好開心, 終於一口氣寫咗三篇blog, 可以今日寫今日發生嘅事喇
我都知我懶架喇... 成日都遲寫blog
今日約咗得得米米去俱樂部玩, 同埋幾個朋友去燒嘢食
不過得得同奶茶相處得唔係咁好... 得得唔係好鍾意奶茶
所以去到草地我哋都係分開玩
其實我唔明... 奶茶都無攻擊性... 但點解成日咁易招惹啲脾氣唔好嘅狗狗
玩咗個幾鐘之後, baba話燒嘢食時未必睇得住所以就取消咗燒嘢食返屋企囉
不過喺草地玩時, 奶茶都發生咗一件令我又驚又好笑嘅事
奶茶為咗全力追baba, 唔小心喺唔平嘅路面跌咗一跤... 打咗個關斗
好彩後尾檢查見佢無咩事, 不過佢個關斗的確係幾壯觀
奶茶一坐車就好鍾意望風景, 坐前座就特別開心
米米一上咗車就望住我抱緊嘅麥皮
麥皮主動過去打招呼但被得得"wu"
一去到麥皮就好興奮咁
得得米米都玩得好開心
梗係唔少得奶茶, 佢都有狂跑一番喇
haha~ 我覺得呢張相好有feel架
