萬聖節, 梗係要約啲朋友仔去玩架啦
我哋無搞啲咩哈佬喂趴地~ 純粹去深涌跑下開心下~
第一次去深涌, 由三杯酒碼頭坐驚險快艇三分鍾就到深涌碼頭~ 再行三個字就到
除咗麥皮之外, 五位小朋友都不停跑嚟跑去追玩具波波
至於最驚險莫過於八卦仔奶茶...
八卦仔八八卦卦去撩女仔, 結果俾其他狗同伴一湧以上嚇到跌咗落水...
個水道仲要差唔多成個人咁高先到水 
亦好多謝羅寶文嘅保鏢幫手落水
幸好我一落去奶茶見到我都肯游返埋嚟...
從來我出去帶住奶茶同麥皮, 只係需要留意奶茶.. 因為麥皮唔會撩狗唔會八卦... 一定跟住我腳邊
但今次發生呢件事... 我覺得自己真係太太太太大意... 因為我只係睇住一隻, 唔係兩隻
因為我嘅疏忽, 導致奶茶有呢啲咁嘅危險, 我真係好嬲好嬲自己
幸好, (真係幸好)奶茶未有受傷, 只係嚇親下, 但之後再散步見到其他狗都未見過份緊張
去相先
Fergie今次啲相好靚呢
其實得我一個係影唔到麥皮跑嘅相
因為麥皮只係跟住我先跑~ 好少會去執玩具
所以真係麻煩晒jessica幫麥皮影咗咁靚嘅跑跑相
我都跑到扯哮咁滯 =.=
點解無奶茶濕身相既? 好彩果日都暖返d渣，唔係好易會冷親。
回覆刪除[版主回覆11/05/2010 11:58:00]其實嗰時我哋都差唔多走... 而跌完落水我都嚇親... 所以無再影相
三杯酒碼頭姐係邊到呀﹗快艇洗唔洗book同要夠人數架?
回覆刪除[版主回覆11/05/2010 12:00:00]三杯酒碼頭我睇地圖係近住西沙公路... 馬鞍山郊野公園同西貢郊野公園中間... 快艇好似唔使夠人... 要預早話佢知大約幾點同幾多人幾多狗... 咁佢就會報返個價... 電話號碼要再搵返先~
我call van去三杯酒, 就係話三杯酒碼頭井頭村小巴站
好彩奶茶平安無事咋!! 希望無嚇親佢啦..!!
回覆刪除[版主回覆11/06/2010 02:30:00]真係好好彩~~~ 我都想唔好令佢驚咗狗
奶茶無事就好lu,媽媽會唔會獎佢飲留杯奶茶定一定驚呢?
回覆刪除[版主回覆11/06/2010 02:30:00]無獎奶茶~ 不過有獎肉肉食
平安無事! good good good!
回覆刪除[版主回覆11/08/2010 11:27:00]最緊要係平安無事
回覆刪除麥皮你又想笑c EE , 一路睇一路睇...望見你哩個樣真係笑到碌地
[版主回覆11/08/2010 11:28:00]麥皮: ee你又笑狗哋~~ 點解咁好笑嘅
奶茶你點ar .. 冇事嘛...
回覆刪除奶皮媽, 不要自責, 只係小朋友玩得太高興.....
[版主回覆11/08/2010 11:50:00]奶茶: 我無事呀~ 係mama 神經質發作之嘛~~~ 宜家晚晚散步有兩個傻佬傻婆仲話要再教過我"come"喎~ 喺樓下係咁嗌"奶茶, come"
奶茶無事就好了，下次佢自已都知危險，唔會架啦!
回覆刪除[版主回覆11/19/2010 01:21:00]佢記得先好呀
好彩無事............
回覆刪除D & G MaMi....
[版主回覆11/19/2010 01:21:00]係呀~ 真係好好彩無事