奶茶: 上星期... mami嘅朋友話想同陽光玩游戲, 咁當然mami話如果無我哋份就唔使旨意佢會去啦
於是就一齊研究去邊好啦~ 發現深井仲有幾個灣未正式開返喎~
咁無救生員即係可以去玩啦
於是就揀咗雙仙灣, 管理員叔叔仲好好人咁開一個更衣室俾mami佢哋換衫添呀~
而且仲有得沖身~
不過要曬太陽就最好上晝去... 下晝去就會俾公路啲橋遮晒太陽... 同四點幾開始會多人帶埋狗狗去游水
因為我哋十一點幾已經去到... 所以我哋包咗個灘添呀
奶茶: 終於嚟到啦~
麥皮: baba 喺度揼緊我哋啲玩具呀~ 等我幫佢手先啦
奶茶: 轉個頭我已經忍唔住沖咗落去游咗一轉先上返嚟呀
因為真係好鬼熱~ 游完當堂爽晒~
估唔到麥皮都跟咗我出咗去... 不過未到游嘅深度就返去搵mami lu~
麥皮: mami讚我今日叻咗, 話如果我自己行出嚟仲叻喎
麥皮: 不過我唔識自己游上岸, 淨係跟住baba mami
有時都會跟下哥哥架
唔游得唔得呀~ 唔該~
同大家介紹, 呢隻係我私家艇, 上岸定喺水度我都鍾意黐到實
瞓覺都喺呢度架
咁樣浸浸下又幾似屋企個私家池喎
不過我都係鍾意跑沙多啲~ 仲要mami陪我跑嗰隻
奶茶: 大家睇完我個傻妹, 到我啦到我啦~ 好明顯沙灘我先係主場啦~ 佢邊係嚟玩架
baba, 可唔可以俾我上水泡抖抖先
跟住baba 腳游, 佢會勁讚我叻仔架
我呢個出水芙蓉樣係咪好吸引先
其實我都想用呢個水泡
奶茶: 我哋最開心有得游又有得喪跑
麥皮: 先生, 已經客滿, 無位俾你上船架啦
奶茶麥皮: 有個無聊嘅mami又整鬼我哋啦
