麥皮第三堂幼犬訓練畢業啦

首先, 要多謝Pauline&Connie提供咗一個好好嘅地方令到未打晒針嘅小狗都可以認識到其他朋友仔, 而且仲令佢媽媽我知道基本訓練嘅槪念 (因為之前我睇書教奶茶都唔知啱唔啱)

尋日, 係麥皮跳班去第三班嘅訓練課程

好開心, 有朋友車我哋出九龍城...

一見到呢個袋袋就知有街街去架啦, 不過奶茶無份

因為朋友平時車開佢啲小朋友, 唔知會唔會對狗毛敏感, 所以麥皮坐車無得出嚟...

但佢就好似唔係好鍾意個網頂, 係咁抓撩咬....

去到fat fat, 未上得堂, 梗係影吓靚相先啦, 奶皮爸幾上鏡 (佢接受咗我咁叫佢啦)

哈哈.... 有兩隻麥皮呀

其實唔係, 右邊嗰隻係麥皮嘅親哥哥嚟架... 叫綠茶, 唔知點解麥皮大隻過哥哥

但pauline話麥皮都係奀喎

一開始上堂梗係要交功課先啦, sit down 5次, 無難度

之後就係Stay, 我放低咗嘢食, 要行開佢都唔食就成功架啦

當然, 我隻女梗得啦

今堂教佢jump喎

佢返屋企亂跳點算

有樣嘢麥皮我真係要讚佢, Connie姐姐俾嘢食教佢, 佢竟然唔要Connie姐姐嘅嘢食, 相反我俾佢就即刻過嚟食, 果然係叻女 (唔好亂食人俾嘅嘢係啱架)

不過我氹咗好耐佢都唔肯跳, 好似驚驚地個跳欄喎, 唔通係因為唔小心撞過上去?

我氹咗五六次都唔成功之後, 奶皮爸出手啦, 佢仲唔使氹, 一叫就即跳添呀

激死我, 我即場嬲咗, 衰女要蝦我

麥皮終於可以同返啲咁上下大細嘅狗狗玩吓啦

不過佢好似慣咗對奶茶咁粗粗魯魯喎, 嚇親人哋爸爸媽媽, 其實麥皮好純品架咋

右邊嗰個係波仔, 之前買麥皮時已經見過佢覺得佢好靚仔, 奈何佢係仔仔, 我哋要係囡囡

唔係我同奶皮爸都會想要佢

同場加映, 頭先見完麥皮哥哥, 今次見埋麥皮嘅妹妹, Pauline打理得佢好靚女

上完堂梗係俾Pauline佢哋幫麥皮沖吓涼啦, 唔係污糟豬要下個月先沖得(打完第三支針)

Pauline仲要幫佢修吓啲毛等佢見返對眼仔睇到呢個世界

因為唔知會唔會再去九龍城, 所以特別影多兩張同Pauline嘅相, 等佢記得麥皮嘛

Pauline, 偷相啦~~~~~~

返到屋企, 梗係要捉到剪咗新靚靚裝嘅寶貝影返張相先啦

係咁幫佢影相時佢笑得好開心咁喎

特別呢張笑到謎晒眼咁, 奶皮爸都話得意

Pauline & Connie: Thank You & 有優惠記得搵我呀

返到屋企搞好晒之後... 麥皮好快就瞓著... 奔波咗一個下晝...

佢都好攰架啦

去街街

我好鍾意帶奶茶落街時, 記住佢遇過每一隻狗, 當時奶茶反應同嗰隻狗嘅反應,講返俾奶皮爸知

好似今日咁, 我帶完奶茶行, 奶皮爸收工過嚟接我同奶茶, 我哋去買pizza

等pizza期間, 我走開咗去買嘢, 返嚟見到有一對男女同一架裝住兩隻狗狗嘅車仔, 女主人同奶茶講緊嘢, 仲喺架車仔度拎咗條肉條俾奶茶, 奶茶當然開心啦, 但我會諗"亂咁食人哋俾嘅嘢好唔好架.... "

餵完之後, 女仕好鍾意奶茶, 係咁逗奶茶玩, 仲話要抱佢返屋企添

其實佢咁鍾意奶茶, 因為奶茶唔怕生保人, 又貪玩百厭夠活潑嘛... 而佢兩隻狗狗都十五歲, 所以好淡定... 佢仲話宜家兩隻狗狗都唔願食嘢, 睇見奶茶食得咁開心都覺得開心

之後奶皮爸講返我知, 原來係佢哋停定咗睇奶茶時, 奶茶八八卦卦企咗喺度擒住架車仔聞人哋啲狗狗, 點知狗狗就作勢要咬佢, 女主人知道嚇親奶茶所以要請佢食嘢

食完第一條仲遞多一條俾奶茶, 奶茶梗係開心啦, 但點可以食咁多架, 所以第二條俾奶皮爸即時收起咗

個八卦仔咁就賺咗兩條肉條

衰仔有街去個樣就開心晒架啦

自從奶茶同麥皮同居之後, 我發現麥皮好鍾意瞓廁所, 但個衰女未打齊針唔沖得涼, 搞到成身都有陣尿酥味, 都幾頭痛

但今日竟然俾我發現到方法令麥皮唔瞓廁所, 就係開咗廁所嗰邊嘅籠頂

話說我哋經常都係開瞓覺嗰邊籠頂嘅, 因為佢哋有啲咩要執都唔怕因為我哋開廁所嗰邊搞到佢哋都行埋過嚟踩到成腳係

今日, 因為奶皮媽我餵完第一餐之後仲好眼瞓, 所以瞓喺廳度開住廁所邊籠頂睇佢哋, 到我再瞓醒時, 奶茶麥皮竟然瞓埋同一邊(平時佢哋一個瞓一邊, 奶茶就一定瞓無廁所嗰邊)

今日唔知點解夜晚同佢哋兩隻嘢玩時, 麥皮笑得好開心, 佢嚟到之後好少笑得咁開心, 搞到我都好開心, 奶茶又跟住笑喎

仲有, 俾我發現奶茶有風度嘅一幕, 話說麥皮玩緊個波時, 個皮kick住咗喺籠底, 未入去,

奶茶原本攤咗喺地抖緊涼(啱啱落完街), 起身去撩個波, 我以為佢又要同麥皮爭嘢玩, 見到麥皮玩所以要玩, 點知佢撩完咬住放行去一個好中間嘅地方放低就行開去

之後麥皮就好開心咁繼續玩波, 好好笑地次次佢見到個波想玩都會跳下跳下個屁股扭下扭下咁行過去

奶茶好鍾意呢舊牙膠, 但其實我係買俾麥皮架... (不過麥皮都鍾意咬奶茶原本嗰舊 =.=)

呢張麥皮個樣實在太好笑, 所以一定要俾大家睇吓

佢哋每一有一舊牙膠時係好和平架

但到公仔只得一個, 所以佢哋都喺度扯, 其實佢哋都係玩緊啫, 奶茶會邀請我一齊玩架, 我諗因為麥皮都唔夠佢嚟, 次次都贏唔開心啩

奶茶!!!~~跑呀~~~

屋企附近又有個寵物酒店... 可以俾小狗去游水&跑草地... 仲要我屋企行去都得(睇地圖時)...之前已經想帶奶茶去玩吓

點知尋日難得奶皮爸放假~~但奶皮媽要出去見工... 返嚟都五點先去... 行過去都行咗半個鐘... 之後佢嗰度仲要收六點

咁就去唔成啦... 唯有帶奶茶喺樓吓有個空地俾佢跑下啦~~因為之前奶茶細...又得我一個帶佢落去, 奶皮爸擔心我睇唔住奶茶... 所以今次先係第一次奶茶可以甩繩跑吓

奶茶一見我拎狗繩就知有街去, 就好鬼開心架啦!!~~

放咗繩奶茶都唔係好敢跑... 係奶皮爸帶住先開始跑

佢跑住我部傻瓜機好難對焦... 成日都係朦查查... 但佢未試過跑得咁開心啦

夜晚返到屋企要餵俾我哋瀨低咗嘅麥皮,,,, 其實之前都發現有嘢食時佢唔知點解要伸少少條脷出嚟... 今次終於忍唔住影佢相

奶茶麥皮爭玩具之二

剃腳底毛

尋日終於的起心肝買個電剪返嚟幫佢地剪腳底毛同pat pat毛...

之前同奶茶剪毛好似打一場交咁... 死仔係都要郁... 我又驚剪親佢

但奶茶跣鈦嘅情況太嚴重, 我唔想佢啲關節咁早出事

今日都同奶茶大戰最後奶皮爸出手先剪到... 佢唔鍾意電剪個聲.. 要同佢剪密啲等佢無咁驚先

奶皮爸不停叫奶皮媽唔好剪咁埋, 奶茶唔鍾意下次仲難剪... 所以今次剪得普普通通... 不過好過佢會跣住跑先啦!!!!

跟住麥皮... 佢細細隻易控制所以唔使奶皮爸出手, 奶皮媽一個搞掂咗

而且我幾欣賞自己剪得算唔錯

特別呢隻... 真係剪得幾好架啦