難得星期日唔跑馬
奶皮ma我呢個鄉下婆梗係想去下個個都去嘅彭福公園見識下
梗係要帶埋奶茶麥皮呢對鄉下仔鄉下女
一於約埋番茄同Niza去反反反
去到未見到番茄niza, 奶茶已經興奮定先
見到其他狗想去玩... 不過拖住繩行唔郁
仲俾我哋撞到豆沙包'family, 豆沙包真係好靚女, 不過俾奶茶仔嚇親, 真係失禮人
入到去見到好多狗, 大大細細都好多
奶茶梗係唔例外周圍八八卦卦, &同番茄大打一場先
麥皮今次叻叻無做獨家村, 都有同其他狗狗打招呼
不過見到唔對路就會彈開
Niza一放繩就跑到九丈遠, 所以大半時間都係拖住
Niza, 快啲學乖啲... 可以令baba放心放你周圍去先得架
玩咗幾個鐘大陽差唔多落山我哋就走咯
去相
小朋友打招呼篇:
奶茶你嚇到人哋唔呼你呀
好靚仔嘅灰仔小poodle
奶茶追住好愛嘅史納莎
好可愛嘅小poodle, 佢不停跳上嚟要坐喺我隔離
想有咁多狗狗圍住??只要你揸住一包香噴噴嘅零食即可
打交篇:
奶茶同番茄打得有幾狠?? 睇下就知架喇
Niza都嚇到彈開
執波篇:
玩到咁上下就同奶茶麥皮玩下執波先, 不過麥皮都係陪跑... 次次都係奶茶執返嚟
有一次仲俾番茄執咗, 奶茶好似追賊咁追
佢哋兩個跑到幾似馬 haha
獨照篇:
番茄, 對唔住呀, 因為我唔抵得你阿媽部靚相機&鏡頭, 所以唔記得幫你影
不過你媽媽都影唔少喇
Niza:
Niza 真係好上鏡, 又靚女, 修身成功後吸引力更加大, 不過唔好再瘦啦
奶茶篇:
唔知奶茶諗到咩咁美味呢
奶茶呢個為食仔, 不知幾想要niza ba嘅粒粒糧零食~ hahahaha
麥皮篇:
麥皮跑得幾開心
麥皮: 好大風呀
大頭相~ 其實我部機都影得好靚呀
回程時, 兩個小朋友已經喺車度忍唔住瞓
後記: 麥皮件新衫甩色甩到成頸毛藍色, 我又怕凍親佢嘅情況下極速半個鐘梳毛沖涼吹乾, 好彩洗得甩
兩位小朋友返到屋企無晒電, 除咗食嘢之外, 都係瞓瞓瞓
又要由頭寫過
