27/6/10 麥皮vs牛牛

麥皮遇到佢嘅新朋友, 突然愛上放咗喺屋企好耐嘅牛牛

係咁要同佢玩

牛牛咁大隻.... 好難搞架喎

 

20/6/10 綠洲夏水禮

夏天到啦~~ 一直都想搵個機會帶奶茶麥皮去游水

但之前奶茶眼仔敏感所以無游

不過見佢已經無乜紅所以就去游一次啦

如果唔係, 咁熱天氣都唔知可以去得邊

今次游水奶茶好叻仔, 自己跳咗兩次水去執玩具

不過我都影唔到相

因為我大部份時間都放低相機扶住麥皮游水

麥皮開始可以游到兩步... 不過又會打直返個身

仲有兩次麥皮唔知咩事伸個頭去深水區結果跌咗落水, 仲有一次一跌就沒頂

嚇死個衰妹

另外又發生唔開心事

我哋入去時已經有隻秋田犬喺度同其他細狗一齊玩

見奶茶都唔係太驚而秋田犬亦都同細狗相處到

點知玩咗幾個字, 突然秋田犬出手按底咗奶茶...

好彩即時抱起奶茶, 但都未有人拉開隻秋田犬

之後秋田犬上咗繩, 而奶茶亦都唔敢再行近

7/6/2010 奶茶眼仔過敏

月頭嘅時候, 終於的起心肝帶紅眼嘅奶茶去睇醫生

因為留意下上面張相, 都發現奶茶眼圍邊都紅紅地

其實都已經紅咗一段時間

但見佢又無咩大礙而且時好時壞, 所以無帶去睇醫生

去完錦田之後終於忍唔到

幸好醫生只係話眼仔附近嘅皮膚過敏, 眼仔無發炎

但點解會咁呢?? 醫生問我, 奶茶個衰仔有無成日周圍抹個頭仔... 殿嚟殿去嗰隻

諗諗下奶茶好鬼鍾意喺梳化邊抹嚟抹去...

醫生話可能佢殿嘅時候有污糟嘢入咗眼

而佢又未至於嚴重到要食藥,

最多洗密啲眼仔, 洗法係: 扯開眼皮滴洗眼水入去再"浪"佢

咁就會洗乾淨啲

同埋開咗支有類固醇成份嘅眼藥水, 不過[有效就退紅, 無效就用五六日之後唔好用]

 

自此, 我唔會再俾奶茶麥皮喺任何地方殿嚟殿去

13/6/10 妹豬&妹豬ma 生日會@petworld

星期日, 係妹豬嘅生日會, 亦都係妹豬ma嘅正日生日

於是乎就一齊慶祝啦~

大矇嘅我... 竟然唔記得帶妹豬嘅生日禮物 =.= 之後再見到都係唔記得帶

去到petworld, 有啲雨, 於是入cafe開咗趴地先啦

我哋亦獻上為妹豬ma精心準備嘅大隻佬蛋糕

是日奶茶仔太掛住番茄, 係咁追住番茄連嘢都唔食

反而為食妹麥皮就咩都食, hehe

食飽飽之後狗地就去游水咯

不過因為奶茶眼仔有啲敏感, 而麥皮又唔鍾意游水, 所以我哋就去咗草地跑跑

返到屋企睇相發現... 我真係影得好少其他狗嘅相

特別係壽星妹s都唔記得影多兩張

真係離譜

 

我好喜歡嘅生日蛋糕

狗狗仲豐富, 有蛋糕又有嘢食

 

壽星妹

 

我哋只係影咗一張合照, 竟然無影大合照

 

Fergie真係好叻女

 

奀奀唔鍾意落地呢

 

番茄最美一刻~~ hahahaha

 

壽星妹妹豬原來唔鍾意吹毛到要食晒啲風佢, 好惡死呢

 

 

其實我唔記得, 佢係coco, 定瑤瑤

 

奶茶見到番茄喺隔離游水, 好想過去

奶茶, 唔好咁黐情啦, 人哋都唔啋你

 

麥皮有得跑跑就好開心

 

最開心梗係有mama抱啦

6/6/10 鄉村俱樂部

星期日上晝, 一家四口入咗鄉村俱樂部

去到草地無人, 我哋咁就包咗個草地

不過啲泥有啲濕, 朝早又無乜太陽, 所以佢哋啲腳仔都變咗泥鴨腳

亦因為咁, 好多蚊滋咬我

兩個小朋友一放繩就已經好開心咁跟住baba周圍跑

連麥皮都忍唔住係咁跑

不過玩咗個幾鐘之後, 太陽伯伯開始出嚟

佢哋都跑到攰晒唔係好想郁

所以曬咗一陣就起程返屋企咯

 

去相先

 

好少影到佢哋個頭黐咁埋嘅相架

 

麥皮特別有精力咁, 哥哥跑去邊就一於跟到實

 

仲一口搶走咗哥哥個玩具添

 

太陽出嚟啦... 快啲匿埋先

不過呢張相嘅麥皮好好笑... 條脷仔好似牛奶仔咁伸咗一小截出嚟

 

奶茶:

有得跑就好開心架啦

 

都有企定定望下mama影張靚相

 

奶茶: 熱死人咯~ 不過有波波玩我就唔怕架啦

 

大少爺連飲水都唔會行出櫈底, 要baba遞埋去

 

麥皮:

跑到跳起晒, 幾鬼活潑

 

麥皮: 我係專業嘅o靚模, 所以要識擺pose

 

返到屋企好快就瞓到豬仔咁

 

我呀:

曬到睇唔到眼呀 (其實本身真係細)hahaha

 

麥皮係都要偷錫mama