新家 !!!!!

經過幾日夜瞓...

大致新家雛型已經有返舊家嘅味道







是的, 搬家是痛苦的

因你要取捨, 要舊文定舒服嘆新BLOG算

我揀咗, 要舊文, 要奶茶麥皮的記錄可以繼續存放在一個網誌上

我初初揀呢個新地方, 係見呢邊可以匯入 .xml檔...

而yblog backup亦都係 .xml檔喎

咁就發達啦~ 諗住咩都唔使做, 舒舒服服就可以搬屋


但我後來發現, 原來只係我一相情願

yblog嘅backup file係唔可以直接匯入 blogger.com的

format唔同嘅關係...

所以就要上網搵高手, 睇人哋點搬

就自己試下搬

我唔想好似螞蟻搬家咁逐篇BLOG打返上去

但暫時網上方法.... 好似無辦法可以完整咁將yblog搬嚟blogger.com

亦無無名咁好彩, 有高手寫software可以.xml轉format

咁無相... 都要搬架~ 唯有試一次....

終於搬晒啲文啦~ 啲相咁點呀?

低能嘅我... 就將yahoo backup俾我嘅... 有日子就分返日子upload返去呢邊嘅相簿

無日子嘅... 唯有搵返自己嗰啲... 唔使分相都分到頭爆


因為相仲要逐篇執返嘅關係, 所以暫時睇到嘅BLOG都係唔完整

無相嘅/已經執好相嘅

幸好我唔算多篇數 (4XX), 應該好快就會執晒全個BLOG


淨搬文詳細方法如下:

http://smartbenben.blogspot.hk/2013/09/23-yblog.html



但今日又要開始好爭扎, 啱啱有高人出咗方法, 可以連相搬BLOG

但會無晒啲回應

而且方法非常轉折

我唔太喜歡將BLOG放到周圍係

要回應好, 定要相好???


我承認... 其實我懶咗好多UPDATE個BLOG... 搬BLOG時先發現... 原來近半年我已經由週記變成月記, 但yahoo的確令我原動力減到最低,(有回應唔知, 有更新唔知) 希望搬咗過嚟之後... 我會有原動力繼續寫多啲BLOG

(8/9 update)
http://tastejplife.blogspot.hk/2013/09/blogspot_8.html

終於有人成功可以將BLOG全搬至blogger.com連分類回應及相

不過未試... 希望一試就成功啦


題外話: 呢幾日搬BLOG時睇返啲舊文....因為暫時放咗啲無相嘅BLOG文出嚟... 好多都係短片... 睇到兩個毛孩嘅片段.... 令我工作時間都特別掛住。