Kit:
我好少會寫一啲唔關奶茶麥皮嘅事
但尋日目擊一件事, 令我覺得有感而發
尋日, 喺我路過輕鐵馬路時,
有一個大懵嘅狗主, 竟然自己只推了狗狗車過馬路
而無留意西施小狗只顧住聞地未有跟隨主人
到佢發現時, 已有一架輕鐵差唔多到達要橫過
而狗主除咗驚叫, 亦未有即時衝去小狗的一端
但佢嘅驚叫, 亦吸引咗小狗嘅注意
狗主只係不停嗌小狗停喺度, 我相信呢個亦唔係一個有訓練過嘅指令
同時狗主亦嗌另一端嘅路人幫忙欄截小狗
但試問有幾多小狗, 喺主人驚叫緊張嘅情緒下, 仲可以接受一個陌生人嘅捉緊
小狗亦掙脫咗陌生人嘅手, 試圖橫過馬路
而輕鐵亦響起警號...
幸好, 輕鐵在小狗未到路軌前已橫過...
但我嘅視線只睇到輕鐵時... 亦忍唔住嗌咗一聲
待輕鐵過後, 見到小狗仍滿心興奮的衝向主人
嗰刻心情真係又驚又喜
但相信呢位太太 (狗主) 已經嚇親... 緊張得抱起小狗打 pat pat及鬧佢唔聽話唔跟實
而我未有講咩就轉頭離去... 因為我已經嚇親... 竟然忍唔住一路行一路喊起上嚟
後尾同baba講返呢件事... 佢覺得我嘅反應過大
但目睹嘅一剎真係好驚心動魄... 甚至仍留有餘悸...
狗帶真係好緊要... 我屋企附近有好多人都對自己狗狗好有信心
甚至過馬路都唔會上帶... 覺得狗狗識睇燈一樣...
每當遇到呢啲狗狗... 我都忍唔住留喺狗狗身邊... 待佢全程過晒馬路
dogs are like babies, they do not know the danger create by human!
回覆刪除[Blog書回覆03/22/2012 18:36:01]Well, It is true!
[版主回覆03/21/2012 17:43:13]無錯~ 但通常人係最遲醒覺嘅一位
當時如果係我, 都會同你一樣, 睇到輕鐵時... 都會忍唔住嗌咗出嚟, 個心好想嗌停列輕鐵, 雖知冇可能... 人多車多嘅地方真係一定要用狗帶, 有時突如其來嘅野係估計唔到狗狗會有乜野反應, ,, 不過即使有落狗帶, 等過馬路時都唔應該企得太邊位,, 身為狗主真係要確保一眼關七,, 出咗事真係內疚一世
回覆刪除[版主回覆03/21/2012 17:46:50]小朋友讀書都有教... 過馬路要拖實大人... 但試問大人都唔去拖實小朋友, 小朋友有意外時, 可以怪邊個呢~
唉..............比我見到都會好驚同大叫 , 點解啲主人過馬路唔拖繩 , 係咪發生咗意外先識驚呢, 點解唔可以防患未然~??
回覆刪除[圓咕碌回覆03/22/2012 16:34:05]絕對應同~!!
[版主回覆03/22/2012 00:28:12]我都唔明點解可以咁大安旨意... 人過馬路都會發生估唔到嘅意外, 更何況係狗...
我都親眼見過，話說有一次過馬路，路中間有安全島，有個主人上繩拖住隻松松過馬路，隻松松跟住主人後面，點知主人行到安全島，松松同佢差一兩步，就畀架私家車碌過，當場屎咗。架車停咗，主人報警，警察黎咗都冇法搞，唯有叫漁記派車執走。所以話，過馬路都咪大安旨意，細狗抱實過就最安全！
回覆刪除[版主回覆03/22/2012 00:24:29]好可怕嘅經歷, 其實我過馬路通常都扯短狗繩, 令佢哋儘量跟貼... 安全島就一定要抱起... 因為有時人多都會好危險
我都見過好多狗主,佢地真係以為狗狗識睇燈, 自己有自己過咗去就算, 連回頭看看也不會的狗主啊, 我每見到, 我都會問點解佢地可以咁放心, 如果有事, 到時先黎後悔又如何???
回覆刪除[版主回覆03/22/2012 14:39:39]我覺得問嚟都嘥氣... 因為佢哋太老定
呢D情況我未遇過, 不過自知小狗也是小朋友, 所以我由B仔小朋友開始, 也就唔比佢過馬路, 每次都會係抱佢, 呢D情況真係唔好掉以輕心, 有咩事傷心都冇用.
回覆刪除[版主回覆03/22/2012 14:40:58]啱呀~ 呢啲情況都係小心啲好
嘩! 係我都會大叫左出泥呀!! 咁嚇人架!! 唔好話過馬路啦, 係馬路兩旁行, 就算有圍欄, 我都京圍欄有洞啦!! 人同狗 高度唔同, 睇漏眼, 有物咁出奇呀, 一定要拉實先好!!
回覆刪除[版主回覆03/22/2012 17:17:29]但覺唔覺其實屯門好多呢啲大安旨意嘅人... 仲好威水自己隻狗好醒好老定咁
真係驚嚇，除左去毛之家成日去ge單車徑可以放繩，其他地方我都上繩ka，毛爸有次好輕心地在路下放繩，差d出事，自此佢都不敢掉以輕心
回覆刪除[版主回覆03/22/2012 23:47:12]奶茶都試過喺我認為安全嘅地方放繩, 但因途人撩起佢... 令佢一支箭咁衝百米路, 之後仲衝出馬路, 自此我唔敢喺一個有隱憂嘅地方放繩
真係好恐怖呀！主人過馬路真係要小心呀！信得過小狗但自已都會睇漏眼架~~~
回覆刪除我自已會衝出去救佢先，起碼司機見到人會剎車，見到狗應該唔會剎……
[版主回覆03/23/2012 23:43:23]其實嗰刻我覺得主人係夠時間衝返過對面, 我估佢係唔放心放低架寵物車&上面嘅財物啩 ~ 不過換轉係我都會衝咗過對面先~ 因為一段路軌嘅距離對人嚟講近過狗太多...
Wow 好彩狗狗冇事！希望狗主經一事長一智，以後好好睇/拖住隻狗，因為唔係次次咁好彩架
回覆刪除[版主回覆03/24/2012 09:16:44]希望狗主真係會醒覺而且加倍小心
都幾驚, 的帶狗狗實拖住, 咁多外來因數, 安全啲好!
回覆刪除[版主回覆03/24/2012 09:17:38]無錯呀~ 要放繩都喺一個安全放心嘅地方先好放
真係嚇餐死呀!!!狗帶真係好重要,其實過馬路我都用狗帶架~我怕有乜事會發生
回覆刪除[版主回覆03/27/2012 09:20:29]真係好得人驚~ 其實咩事都應該小心為上
嘩...睇完你既描述，我個心都離一離呀！好彩狗狗今次冇事ja！所以幾時都話一定要上狗帶架！
回覆刪除[版主回覆03/27/2012 17:01:35]我覺得上狗帶係一個習慣, 一個禮貎, 我真係唔希望再見到呢啲嘅情況
真係一額汗, 好彩無事......
回覆刪除[版主回覆03/29/2012 12:43:56] 無錯~ 真係好彩無事
嚇死人咩～～
回覆刪除太大意了，呢位太太。。。
[版主回覆03/29/2012 14:43:06]最嬲係................... 之後有日, 喺樓下再遇到呢位太太... 佢將狗仔車泊喺佳寶門口... 而隻狗照舊自由行周圍走... 但....................... 太太竟然入咗佳寶買嘢
嘩, 我諗我會同你一樣, 嚇都喊! 個主人唔好好睇住小狗, 仲打佢pat pat, 過份呀
回覆刪除[版主回覆04/04/2012 22:40:52]其實好多呢啲主人~ 我覺得真係好無奈 好彩嘅係小狗今次無大礙