麥皮：好開心呀！今日去咗玩，同baba mama去玩，邊度都一樣喇！
嗰度有個草地，不過都有好多小朋友，有個外國小朋友好得意架
佢媽媽問mama我叫咩名，媽媽照講中文"麥皮"
個小朋友發唔到個音，叫咗我做"皮皮"
不過都有啲小朋友好得人驚
係咁放埋嚟我耳仔邊，我已經係咁縮架啦，但佢哋係咁追住我，好驚架嘛!
結果mama好有型咁出嚟救咗我，佢問小朋友 "你知唔知你嚇到佢，你睇下佢幾驚?" 啲小朋友俾我mama問到無聲出，無表情咁走開咗lu
我有baba抱，哥哥無
mama 等埋我呀！
我諗我唔夠吸引力，芝娃娃哥哥淨係追住哥哥唔理我架
mama話唔想我跑架，不過我想追住哥哥喎
臨走時我已經好攰啦... baba好衰咁影咗我嘅醜態...mama話我著咗四隻襪先返屋企
奶茶：今日baba mama唔知忽起邊條筋, 話帶我同阿妹去元朗跑下喎
又唔係唔知唔夠我跑 
今日草地好多小朋友 
仲有兩個不停拎住支瑩光條喺我面前fing引我, 見佢哋撩我玩嘛... 咪企起身陪佢哋玩囉！點知到佢哋驚！
之後我仲識咗芝娃娃朋友仔，佢跟住我哋玩咗好耐，點知...原來佢當咗我係女仔 
其實...我前日先沖完涼之嘛！草地跑到四隻腳都係泥喎...
行未呀！慢吞吞！
咦！個草地真係好似幾正咁喎
今日又唔係好熱都算唔錯。
就係佢啦! 佢好鍾意我架! 追咗我個幾兩個鐘呀
大家話我似唔似俾人挾持住? 我無錢架!!!
喂! 夠皮未呀... 你咁捉住我點會願俾你影
中秋節嘅早上, 突然見到以下嘅奶茶... 其實平時都見過... 咁啱今次唔知點解
之後奶皮爸話返我知... 原來奶茶曳, 俾佢鬧過
好多時奶茶俾人鬧完... 就會咁架啦
但之後又俾我見到麥皮咁喎....
今次我真係唔知點解... 佢喺張床仔先會咁做... 我諗佢覺得好好玩
跑完一輪嘅奶茶... 話咁快無事啦
中午時份, mimi媽嚟咗我樓下搵我食咗個晏, 拎咗兩個月餅俾奶皮, 真係多謝mimi媽
當然無咁快食得啦... 唯有影下佢哋個為食樣先
(不過俾人話我無陰公 =.=)
另外收到番茄媽嘅狗牌都未俾大家見過, 多謝番茄媽先
有樣睇架... 番茄媽訂多個大嘅俾奶茶...
不過大嗰個真係好大... 我搵咗麥皮做o靚模示範個大嘅究竟有幾大
總結, 中秋當日兩小朋友係無得去反.. 因為baba返咗工... mama去咗反...
仲有多謝番茄媽同mimi媽啲禮物, 你哋太有心喇!!!!
十一紅假... 奶皮爸無假放...
奶皮媽一個想帶兩個去玩... 但驚睇唔住... 因為想去游水...
結果就.... 沖涼啦... 睇返上一篇啲相, 好似好污糟咁 =.=
不過麥皮應該要修下眼仔附近啲毛... 等奶皮爸放假先啦...
麥皮沖完涼好似白咗
沖完涼好似唔係好認得... 聞下先
咩事開咁大個口... 嘿嘿... 打緊喊露
奶茶: 見沖完涼就俾你影一張啦... 不過下次可唔可以梳好啲先俾我出鏡
奶茶: 仲要搞幾耐... 前後兩個鐘啦 =.=
我係一個古怪嘅人... 沖完涼先同佢哋去街 =.=
無辦法... 下晝好晒... 沖完涼太陽伯伯都差唔多收工先出去
一個拖兩個... 最容易就係條繩捲腸粉...
麥皮返到屋企就瞓啦... 仲收埋個頭喺對腳後面... 唔知係咪光得滯瞓唔到呢?
哈哈... 奶茶呢個樣幾好笑~~~
影完一輪佢終完忍唔住要走開... 啱啱行完街... 因為佢好想瞓覺
尋犬,事發係係9月11日上午8點左右,我隻西摩BB俾佢既屋企人 偷偷地掉左係 大圍美林邨成全路附近,隻西犘仔叫毛毛...5個月大....有晶片,毛毛患有遺傳髖關節疾病,雖長期服藥及到獸醫診所打針,希望各位愛犬人仕可以幫幫忙... 如好心人拾獲,請盡快聯絡!我非常擔心毛毛安全同身體狀況,請大家幫幫忙留意一下!
