Kit:
真係唔覺唔覺....... 原來麥皮妹妹... 成為我屋企人剛好踏入五年
1
時而諗起... 初初見到麥皮時嘅情景
傻妹似的.... 又八卦又貪玩
又要撩哥哥又要驚哥哥又要蝦哥哥
我唔否認... 麥皮是被我們寵壞的 (包括我, baba, 奶茶)
佢不認為自己係小狗... 因為佢係屋企嘅小主人小霸王
喺街外邊時, 佢會匿到我哋嘅最後
但喺屋企, 佢會容許自己踩在每一個的最上面 XDDDDDDD
佢最常發出嘅, 唔係狗狗的"汪汪"聲
係疑似小貓叫咁嘅"嗚嗚""yauyau"聲
佢有好多花名的
"麥皮" "妹仔" "麥皮妹妹" "妹呀" "肥妹仔" "棉花妹" "乖豬" "八歲妹" (呢個係baba 無啦啦加咗3歲嘅) "芝士腸" (因為麥皮成日BUBU, 一日可以BU三次, 所以我認為佢條腸特短 XD)
這就是我的小公主~ 麥皮妹妹~
多謝你嚟到我嘅身邊, 令我感覺到被需要
照顧你, 保護你, 係我哋一家嘅最重要嘅事
希望你要繼續健健康康精精靈靈咁喺屋企扮貓仔
五週年快樂!!!
2.
3.
我搵唔返呢張相... 只喺BLOG度搵返
4.
奶茶麥皮第一次hi five
5.
唔覺唔覺5年了.....
回覆刪除係~ 突然覺得時間過得好快~ 行到仆下撞下嘅麥皮嚟到屋企好似係尋日嘅事咁
刪除五年的快樂時光,真令人回味, 仲有幾個5年等住你地啊^^
回覆刪除諗下麥皮扮貓仔叫, 實好搞笑啫 hehheee
麥皮: heheheee~ 其實之前出嚟時,mami唔抱我時我都有咁嗌過架
刪除時光過得特別快 , 麥皮嚟咗呢個家咁快就5年了 , 希望麥皮响呢個家keep 住做霸王妹呢個角色 , 每日都過得開開心心呢~!!
回覆刪除麥皮: 多謝哥哥 XDD 我會努力, 繼續做好呢份工架啦
刪除BB時嘅麥皮妹好得意呀! 真係好似舊綿花糖, 好可愛! 祝麥皮妹健健康康, 開開心心咁繼續做家裡的小霸王! (^皿^)
回覆刪除麥皮: 多謝B-GOR MA讚賞同祝福~ 我會努力做好呢份工架 .\ /.
刪除佢麥皮小時候真係好得意，麥皮要陪住您哋好多個五年
回覆刪除麥皮: 多謝仔仔媽~ 我一定要陪mami baba好多好多好多個五年架~
刪除