買啦~ 唔好俾佢停

去完用品展, 梗係要有啲收獲嘅

呢張床仔.. 係麻布質地... 宜家夏天都唔會好熱... 而且夠大張

兩個瞓晒上去都有位剩.... 奶皮爸話佢都要瞓埋上去喎

之後就係我哋嘅總收獲

其實唔算多嘢...

因為最主要我哋會同佢哋用骨頭公仔玩拋接

所以我哋都係買返骨頭公仔$20/2個 (奶茶破壞力驚人... 已經咬爛咗兩個... 第三個都甩皮甩骨架啦)

中間嗰個好似籃球嘅係彈力波... 有條繩連住... 拋咗出去狗狗唔接都唔使自己執

不過我玩過覺得個波好重手... 打到佢哋應該都幾痛

哈~~ 最抵買係呢兩把梳, 50/2把, 仲有之前多Jelly's媽媽介紹嘅解結梳...

即買!!!!~~~

之後行過見到番茄返緊學間學校喎... 就買埋clicker

呢個玩具都係訓練學校個攤位買

佢係用個白色好似牙仔嘅物體蓋住零食

要佢哋自己撩開佢... 之後慢慢就玩到收埋落是但一個由佢哋搵

一定好好玩

呢兩個係之前訂嘅狗牌... 一直都無機會show出嚟

因為諗住幫佢哋買條靚靚頸圈先戴出嚟見下街坊

點知都睇唔啱頸圈

今日我又碌咗去元朗買彎剪.... 順便去埋blog友介紹有日本雜誌買嘅舖頭買咗本poodle雜誌... 入面有好多篇幅都係講衫... (但我哋都唔會點買衫)... 我主要想睇剪裝... 好彩佢都有十幾頁

終於買咗較剪啦.... 嘿嘿嘿

麥皮... 快啲長返啲毛俾媽媽較飛~~

去完用品展返嚟做有啲時間... 帶咗兩個落街跑下

但係實在太熱... 連奶茶都唔想郁... 淨係遠遠咁望住個傻佬帶住另一隻傻狗係咁跑

麥皮: 邊個話我傻~我不知跑得幾開心喎... 有得玩... 咩都抵啦

Expo 2009寵物用品展

星期日, 我同奶皮爸出發去咗寵物用品展

到前一晚我哋都仲決定會帶兩位小朋友去

但最後礙於我哋會有嘢想買... 而且要帶埋佢哋個袋覺得好多嘢拎

所以決定唔帶佢哋去

雖然場館的確好多狗狗可以一齊玩, 但我哋走嘅時候多咗好多人&狗

臨走時我仲見到有人拖住一隻好細隻嘅poodle喺密質質嘅人群中行...

主人自己踢咗佢一腳都無感覺

我哋都覺得如果帶埋去... 要睇住佢哋會好麻煩

而我哋呢行嘅目標係: 床仔, clicker 同頸圈

係爭咗頸圈睇唔上眼

 

我哋搭的士去到先知原來綠的唔可以去博覽館... 所以要喺機場轉機鐵

不過原來機場搭機鐵去博覽館係無入閘位... 我哋一度以為唔使比錢

當然最後有買飛

我同奶皮爸都帶背囊去, 諗住買完唔使拎

好多狗狗都即場美容.... 我見到有狗狗染毛

我好雀躍咁指俾奶皮爸睇"嘩!!standard poodle呀"

奶皮爸:"唔~~~大隻得滯... 都唔靚"

好多大狗呀.... 我仲見到獒犬, 不過無影到相

仲有一隻義工狗~金毛... 佢揹住隻松鼠... 不過行得好快影唔到相

呢個跳水台喺我臨走先開始決賽

好得人驚... 好多蛇蟲鼠議...

走嘅時候, 得返一個出口.... 其他都封住... 因為人潮管制措施

不過就因為我哋想搵個近啲停車場嘅出口... 行咗去吸煙區(我當係)... 喺嗰度仲見到黃貫中

 

好彩有朋友嚟車我哋走... 因為尋日真係會熱死人 =.=

下次都係咁熱應該唔去啦...

 

愛狗也愛看書

各位BLOG友

你哋喺養小朋友同時有無買啲書仔睇下呢

我唔經唔覺買咗十一本書 (未計買過嘅寵物雜誌)

仲有兩本訂咗未到

同大家分享下狗狗書先

 

呢本"玩具貴婦全攻略"係喺奶茶未返嚟時買架

其實對初養狗嘅人嚟講真係幾好, 啲資料都有用, 又有狗公園嘅地址

因為香港出嘅寵物書其實唔多, 多數都係台灣出

 

呢本都係奶茶嚟之前買... 決定買第一位小朋友時,

梗係要行下書局睇下有無咩心水書啱使啦

但其實買咗之後覺得好似買咗兩本差唔多嘅書

 

呢兩本書仔係一本寵物雜誌出嘅, 只要你有期期買... 呢本書仔唔要都得

因為期期雜誌都會有一小本教你點打理同訓練狗狗

仲要係POODLE做示範

不過因為佢將每期雜誌講嘅集合出嚟...

有時啲內容會有啲重複

但佢有圖文並謀咁話你知點打理訓練... 所以係一本可以看門口嘅書仔

而且有好多靚靚poodle嘅相... 唔睇內容睇下啲poodle都唔錯

不過宜家便利店好似得返左手邊嗰本... 因為右手邊嗰本出咗好耐架啦

 

呢本其實可以唔睇... 因為大同小異嘅書... 亦係一本我用最快速度睇完嘅書

因為我係上網訂... 我俾佢個簡介呃咗

 

呢本書仔係上網見到各介網友首推介紹嘅美容書

喺香港書店搵唔到都即刻上台灣網訂

個網仲三日內DHL送到

入面真係好清楚咁每張圖教你修毛.. (修唔同剪裝)

仲有教你清潔... 我呢本係唔會收埋嘅書.. 一定放喺啲就手位

 

呢本我都係上網訂

本書仔我覺得都唔錯...

佢會用相教你點教狗狗做指令

睇完我個心好想快啲教識奶茶

 

之前都有講過我對呢個動物傳心術有啲興趣

所以上網見到人話呢本都有用

忍唔住要買嚟睇下

不過未睇晒... 而且全英語令我睇得有啲慢...

我會加油架啦

 

都係一本講動物傳心術嘅書

係日本人寫, 入面都有大致教你點樣同動物溝通

而且仲會有作者自己嘅經歷

我仲睇緊... 因為呢本比ANIMAL TALK吸引啲...

所以一有貨收到書就即刻放低咗ANIMAL TALK

 

下面呢三本係一啲小故事嘅書

全部同講關於狗狗

有啲都好感動...

一口氣買咗三本...

兩晚已經睇晒

 

其實仲有本MACK SIR嘅"狗狗有家教" (不過外借咗無得影相)

都係奶茶未嚟之前買

係一本講一啲訓練有問題行為狗狗嘅實例

未養過狗狗或者未上過任何training理論絕對可以買嚟睇下

因為你會諗... "自己有無做過呢"

 

仲訂咗兩本都係關於傳心術嘅書

其中一本係香港嘅傳心師今年書展出嘅書... 當然要支持吓啦

不過另一本係外國翻譯書(當然都係有網友推介)

不過收到書再同大家傾吓先