東京大阪之旅 day 3 上

到9/1/08第三日喇, 呢日一早起身就係搭車去清水寺, 因為落車地方距離清水寺都有一段... 而沿途經過都係一啲商店... 好多都應該係做旅遊生意... 因為啲商品都好遊客...

呢隻好似真貓嘅玩具擺設, 放喺屋企都呃得下人... 佢仲識郁架..

終於到咗清水寺喇, 成個清水寺都無用過一個釘而建造出嚟架... 全部都係靠木樁同木樁嘅結合... 計算得一清二楚, 唔可以差一分一毫, 我好欣賞呢種建築... 亦都令我諗起北京之旅已經見過...

呢舊石係話說一個憎人每日都踩住呢舊石做修練, 呢個憎人對腳認真大...

清水寺都有賣護身符嘅舖頭, 仲可以對正下藥...

見到呢啲許願嘅牌... 朋友睇到相問我有無寫返一個... 我完全無諗過喎... 可能呢方面我比較傳統... 覺得求完神... 如果願望實現要還神...

呢個戀愛神社入面一舊石... 距離呢舊石大約十幾蚊就有另一舊一樣嘅石... 形成一條直線... 聽聞戀愛中嘅中, 如果能夠合埋雙眼由一舊石行到另一舊, 而且全不偏移... 證明你嘅對像係你嘅真命天子... 我見到有兩個日本女仔好努力咁重覆試咗好多次... 但都行咗去第二度...... 其實係唔係真? 我唔知... 因為我無膽試...

戀愛神社全部都係祈求愛情...

地蔵寺... 漫畫見得多... 真係同漫畫一樣樣架

呢三條神水係山水, 每一條都會保佑你一樣嘢...每人可以飲兩條...而導遊亦都神神秘秘咁唔講我哋知邊條係保佑咩... 當我諗完之後就知我飲咗健康同美貎... 無飲到財富... 至於邊條係保佑邊樣... 我都唔記得咗喇... 嘿嘿嘿 

行完清水寺之後, 行返去商店街時見到有檔魚旦好似好好味咁... 我就揀咗八爪魚味同芝士味... 八爪魚味就係魚旦入面夾雜住一粒粒彈牙嘅八爪魚... 好好味... 而芝士味更精彩... 入面係芝士夾心好似係芝心批條邊咁... 當然魚旦比麵包爽口

東京大阪之旅 day 2 下

哈哈... 寫完四篇就放低咗... 連我自己都覺得過份... 如果佢可以一次過我俾upload晒啲相... 我一日一篇一定會快好多....

之前講到玩完華納影城就去咗第二晚嘅酒店, 安頓好之後導遊就話帶我地去搭無人駕駛嘅單軌列車, 順便行夜街, 不過條夜街全條街都係食嘢嘅舖頭... 所以好快行完... 甚至有團友自己搭車返酒店... 有一家四口仲怪責導遊話... 搭的士平過四個人嘅車飛錢.... 但導遊嘅主旨係帶你地搭下香港無嘅交通工具嘛...

去到唔同地方嘅地跌站... 都會影下的閘口, 地圖, 車飛... 旅客嘛... 要紀念下真係同香港唔同...

日本嘅飲品機好溫馨... 會分熱飲凍飲... (香港好少見到).. 粟米湯同紅豆湯都好飲... 不過紅豆湯要買Asahi 會好飲啲... 粟米湯就Pokka (希望我無記錯牌子 =.= 嘻)

我全個旅程都遺忘咗我兩個良伴... 只係影咗一幅相咋... 另一個連相都無... 我原本諗住同佢哋影好多相留念

無人駕駛列車中有呢個廣告貼... 佢列出咗每一種列車嘅樣...

行夜街嘅收獲就係去咗超市買生果... 因為第一晚已經有買... 日本嘅生果都好好味... 而我記得影相係因為隻蕉好大隻... 得一隻買都要差唔多十蚊港紙.... 佢係我暫時見過最大嘅香蕉

第二晚酒店大好多... 起碼行起路都唔覺逼先...而且ok舒服架

東京大板之旅 DAY 2 中

哈哈.... 老喇... 寫咗三篇已娙覺得攰

繼續都係環球影城... 不過就好似入咗SNOOPY LAND咁... 因為四周都係SNOOPY... 我仲買咗個NDS機貼俾自己添呀, 入到精品店覺得每樣嘢都好靚... 但要買晒屋企都無咁多位

喺舖頭門口見到呢部壓鐵片機.... 佢會喺一個銅片上壓出SNOOPY 嘅公仔上去... 覺得好得意忍唔住整咗一個, 但後來發現原來每個公仔都會有一部咁嘅機... 包括迪士尼

之後就去咗一入影城已令我著迷嘅傻豹... 佢的確好迷人...

最後我哋去咗睇芝麻行嘅3D... 嗯...... 嗯.... 好唔好睇? .... 嗯.... 嗯....

夜晚嘅影城我覺得靚啲... 因為啲燈光真係做得好吸引...

最後當然要同查理影相喇

之後我哋食完嘢之後就去下一間酒店... 一入到去就見呢個好吸引我注意嘅遮LOCKER... 覺得日本人好細心... 連遮都會有得鎖住... 咁咪唔怕俾人攞咗囉...

酒店入面有個透明嘅琴... 好靚