星期日, 去街日
梗係要約啲朋友仔去反啦
今日就約咗番茄同niza去petmax跑下
幾個禮拜無見~ 番茄一上車見到奶茶就忍唔住打一場交先
不過上到去好大風.... 吹到啲樣都走晒... 麥皮連眼都開唔到咁滯
奶茶同番茄打幾輪交之後.... 梗係周圍八八卦卦下架啦
不過見到大狗就要裝兇作勢先
麥皮二仔底跟咗去... 哥哥發惡佢又發惡... 但兩個一齊向後縮
到見到niza, 招呼都未打... niza已經巡完個場幾圈先
不過今次niza一嗌都即刻跑返嚟啦~ 果然訓練得日子有功
番茄真係越大越斯文, 係同奶茶打完交之後就乖乖跟喺mama腳邊
而我... 就梗係睇住奶茶個衰仔有無做壞事啦,
到後尾終於俾佢搵到個目標可以咸濕... 結果要俾我罰坐
番茄越大越靚女啦
呢張似唔似嗰啲扮有格調兩個望唔同方向嘅婚紗相呢
麥皮無咁驚番茄啦... 我走咗去搵奶茶時佢仲跟住番茄ma腳邊添
到無限精力嘅niza, 佢好似麥皮喺屋企咁... 咬住個玩具自己來回跑... 唔使停
不過麥皮喺街唔會咁
Niza baba有好嘢食, 好到奶茶仔都跟住niza跳舞
梗係唔少得我兩個寶貝,
嗰日有幾大風... 睇相就知啦
會唔會吹走麥皮架
扶穩呀你哋
奶茶仔個頭無咁hip hot啦
好耐未影過一張咁滿意嘅合照~ 不過麥皮笑笑仲perfect
咦咦咦!!?? 兩個一齊咀lam lam 嘅
走樣麥皮嚟啦
吹完個頭亂糟糟架
麥皮笑笑口... 諗起咩呢
多謝番茄ma送俾我嘅花花髮夾
奶茶仔遇到大狗 (?!!) 竟然跳上niza baba度
揀咗好多無吹走樣嘅相~ (得奶茶仔先有)
奶茶仔因為曳俾我放入去走廊, 但佢唔敢"捐"個大罐... 所以出唔到嚟~
Let's dog cafe:
去完跑, 同番茄去cafe坐吓食啲嘢
嗰日無乜狗... 但竟然有人認到奶茶麥皮
就係妹豬嘅主人, 佢話有睇開我個Blog~
妹豬係一個比麥皮更細膽嘅小朋友
有狗行埋啲已經縮埋條尾係咁向後行
但佢剃咗毛個樣令我諗起番茄剃完毛嗰時
現場仲有一隻史納莎女... 佢好鍾意麥皮咁
好想追住佢玩
但麥皮見到大隻過佢梗係驚同發脾氣啦
點知突然間奶茶都衝咗出嚟鬧史納莎...
奶茶仔果然會保護妹妹
妹豬~ 下次大膽啲啦 ^^
返到屋企麥皮攰到梳毛時已經瞓著咗
