幸好奶茶同佢本身都唔常使用
如果唔係佢一定好快臭死
我想請教, 我可以點做??
2010年3月16日 星期二
2010年3月12日 星期五
7/3/10 麥皮上門剪毛毛
由於上一個禮拜發生咗奶茶剪爆甲事件
令奶皮mama我決定要再搵下邊度有剪裝靚靚地又信得過
咁啱blog友Minnie介紹原來有個上門美容住我隔離村
之前幫襯過carol姐姐已經覺得上門美容都唔錯
不過carol姐姐唔做屯門, 但又搵唔到另一個我覺得滿意
於是膽粗粗就試下
Joey好有耐性, 仲讚郁身郁勢嘅麥皮乖添
不過佢話麥皮係肥妹豬, 有啲肉地喎,
嘿嘿, 麥皮要食少啲嘢啦
未剪毛前個污糟樣
一濕咗水就瘦晒嘅可憐樣
沖完涼啲毛鬆到連眼仔都睇唔到
剪完出嚟靚女晒
今次係第一次全手剪
背脊嗰行啡色出咗好多, 耳仔都好似深色返少少
圓渾嘅patpat
今次baba覺得個頭可以剪細啲, Joey都有打嚟話可以執細啲
不過我覺得咁嘅麥皮好得意... 所以唔想執
仲有, 好多謝Joey咁有耐性幫麥皮剪咗三個幾鐘
2010年3月10日 星期三
28/2/10 奶茶剪毛毛
今次剪毛, 我去接奶茶時, 姐姐同我講, 今次剪甲有用到口罩
奶茶唔鐘意梳手腳剪指甲我一直都知, 所以每次去親美容我都會同每個美容姐姐講明, 必要時用口罩, 但通常接佢知都話唔使用, 可能佢剩係蝦mama
但今次佢話我知用咗口罩我都以為奶茶真係咁曳, 咬姐姐
之後我抱佢去搭車等的士期間, 奶茶箍住我隻手好實, 好似驚我會掉佢落地咁
無論我點樣轉姿勢, 佢都好快咁箍實我隻手
我上的士時開始有啲擔心奶茶仔係咪俾人蝦呢
到返咗屋企, 麥皮唔見哥哥幾個鐘梗係開心佢返嚟啦
但奶茶好似無乜心情咁坐喺我腳邊靜靜咁望住妹妹
於是我檢查下奶茶啲手腳
竟然俾我發現奶茶有兩隻(係""兩"""隻
我一捉佢隻手仲發我脾氣添
我即時明白, 點解奶茶會咬姐姐要戴口罩...
但我好怕, 佢哋有無蝦奶茶仔, 所以奶茶先咁驚呢
亦因為咁, 令我好唔滿意今次嘅裝
佢頸位剷毛同手剪位無執到... 個頭無啦啦就凹落去
面啲毛短得滯... (其實係因為我唔鍾意間嘢... 所以唔鍾意, 係唔理智)
不過結論係... 我唔會再去, 因為佢剪爆指甲都無同我講過
仲有, 我唔記得影底飛咗一條邊邊出嚟嘅指甲模樣, 第二日已經甩咗
2010年3月7日 星期日
20/2/10 又係綠洲
番茄ma嚟接走番茄, 近近地就去綠洲跑下啦
屈咗幾日嘅番茄好似大解放咁不停跑圈
睇唔過眼嘅奶茶梗係追啦
兩個小朋友唔跑到無氣都唔肯停
好彩凍咗幾日, 最好太陽係呢一日, 所以麥皮都肯郁跑下
麥皮都會起跑架
番茄係咁跑, 奶茶麥皮當然唔輸蝕係咁追
初初有隻好斯文嘅大狗喺度, 奶茶仲夠膽行埋去想打招呼添
跑完一輪就開始玩拋波, 奶茶次次都執到返嚟, 麥皮就陪跑
番茄走埋去搶波, 奶茶仔開始唔追波係咁追番茄
兩個終於無氣要抖抖啦
跑完一輪, 個個都靜靜地俾我影張相先啦
2010年3月6日 星期六
2010年3月5日 星期五
15-20/2/10 番茄暫住過虎年
哈~ 懶惰嘅我終於寫返一個月前嘅blog啦
公司放年假, 連埋我都放自己年假~ hahahaha
年初二時, 因為番茄ma去玩, 就送咗番茄入嚟暫住幾日
初初番茄ma走咗時, 番茄真係坐喺門口等mama, 就算奶茶點撩佢玩都唔理
不過好快就熟習環境
咁啱呢幾日, 係近幾年最凍嘅幾日, 屯門得七度
番茄呢位城市狗就算開咗暖爐都滕滕震
唯有俾咗件奶茶嘅衫仔佢著
而呢幾日因為太凍所以無去玩... 但係三個都無時停
爭玩具打交追嚟追去都未停過乜滯
不過最激氣就係有一日起身... 發現圍欄入面滿地尿片碎
邊個係第一罪人已經無得追尋... 因為三個身上頭上都有尿片碎 XDDD
仲有臨尾一日, 一路都識去廁所嘅番茄竟然喺我房門口勘咗杯大大杯嘅茶俾我飲
奶茶不嬲都唔會痴埋麥皮度瞓, 通常都係麥皮痴奶茶
但呢幾日奶茶仔都主動痴埋番茄度瞓... 唔通覺得瞓老婆仔隔離真係c服啲
一路都無乜朋友嘅麥皮, 都開始唔抗拒番茄, 仲撩佢玩添, 麥皮好叻女
三個合照
難得痴埋一齊瞓
臨走嘅早上, 係咁捉佢佢哋影大頭相
特別附送: 粉碎尿片壯觀畫面
訂閱：
文章 (Atom)