星期六診奶茶去咗做手術, baba又要開工
於是我呢個孤獨精就帶住麥皮呢個孤獨精一齊去南生圍
已經好耐未試過帶佢哋搭公共交通工員
麥皮好開心有得去街街... 不過成日會望轉頭搵哥哥
去到草地, 我好想幫麥皮影啲靚相~ 同等佢跑下
但細膽嘅佢... 唔會自己一個跑嚟跑去
於是我陪佢一齊跑... 仲要跑得快過佢再踎低影
真係忙爆
玩咗兩個鐘... 麥皮開始扭抱就起程回歸lu~
希望南生圍唔好拆啦~ 唔係又少咗一個可以玩嘅地方架啦
早幾日睇到新聞已經知道有人燒樹, 意圖破壞生態價值~
肥妹特輯~~ 
終於帶咗奶茶去做絕育
原本以為奶茶會好似麥皮咁扭一晚計
但一去診所接奶茶已經覺得佢好精靈
一返屋企已經想跳上梳化添.... 
戴住頭罩嘅奶茶一返到屋企, 麥皮想埋去聞下佢
點知俾個頭罩吉親之後... 就開始驚咗奶茶
當正好似街外狗咁唔敢埋奶茶身, 仲吠佢
經過一日之後, 麥皮終於習慣認得哥哥
不過一戴住頭罩就唔會撩佢
我初初仲擔心麥皮會撩奶茶玩得太癲
原本借咗家嫂嘅頭罩軟枕得奶茶c服啲
但當晚已經發現奶茶竟然仲舔到傷口
無奈要用返膠嗰個~
整體上我好滿意個手術, 聯咗3針而奶茶亦好似無乜痛咁
不過姑娘姐姐剷毛時剷走埋留喺jj上面嗰執仔毛... 搞到奶茶殊殊時痾濕前手
奶茶仔幾襯粉紅色喎
第二日就除下頭罩抖下啦
麥皮有幾唔鍾意個頭罩??
就係會兜好遠避開佢
同場加映, 有個肥妹見baba瞓喺梳化, 用咕o臣當被
於是就奔上梳化, 係要瞓喺baba上面先安樂
因為嚟緊奶茶會desex閉關, 於是臨閉關前就帶佢見下老婆仔番茄啦
約埋番茄去城門水塘玩
喺水壩玩一陣影一輪相之後就出發去搵草地啦
行咗半個鐘多啲就揀咗好多不同高高低低嘅草地嘅6號營地~
不過今次都幾多樓梯斜路要行~ (比起麥理浩徑)
途中仲遇到兩隻馬騮, 未吠過嘅薯仔突然吠咗兩聲
連帶奶茶都wu馬騮, 因擔心馬騮襲擊, 於是即時抱起奶茶薯仔即刻離開馬騮
今次麥皮最叻女係開始無咁抗拒薯仔~~
不過都係嫌佢唔夠靚仔囉
去相
菠蘿壩
呢張純粹因為我覺得成地紅葉好特別
今次條路都好闊呀~
呢棵樹好多人圍住影~ 我都忍唔住偷影咗兩張
有無人知呢啲一舊舊係咩嚟~ 有人話係蟻竇有人話係菇~
終於經過呢個景點~ 兩邊都係白千層 (好似係...
接近夕陽嘅水塘~
馬騮呀
嚟到水壩梗係要影返張靚相先啦
睇到啲小朋友跑嚟跑去~~ 真係開心~~
期間有兩隻史納莎好想同佢哋玩
不過薯仔好似好驚咁~~~
坐定定影張靚相先啦 (個個都木口木面~~ 得奶茶一個貢開心嘅)
又返返嚟景點~~ 梗係影張相証明到此一遊啦
