損亦得啫
麥皮好慢, 慢慢咬... 亦唔多鍾意雙手扶
我覺得麥皮咬骨個樣好好笑... 佢捲埋個身... 連後腳都想幫手
終於忍唔住用兩手扶
咬完一輪, 咬晒啲肉嘅麥皮... 已經係一隻烏咀狗
支骨骨麥皮咬唔入, 一於搵奶茶幫佢手, 但佢又好想繼續咬喎
麥皮: 哥哥, 你幾時跌啲碎嚟玩下
奶茶麥皮咬骨骨初時狀況
麥皮已經搞唔掂支骨骨, 所以索性玩住咬... 奶茶仲好努力...
隨片附送瞓著咗嘅baba毛腳一只 
佢地咬得好開心！最緊要襟咬！
回覆刪除[版主回覆09/20/2010 20:32:00]係呀~ 我都覺得俾佢哋一玩玩到兩個鐘... 都幾好喎
想請問大機的意思，係咪 canxn個隻牌子500或550個款，因為我都買返部，幫佢地在動態的時候影吓相。
回覆刪除[版主回覆09/21/2010 01:51:00]我係用緊550D~ 其實好多時喺屋企我都用細嗰部... 不過有時佢哋郁得勁就用返大機會易影啲
我有俾果個牌子既鹿筋條佢地食，大概食1hr (有d細舊既就半個鐘)，等我下次去睇埋肋骨先~
回覆刪除[版主回覆09/21/2010 14:09:00]我原本都想試下筋條~ 我諗筋條會啱麥皮多啲~~ 呢個肋骨麥皮完全搞唔掂
有時我都驚驚地俾骨骨Codi咬...因為佢好心急...試過想攞佢...佢就好心急咁就咁吞...要買大支d先得呀!!
回覆刪除[版主回覆09/21/2010 14:22:00]潔齒骨奶茶試過咁做... 結果要我買大一個碼嘅俾佢咬...
不過呢隻骨真係幾好... 咬到好細支都好硬... 唔會咁易吞
回覆刪除麥皮: 哥哥, 哥哥, 點ar ,, 咬唔咬倒jak ..咬開佢啦, 比d 我..... 等左好耐喇...
[版主回覆09/22/2010 10:31:00]麥皮: 你又知我真係咁諗嘅~~ 只要哥哥一跌啲碎出嚟我就衝埋去執
回覆刪除麥皮你食完蓮容黎咩
[版主回覆09/22/2010 10:32:00]麥皮: 係囉~~ 唔知典解個咀貢似食完蓮蓉咁
我上次買得兩個大舊渣, 無六條咁多。 點解食完會有血便既
回覆刪除[版主回覆09/22/2010 15:14:00]兩大舊????!!! 咁咪玩天光都未玩完 =.=
豆沙包話可能佢消化唔好啩.... 我估會唔會係拮親啲腸所以有血
買過鹿筋條，得三條，好 襟咬 ，比較大味囉！食完抺手手仲有好濃鹿味架（SO味）．．．．呵呵
回覆刪除[版主回覆09/22/2010 15:20:00]大味我就唔怕, 我都想買筋俾麥皮咬~~~~ 唔知會唔會易咬過肋骨呢
都唔錯,筋筋唔會跌啲碎碎，安全的,
回覆刪除喳喳一支食咗一星期度（都仲有香味）,唔食要放雪櫃喎．
都唔錯,筋筋唔會跌啲碎碎，安全的,
回覆刪除喳喳一支食咗一星期度（都仲有香味）,唔食要放雪櫃喎．
[版主回覆09/22/2010 15:41:00]OK~ 唔該你呀~~~~