一見天文台預報唔落雨, 就梗係要約啲朋友仔去玩架啦
今次約去彭福, 搭車途中經荃灣時突然落起大雨...
好彩彭福無落雨... 不過就曬到爆開咗
我哋係最早去到, 但奶茶已經曬到不停搵樹蔭枱櫈遮蔭
反而麥皮仲肯跟baba周圍行下
到其他朋友仔都到齊時, 麥皮竟然撩番茄打交... 平時扮文靜嘅佢唔見咗 
而今次奶茶仔搵咗新目標... 竟敢當住番茄面前係咁追住niza 
到後期, 奶茶仔一落地就直奔去niza身邊, 連番茄都唔執輸都追niza 
而麥皮已經唔想郁淨係不停匿喺櫈底同攤喺草上面
仲有隻狗狗熱到直奔落水添呀... 游得幾開心
去相:
Fergie:
Fergie真係好鍾意執波
點解Fergie 咁定?? 因為Fergie ma揸住個波汳
番茄:
番茄今日無咩態... 攤抖嘅時間多啲, 亦無乜同奶茶打交
呢張番茄個樣好好笑, 又凸咗隻牙仔出嚟... 成隻彊屍咁
妹豬:
依然都係跟實媽媽腳邊... 我見過佢一次自己跑開咗... 但只係因為誤會咗第二個係媽媽, 一發現唔係就即刻跑返轉頭
Niza:
其實我覺得niza一放繩係會跑遠啲... 但都會搵返爸爸架
剪咗傳統裝之後, 成個成熟晒, 連奶茶仔都好認同架
新相識嘅朋友仔, 花公館嘅花花 (奀豬無影到相添)
另外呢隻西摩好有型.... 不過好咸濕架~ hahaha
就係呢隻狗狗唔理主人呼喚... 突然直奔跳落水, 仲游咗一陣先上返嚟
玩玩玩:
妹豬個樣咁鬼鼠嘅... 佢哋去邊呢
有米派有米派... 個個都行埋去等派米
由此可見... 番茄同麥皮都好鬼為食
直頭任影唔嬲
Fergie 都係咁驚青... 呵呵
Niza放咗繩之後無走咗去, 仲玩波波玩得好開心
一入去梗係影返張合照先啦
三口子嘅背面... so sweet ~ hohoho
奶茶:
奶茶仔去到梗係要留返低自己嘅氣味
奶茶仔好鍾意用條脷撩鼻鼻... 哈哈哈
又一圓渾嘅pat pat
嘿~ 坑渠蓋... 我唔過架
麥皮:
麥皮, 咩事咁得戚
我真係好鍾意影低麥皮痾殊殊個姿勢
呢張我會覺得一個經典, 因為一向唔鍾意狗嘅麥皮... 竟然主動行咗埋隻金毛面前... 雖然佢無走埋去聞佢打招呼... 但近距離令我覺得佢好叻女.... 當時隻金毛仲乖... 主人一直叫佢"stay"佢真係唔會理麥皮... 好定咁企喺度
沒有留言:
張貼留言