麥皮: 復活節mami明明放四日假, 但佢話喎, 天文台落兩日雨... 咪唔預我哋去玩囉
點知mami自己玩又見好鬼好天喎~激死 
終於等到baba放假~ 於是就去南生圍, 諗住無咁多小朋友喎 
今日好曬吖~不過有啲風又唔係好熱~ 所以我都有周圍跑，仲同哥哥爭波玩
終於俾我搶到波波啦
我行咗埋去同呢棵樹度高，mami以為我擺pose
有好多狗狗，我驚得滯扭baba抱
mami話我好鍾意匿喺啲樹或者柱後面裝佢
同埋我戒唔用隊草呢個壞習慣
奶茶: 到我講啦到我講啦~ 第一樣梗係要講~ 
就係baba mami話我今次操行滿分喎~ 平時見到狗狗會WU狗當打招呼嘅我
今日無wu過狗, 除咗有隻雪橇bb, 好鬼貪玩
想衝埋去麥皮度, 知道妹妹一定驚嘅我, 梗係要保護妹妹對抗外敵 
吠爆佢先~~
mami話我跟住爸爸腳嘅樣好乖
出嚟玩梗係要周圍跑下架啦~ 邊似個肥妹咁, 郁兩郁就當自己好大運動量先得架
我條脷真係好長架
baba話mami開始扮藝術家... 影相放到部機低一低又唔望咁~
mami好鍾意呢幾張~ 話睇唔晒我個樣夠特別喎
我見到baba收埋咗另一個波波喺個袋入面, 等我搵出嚟玩先
奶茶: mami話影我哋合照唔易, 我哋唔鍾意坐咁埋
呢張係baba嗌我哋先坐咁埋咋
