麥皮: 今日mami放工返嚟又執好出街袋幫哥哥戴好狗帶...
我哋不知幾咁開心... 有街街去嘛
點知mami仲要搭車車喎~ 越行越唔對路啦~
我開始認得呢個鬼地方~ 次次去親都無好事架
原來係我又到一年一度嘅日子 
因為baba怕奶茶嘈所以無陪我同mami入診所
入到去仲有個妹妹仔一見我就即刻彈開... 話佢好驚嗌我唔好埋佢度~
其實mami已經抱住我~ 所以mami奇怪點解呢個小妹妹怕狗都會入呢個鬼地方
原來佢都有狗狗嘅~ 仲係一位老婆婆~ 行得好慢架
轉下眼啲人就走晒~ 哥哥都入咗嚟陪我~
不過佢都認得呢個鬼地方~ 跟住我一齊坐立不安呢
姑娘姐姐嗌我等一陣先入去~ 於是我緊張度喺度唱歌啦
入到去醫生同姑娘姐姐幫我探熱打針~
mami讚我好乖... un都無un~ 反而哥哥喺度打喊露催baba走呢
因為我間唔中耳仔同牙肉會好白, 於是mami問下醫生咁樣有無問題
醫生話我其實血壓偏低, 所以會較容易變白~ 俾我多啲走動等血氣運行好啲就會ok架啦
跟住醫生見到我左眼眼球有少少白~ 話可能係唔小心整傷咗眼仔... 眼球有個傷口... 正常會慢慢褪... 不過如果呢個已經係舊傷口... 佢已經變成傷痕... 會永遠喺度但唔影響視力, 醫生都話無咩可以做, 而mami同baba都記得以前無呢個傷口... 所以希望佢只係啱啱整傷會慢慢褪
至於最後mami問埋醫生, 我腳仔方面有無嚴重到, 醫生摸完一輪之後話都係初級~
左腳一級右腳二級~ 嗌佢哋繼續keep住保養我對美腿 
mami出診所第一句係... 無退步當係進步啦~ 
麥皮唱女高音好好笑！ 血壓偏低,？ 俾我多啲走動等血氣運行好啲就會ok？咁....要多D出街玩喇！
回覆刪除[版主回覆05/31/2011 09:26:00]麥皮: 咁好唔好聽呀~ 我成日唱俾mami聽架 ~~~ EE都覺得應該要多啲去玩呢~
麥皮妹妹比你笑屎啦..驚到唱歌..
回覆刪除好開心聽到腳仔冇升級. . keep 住keep住,, 多d 踩水,, 又可以行氣活血...
[版主回覆05/31/2011 09:28:00]麥皮: 真係巧驚驚架 我喺醫生枱時震到mami以為地震吖~
多謝ee咁關心~ mami話即使我有公主病都唔緊要~ 最緊要係腳仔唔好惡化要做手術喎
回覆刪除麥皮你係咪緊張面毛都樹起. 以為可以遮住自己個樣呀?
[版主回覆05/31/2011 16:48:00]麥皮: 係吖~ 睇唔到睇唔到睇唔到~ 就唔使打針啦
麥皮原來你驚旣時候，會唱歌幫自己減壓咁叻叻！
回覆刪除[版主回覆05/31/2011 16:49:00]麥皮: 我好鍾意唱歌架~ 緊張時會唱~ 有嘢食時會唱~ 要mami陪我玩時會唱~ 成日都唱~
麥皮妹妹，去果個鬼地方，哥哥我只係識得震震震，好驚，好驚乜都唔識做咖
回覆刪除[版主回覆06/01/2011 09:27:00]麥皮: 綠茶哥哥~ 我都會震震震架~ 不過未見到醫生之前就會唱下歌先
估唔到麥皮你真係驚得咁緊要架﹗
回覆刪除[版主回覆06/01/2011 09:28:00]麥皮: 真係得人驚架~
番茄：麥皮，咁你真係要KEEP住腳仔喇，醫生上次話我一隻腳兩級，一隻腳三級喇
回覆刪除[版主回覆06/02/2011 12:03:00]番茄, 你真係要游多啲水~ 跳少啲先得啦
咁唔可以跳咁多保持美腿喇 :)
回覆刪除[版主回覆06/03/2011 15:12:00]麥皮: 知道~ 我唔係點識跳架
好可愛呀~麥皮妹妹..驚到唱歌..
回覆刪除[版主回覆06/03/2011 15:12:00]麥皮: 真係好緊張嘛~
早兩日都同毛之家去打針，家家同之之倆母女係我帶毛毛入去後，又係係度唱歌，笑 C我
回覆刪除[版主回覆06/03/2011 15:13:00]其實佢哋嗰種好直接嘅反應真係好可愛~
你講鬼地方 我唔敢睇落去 以為撞鬼 原來打針
回覆刪除[版主回覆06/07/2011 11:14:00]麥皮: 對我嚟講~ 係鬼地方嚟架
圓咕碌: 我去到診所就不停响度震 , 哈哈..............估唔到麥皮勁過我 , 驚到唱歌~!!
回覆刪除[版主回覆06/08/2011 23:39:00]麥皮: 我好鍾意唱歌架~ 事無大小都會唱下歌仔舒發下心情~