啱啱嘅一星期, 除咗散步, 我實在唔敢喺咁猛烈嘅陽光下帶佢哋玩遊戲
終於到星期日, 可以帶佢哋去綠洲游下水降下溫
今次連草地都唔跑啦, 因為淨係行上去綠洲嗰幾個字路程
奶茶已經喘到不得之了
於是乎就即刻去泳池
奶茶仔俾baba捉咗兩次落水之後, 多次趁我哋唔為意時跳落水執玩具
如果我哋望實嗌佢跳佢就會扭計要我哋幫佢執咁
奶茶~~~ Good Boy~~~
而今次麥皮我放佢喺淺水區俾佢坐
坐到咁上下先再放落水, 佢今次無咁驚, 而且仲游得幾好
會跟住我對腳游, 唔會淨係一味想游上岸
yeah~~~ 麥皮~~~ Good Girl
終於有一次覺得去游水唔係俾錢, 俾佢哋圍住池邊跑啦~~~
出發前嘅奶茶, 我好鍾意佢好似微笑咁嘅表情
奶茶頭兩轉都唔濕個頭架, 不過有個衰baba係都要整濕佢之嘛
獅子王奶茶, 同仲未落水好鬼開心嘅麥皮
一濕埋個頭, 奶茶變咗樹皮~ hahahaha
麥皮一落咗水就唧都唔笑lu... 個樣仲有啲似伯伯添
游完水梗係洗白白架啦~~
兩隻豬未游過咁多水, 返到屋企即瞓...
上星期日, 約咗啲朋友仔去寵物用品展
人多到不得了嘅情況下, 當然無咩心機行啦
全程我都唔俾麥皮落地, 而奶茶就因為人多所以緊張到唔肯行
但都有收獲, 就係兩包關節餅餅... 同一個大大個嘅廁所
奶茶終於可以伸直個身殊殊而又唔會出界啦
由於熱到爆開嘅關係, 我哋離開寵物用品展就迅即去Bubi's restaurant
去到餐廳, 啲小朋友梗係要聯誼下啦
Momo依然都係鍾意追打niza, Niza當然不甘示弱同佢扭作一團啦
而奶茶一見qoo女呢個夢中情人梗係繼續追住佢啦
至於麥皮呢位唔合群嘅小朋友, 就當時瑟縮喺baba mama腳邊
笑容欠奉
今次仲認識咗著場狗狗bubi, 佢同麥皮啲性格真係幾似
仲有奶茶好驚嘅菠蘿同布甸
佢哋雖然大隻啲, 但佢哋連打交都好靜架, 奶茶麥皮學到佢哋打得咁靜就好咯
呢位就係bubi 小妹妹啦
好耐無同啲朋友仔見下面嘅momo, 依然都係周圍吠爆~ 呵呵
番茄有啲唔開心, 因為奶茶掛住追qoo女唔理佢
妹豬要剪下眼仔啲毛啦
Fergie 就咩時候都好鬼嗲baba
Niza最叻女, 喺50尺跑3.08秒
奀奀同喵喵好定, 唔會周圍走
奀奀
喵喵
莎莎係新朋友, 又係定定地唔郁
布甸好鍾意同人玩, 嗲人
菠蘿就八八卦卦, 同奶茶好似
仲有好耐無見嘅qoo's family
Holick
幾時都咁吸引奶茶嘅qoo 女
好難得俾我影到輪廓嘅黑蚊蚊
其實奶茶仲好鍾意老婆仔架, 睇下肥嘟嘟嘅佢笑得幾開心
奶茶仔:
麥皮:
望住baba嘅麥皮就最開心架啦
跳舞時間嚟啦~~~ 呵呵呵
momo好喜歡菠蘿, 係咁舔佢個鼻鼻 (男男 wow)
當然唔少得bubi restaurant 嘅美食啦
