星期日上晝, 一家四口入咗鄉村俱樂部
去到草地無人, 我哋咁就包咗個草地
不過啲泥有啲濕, 朝早又無乜太陽, 所以佢哋啲腳仔都變咗泥鴨腳
亦因為咁, 好多蚊滋咬我 
兩個小朋友一放繩就已經好開心咁跟住baba周圍跑
連麥皮都忍唔住係咁跑
不過玩咗個幾鐘之後, 太陽伯伯開始出嚟
佢哋都跑到攰晒唔係好想郁
所以曬咗一陣就起程返屋企咯
去相先
好少影到佢哋個頭黐咁埋嘅相架
麥皮特別有精力咁, 哥哥跑去邊就一於跟到實
仲一口搶走咗哥哥個玩具添
太陽出嚟啦... 快啲匿埋先
不過呢張相嘅麥皮好好笑... 條脷仔好似牛奶仔咁伸咗一小截出嚟
奶茶:
有得跑就好開心架啦
都有企定定望下mama影張靚相
奶茶: 熱死人咯~ 不過有波波玩我就唔怕架啦
大少爺連飲水都唔會行出櫈底, 要baba遞埋去
麥皮:
跑到跳起晒, 幾鬼活潑
麥皮: 我係專業嘅o靚模, 所以要識擺pose
返到屋企好快就瞓到豬仔咁
我呀:
曬到睇唔到眼呀 (其實本身真係細)hahaha
麥皮係都要偷錫mama
奶茶剪毛毛啦
今次JOEY姐姐幫奶茶剪毛咗對熱死人喇叭腳
變返廋嘅圓筒腳
今次仲唔要圓形頭, 剪扁佢...
奶茶仔成個樣即時BB咗
不過奶茶仔今次發姐姐脾氣... 唔鍾意姐姐整佢咁耐
好明顯.... 綠洲對我嚟講真係好鬼方便
呢日天氣仲要好鬼熱... 行到上去我已經一身汗
不過啲狗狗全部都係去游水嘅... 變咗我哋又包咗個草地啦
大部份時間佢哋都匿喺枱底避太陽
奶茶最活潑都係啲雲遮咗太陽嘅時候
舊雲一走咗, 奶茶亦都走去枱底
今次仲要中心有個窿... (直徑有我腳掌咁長)仲有水添呀
搞到我都嚇一嚇... 爭啲差錯腳... 麥皮就八八卦卦咁搞到面仔啲毛濕晒污糟晒
我哋玩咗兩個鐘就返屋企啦... 但奶茶麥皮好似跑足一日咁
喺屋企瞓到唔願郁
幫麥皮沖完涼梳毛時, 佢已經喺我大脾瞓得好冧
去相先:
呢個就係嗰個大咕窿
佢哋好似係搵緊玩具
奶茶仔:
麥皮妹:
星期六, 大家都要返半晝嘅日子
即興就約咗番茄同妹豬去荃灣公園玩下
原本入咗狗公園等, 不過因為有幾隻雪撬嚟到
引致奶茶麥皮都嚇親
所以最後出咗去海濱公園玩
天氣炎熱之下, 首先係我嗌投降提議去貓狗天地坐低 (其實我唔係咁怕熱架~呵)
今日貓狗天地無人... 我哋上去得3隻PR狗狗
奶茶仔都睇中咗一隻係咁追住人哋
但人哋好似麥皮咁人又驚狗又驚, 行埋啲都會發脾氣
結果奶茶唔抵得人哋唔啋佢就索性吠爆... 唉
去相:
喺狗公園唔想落地玩... 唯有喺櫈度坐下先啦
妹豬番茄嚟到就轉移陣地, 三個仲鬥快執玩具添
麥皮好醒架, 係咁扭軚避開番茄同奶茶搶佢個玩具
哥哥執到時又死跟住唔放
番茄都有搶到過架
今次妹豬都有喪跑一番, 奶茶見到都想追埋一齊, 不過嚇到妹豬即刻縮埋
喺CAFE, 番茄ma有餅餅派, 兩個梗係坐定定等
番茄個為食樣就知有嘢食啦
麥皮個為食妹點會執輸
呢日影咗麥皮唔係好多相, 反而奶茶影得多啲, 有啲仲好鬼上鏡添
就係呢隻囡囡好驚奶茶, 而奶茶俾佢鬧多兩鬧就發脾氣吠返佢
cafe仲有poodle bb喺度... 佢哋mama都喺籠入面, 好溫馨呢
今次幫番茄ma影咗幾張, 真係人靚點影都上鏡 
