好明顯.... 綠洲對我嚟講真係好鬼方便
呢日天氣仲要好鬼熱... 行到上去我已經一身汗
不過啲狗狗全部都係去游水嘅... 變咗我哋又包咗個草地啦
大部份時間佢哋都匿喺枱底避太陽
奶茶最活潑都係啲雲遮咗太陽嘅時候
舊雲一走咗, 奶茶亦都走去枱底
今次仲要中心有個窿... (直徑有我腳掌咁長)仲有水添呀
搞到我都嚇一嚇... 爭啲差錯腳... 麥皮就八八卦卦咁搞到面仔啲毛濕晒污糟晒
我哋玩咗兩個鐘就返屋企啦... 但奶茶麥皮好似跑足一日咁
喺屋企瞓到唔願郁
幫麥皮沖完涼梳毛時, 佢已經喺我大脾瞓得好冧
去相先:
呢個就係嗰個大咕窿
佢哋好似係搵緊玩具
奶茶仔:
麥皮妹:
包場，超正呀！兩個好得意，好開心！麥皮越黎越鍾意笑！遲D要游水LU，無得跑，實在太熱啦！
回覆刪除[版主回覆05/18/2010 23:46:00]多謝
係咯~ 越嚟越熱~ 好難去跑... 不過麥皮又唔識游水 真係好想佢學識
回覆刪除都未正式熱天，麥皮都熱到嘴仔濕哂
[版主回覆05/19/2010 11:09:00]佢個衰妹走去聞嗰個大咕窿啲污糟水呀
同埋熱得滯係咁流口水
回覆刪除奶茶仔你哩埋係度做乜jak .... 果度涼d 咩...
[版主回覆05/19/2010 18:05:00]奶茶: 嘻嘻~真係涼好多架~ 又唔使曬... 其實我都怕曬黑架嘛
回覆刪除麥皮: 禾跑.. 禾跑...禾跑跑跑.......不過... 媽咪....曾係好熱熱le ... 不如游水水la ....
[版主回覆05/19/2010 18:04:00]衰妹~ 你識鬼游咩... 一去到泳池就震晒
嘩! 地下個窿真係好大, 都好危險下, 果度d 人知唔知ka ...
回覆刪除[版主回覆05/20/2010 14:21:00]我都唔記得同佢哋啲人講..... 不過佢哋好似唔係好知
奶茶好似賣緊檸檬茶廣告呀...
回覆刪除如陽光伴我...lalalalalala...
[版主回覆05/20/2010 14:22:00]同一日夜晚我喺屋企又影咗幅好似... 不過右邊變咗一隻有毛嘅腳
回覆刪除個大咕窿可能係個藏係地下自動花洒頭﹐一開水龍頭就會伸出黎旋轉淋草。
[版主回覆05/24/2010 12:48:00]哈哈~ 你呢個諗法都幾啱咁喎~
或者我真係錯過咗佢個花灑伸出嚟嘅一幕
夏天好熱, 佢地要唔要剪毛??
回覆刪除[版主回覆05/24/2010 12:49:00]奶茶啱啱剪咗LU~ 麥皮就下個月先.. 都快架啦
麥皮唔識游水? 著救生衣得唔得呀! 等佢習慣下先.
回覆刪除[版主回覆05/31/2010 16:52:00]麥皮唔識架... 上年去過幾次... 我喺水入面扶住佢游都係唔得
之後我先買救身衣~ 不過臨季尾先買... 所以未試過俾麥皮用救生衣游
上年小mi都唔洗游, 所以我都買咗救生衣, 但係又係季尾, 所以無著過. 同你case一樣. 不過今年佢有幾似跳咗落水池, 見佢又游得好好喎! 唔知係未學識咗. 哈!
回覆刪除[版主回覆05/31/2010 17:17:00]但我睇小mi好似好鍾意水喎~ 但係麥皮見到水好似好驚咁
係呀! 小mi好奇怪, 佢唔鐘意游水, 但勁鐘意玩水, 尤其好淺水果種, 佢鐘意係d水到跑來跑去. 如果麥皮真係唔鐘意, 咁都無法, 其實都唔一定要游水既, 最緊要佢地鐘意.
回覆刪除[版主回覆05/31/2010 17:35:00]因為麥皮有膝蓋移位, 所以我比較想佢學識...