我未返過大陸搭地鐵,所以唔知大陸嘅地鐵單程飛都已經用緊好似八達通嘅單程飛... 仲要係一個好似硬幣嘅物體, 所以我見到呢個硬幣時覺得好新奇
個個見到呢張相都問點解會有電腦, 原因係因為我地去咗網吧...
張床都幾舒服
哈哈.... 凌亂嘅房間, 幾家居
去西門町時買咗呢啲糖同朱古力.... 全部都好得意....仲呃到下人
我覺得呢張相影得好得意
呢條黑漆漆嘅係墨汁腸, 唔好睇佢個樣醜醜地, 但其實係好好味架
去台灣點都要試嘅係阿宗麵線, 其實都好多台灣人會捧場...
呢個係一個拳頭咁大個嘅八爪魚丸, 入面好多料好好味, 不過我覺得台灣人好鍾意食鵪鶉蛋, 因為呢粒丸入面已經有兩三粒, 我見到有小食檔係炸鵪鶉蛋, 成隻打入去炸... 我一見到就覺得膽固醇好高...
去台灣夜晚應該要去下美麗華... 因為佢個摩天輪真係好靚, 上次因為撞正情人節好多人, 所以今次有幸可以搭...
但上到去先知我朋友畏高, 所以覺得好新奇都唔敢亂郁... 因為個摩天輪會搖... 嚇親我朋友
肥前屋係朋友推介一定要去食嘅, 出名係鰻魚飯, 睇到咁多人排隊就知幾好味喇
喺門口已經會寫定單, 一坐低就即交俾侍應得架喇
終於等到佢個鰻魚飯喇, 見到啲鰻魚滿滿咁... 真係有種幸福嘅感覺
呢個靚仔係我今次旅程最靚仔嗰位
雖然第二次去台灣, 但每次都覺得捷運係好新鮮
新鞋子去旅行
去便利店買嘢時走咗之後睇返張單, 佢竟然收咗我十蚊係呢個咩"生活泡沫綠茶", 我都唔知咩嚟, 就知佢收多我錢.... 可惡
台灣嘅七十一用呢隻公仔做代表, 我朋友一見到就覺得好得意, 問點解香港無
呢個便當唔使廿蚊, 但我覺得佢個樣好似好好味, 雖然我無買...
喺台灣都見到香港... 好多舖都會用香港地方名命名
情人橋對住一間餐廳起得好靚, 第一次去嘅時候已經覺得好靚
日抖嘅情人橋同夜晚嘅情人橋感覺上有分別, 不過一樣嘅係都好大風, 諗住上次係冬天今次夏天應該無咁大風, 不過一樣大風到吹得走我
檳榔係我每次去台灣都好想試嘅食品...
台灣有三十六度高溫真係超熱....
之前因為上唔到網嘅問題導致一直無辦法好好upload啲相, 所以提議各界好友... 無事唔好申請和記身痕... 因為佢嘅斷細問題令你好頭痕...
月頭嘅時候同朋友去咗台灣... 喺一個月兩由決定到訂機票到出發... 我未試過咁趕...
不過今次都玩得好開心...
我哋食咗個臭豆腐... 喺台灣係炭燒... 我覺得好味過香港炸嘅
呢個係一個小型摩天輪, 呢張相喺入面嘅係鐵蛋... 不過我見過有茶葉旦, 底部係茶... 個摩天輪會轉啲蛋落茶葉度浸... 好得意
呢個係我買返俾媽媽嘅手信之一, 幾好味
台灣周圍都見到有mos burger, 唔使好似香港咁得幾度有
我估台灣人好鍾意食冬甩, 因為台北好多冬甩舖... 而且啲相都好可愛
呢張相係我喺淡水時接近日落時影嘅... 因為已經喺捷運站, 所以我其實同呢個日落係無緣架
喺淡水食街有好幾間糖水舖, 我去呢嗰間特別多人, 我地分別叫咗個紅豆豆花同綠豆豆花... 又唔覺有咩特別
我一見到呢個夾公仔箱就令我諗起某人, 所以要立即影低一張俾佢睇, 不過呢啲夾公仔箱都唔平, 要二百五蚊台幣, 成六十蚊....好唔抵...
呢個晴天公仔係我買俾一位好友嘅手信, 每位朋友睇完都唔知咩嚟... 下面嘅相會再出現,到時再講
呢張畢業證書真係好正, 你要一份嗎?
如果你攞咗呢個比賽冠軍, 我會好欣賞你...
見到呢啲好似好喜慶嘅揮春, 佢入面啲字都好搞笑
見到喇, 又再見到晴天公仔喇, 又晴天公仔都呢張相我都係喺同一間舖度拍, 佢喺一間有好多分店嘅安全套專門店
去旅行我都浸嘅泡泡浴, 鬼叫我屋企無浴缸
去到台灣點都試下佢獨有嘅冰, 雖然我會怕肚痾, 不過又真係唔錯
呢個係我今次旅程嘅小伴侶, 好多相都會用佢做主角... (我連佢叫咩名我都唔知)
千辛萬苦去鼎泰豐, 原本要去總店... 點知門口排長龍, 所以立即打的去新分店... 地方大人流快, 下次有朋友去都係叫佢去新分店
喺鼎泰豐門口見到一個囡囡,
呢個囡囡係我喺台灣見到嘅少數靚女, 不過靚唔靚見人見至 (起碼我鍾意先)
