星期日, 天高氣爽, 一於去夏天就告別咗嘅南生圍啦
但車去到一半路時, 竟然遇上車唔讓車嘅情況, 導致塞咗條車龍
無耐性嘅baba梗係話落車我哋自己行啦
都仲有一段路先到... 啲單車又要避車又唔避人... 竟然踩上行人路
條路已經窄架啦... 仲要迫埋上嚟... 終於車到我隻腳... 嚇到我大嗌咗一下
好彩唔係車到奶茶麥皮... 唔係我擔心會有命案發生 
有個蠢ma, 影相時發現唔可以對焦... 唯有全程手動, 連九點對點都唔俾我
當時呢個蠢ma係諗... "慘啦, 支鏡唔通壞咗"
baba話"唔好影啦, 跑下咪仲好"
行咗半個鐘有多... 終於去到目的地
一放繩, 連麥皮都好開心咁周圍八, 好耐未試過咁舒服嘅天氣跑跑呢
呢日有好多人影相呢... 成班人都揸住相機... 見到我哋玩拋波就係咁影
仲要求拋個波去佢哋嗰邊添
佢哋見到奶茶跑返去, 不知幾開心
麥皮就坐喺度任影唔嬲... 因為我哋唔跑, 佢真係唔跑
玩咗一陣, 有隻好可愛嘅poodle囡囡走過嚟撩奶茶玩...
奶茶見到女仔仲唔發光咩... 難得poodle囡囡又肯跑... 結果兩個跑嚟跑去無停過
呢日奶茶仔好乖... 無鬧狗無wu 狗
反而同另一隻poodle打招呼期間, 狗哋無端端發爛, 幸好當時我喺隔離即時抱起奶茶
狗主仲施施然離遠嗌緊"no"
去相先
麥皮成日坐定定企定定, 最好影架啦
奶茶仔周圍郁...
呢張真係唔錯架啦
就係呢位可愛嘅囡囡, 佢都係無時停架... 佢宜家不過係俾奶茶追到無力要小休
兩兄妹比以前少咗一齊跑呢
今日發現, 平時落街散步, 奶茶同我會夾住麥皮喺我左手邊拖繩, 但當佢哋放咗繩一齊行時, 都會慣咗行我左手邊, 而奶茶依然係同我會夾住麥皮呢
而返到屋企, 蠢ma一check相機, 終於發現自己手痕改咗setting, 導致lock 自動對焦~哈哈哈
而家南生圍太多人去影相，成日都人車/車車爭路，我都好耐無帶狗狗去lu。
回覆刪除[版主回覆10/08/2010 19:27:00]係車車爭路麻煩啲... 塞住後面嗰啲嘛...
不過草地我都覺得ok嘅... 嗰日去都唔係好多人
可以跑跑跑......正正正......
回覆刪除D & G MaMi.....
[版主回覆10/08/2010 19:28:00]最開心就係有得跑
我都想去~但係冇野圍住~我唔放心latte哥~
回覆刪除我都想俾latte哥放繩跑下~
佢除左係寵物綠洲游水有得放繩~平時都冇得放~
[版主回覆10/08/2010 19:28:00]驚走狗??? 其實我反而少咗上綠洲... 因為多大狗... 奶茶麥皮會驚
好危險 奶茶麥皮你地要小心D跟實baba mama呀 mama整親，有無錫番佢架你兩個??
回覆刪除[版主回覆10/10/2010 23:26:00]奶茶麥皮: 我哋梗係有錫返mama啦~ 佢嗌得咁大聲
奶皮媽咪你隻腳冇事ma /? 我最憎果d 踩住單車人多唔落地, 仲亂咁沖, 懶有型. 不知所謂. .
回覆刪除[版主回覆10/11/2010 10:12:00]其實只係撞到我小腿一下... 但我嗌到好似俾佢車親咁
麥皮妹妹你好乖又靚靚, bebe 唔肯夾"頭鉀"ka . 一夾就係咁fing . 好似傻婆咁, 務必要fing 甩為止...
回覆刪除[版主回覆10/11/2010 10:15:00]其實個衰妹都唔鍾意... 有少少重量佢已經會搲落嚟為止~
我都專登去搵啲細細隻無乜重量嘅... 夾咗都唔覺~ 麥皮先唔去搞
假日去會好多人
回覆刪除[版主回覆10/13/2010 11:11:00]再涼啲就一定多人~ 嗰日我都覺得ok 嘅
麥皮無狗狗係身邊真係開心晒喎
回覆刪除[版主回覆10/14/2010 09:40:00]個衰妹就係咁衰架啦~ 係唔鍾意同狗地玩