24/7/2011 同momo去雙仙灣

奶茶:

難得星期日momo ma得閒~

梗係要帶佢去我哋嘅新場見識下啦~

話晒第一次游海灘

我同妹妹嚟咗兩次, 已經好熟個場啦~ 不過我都係麻麻地個管理員叔叔~

成日行嚟行去~ 我先忍唔住去吠佢之嘛

(Mami: 衰仔, 其他人嚟你都唔吠, 係吠個管理員... 想點)

今次妹妹都叻女咗, 越行越出啦~ 浸住對腳仔都唔會驚~

momo仲叻仔, 以為佢唔敢出去游~ 點知轉個頭去追同場另一狗狗就追到落水

至於我呢~~~~~~~~~~~~~~~ 我呢啲游泳健將嚟架嘛 點會難到我

玩咗幾個鐘後, 就沖身走人lu~

mami仲話我哋個身一次比一次乾淨~ 無黐到嗰啲一粒粒喎

麥皮: 又嚟呢度嘅~ 我跑下算咯

奶茶: 你咪傻啦~ 呢度咁好玩你都嫌

奶茶: momo剪完毛幾日咋~ 成個波波咁

奶茶: 妹妹~ 我上水你先跟住我~ 應該跟埋我落水架嘛

奶茶: 一係好似我咁... 衝下浪

麥皮: 我都有衝架

奶茶: 游水喇游水啦~ 我做示範先呀

奶茶: Mami話我游緊水仲可以fing耳仔, 好犀利喎

奶茶: 到momo啦~ 佢初初游有啲緊張~ 係咁擘大口要飲水

麥皮: 我都有游架~

momo: 游完水要休息一陣, 陪mami望下海... 點知.....................................

Momo: 好彩無咩事~ 返嚟又一條好漢啦

麥皮: baba要晒太陽, 我梗係要做孝順女陪下佢啦

麥皮: 不過baba知我怕曬, 用太陽帽幫我遮大陽

奶茶: 我比較鍾意享受日光浴, 無肥妹咁怕曬

麥皮: 咩呀~ 我都有曬架... 游完水好凍架嘛... 我先肯瞓喺熱辣辣嘅沙上面

測試下先~ 試下"+關注"啦

新版面我咩都無執過~ 得閒搞搞佢試下難唔難搞先

試下回應~ 我想睇下email收嘅樣係點

Blog 要轉版面

yahoo Blog嚟緊要轉新嘢~

宜家仲係試驗階段~ 不過如果正式轉晒過去好似會無晒啲blog友~

我有登入過新版面但未轉個blog過去~

裝到人哋個版面我覺得有啲似微博 因為要"+關注"

咁我出咗新版面條link俾大家去關注一下先

http://blog.yahoo.com/naicha_makpei

add 我啦 add 我啦~ 關注我啦~

 

註: 有咩唔明可以參考下yahoo blog小編輯嘅新blog, 入面仲有文章教點用

http://blog.yahoo.com/yblog_hk/articles              希望幫到你哋啦

 

仲有, 我見有啲blog友喺 yahoo pulse度加我做好友, 但我發現喺blog度會唔見... 所以一定要開咗新blog之後再入我個blog"+關注"我

21/7/2011 麥皮: 我今次唔唱歌喇

Mami:

一直以嚟, 我都覺得似養咗一隻狗, 另一隻係貓~

仲要係一隻鍾意唱歌嘅貓~ 咩事都要唱歌~

扭抱要唱歌, 扭食要唱歌~ 扭玩要唱歌~ 總之一扭計就唱~

但估唔到佢越嚟越似個人仔

 

 

每每開飯特別緊張嘅佢... 今次無唱歌~ 但竟然........................... ?!!! (注意1:40 )

 

扮唐老鴨?!?!!??!!  

註: 麥皮一直咀舔舔咁唔係食緊嘢~ 係個為食妹唔俾自己啲口水留出嚟而一直舔返入去

 

15/7/2011 麥皮: 其實我都係玩之嘛

麥皮:

Mami又偷拍我啦~ 今次因為我玩哥哥bb時嘅玩具玩得好開心

點知~~~~~~~~~~~~~~~~~~~~~~~

 

 

即時無得玩... 仲要俾baba mami剷腳底毛~

好彩哥哥都有份啫

不過剷完都係跣跣下咁 ~ 點算

15/7/2011 奶茶: 我俾哈姆太郎纏身呀

奶茶:

今日baba剩係帶我一個去街街~ 仲行咗四個字先見到mami

但我認得呢個鬼地方~ 去親都無好嘢架喎

不過啲姑娘姐姐好靚~ 所以我好開心

姐姐仲見我咁開心俾零食獎我添呀

姐姐獎完食食之後就要磅重~

4.6KG mama話我比起年頭打針重咗一磅喎~ 所以要減糧啦

減返一磅先

 

講返點解我要睇醫生先

事源因為我耳仔發炎, 又紅又臭又多皮屑

Mami唔想咁快就用藥

所以用消炎洗耳水早晚幫我洗咗好一陣子, 都見未有起色

於是帶我去探下醫生

醫生一見我耳仔就話係酵母菌

開一隻耳油俾我, 要早晚滴一次, 一個療程要兩至三個禮拜

但擔心有抗藥, 如果唔好就要換過另一隻

醫生好細心咁解釋洗耳仔程序俾mami知,

不過mami都無做錯~ 所以姑娘都奇怪點解仲會發炎

醫生仲叮囑mami唔好用棉花棒幫我洗耳仔住~ 驚耳仔入面有傷口會整痛我

話咁快就出返去啦~ 一出去mami仲話我感染哈姆太郎喎

 

喺mami俾錢期間, 有隻貓貓同主人入咗嚟

但mami關住俾錢同問姑娘啲耳油點用無留意

點知突然有人嗌我"奶茶?"

mami先見到原來係朋友帶貓貓賊仔嚟覆診

賊仔因為肥過龍, 肥肉遮住眼睇唔到嘢

因擔心有不良影響要做手術切咗頭仔嘅肥肉

mami見到額頭嘅一行聯針, 真係心都痛埋

賊仔因為困籠發脾氣... 撞爆咗傷口, 仲要唔肯飲食

結果發燒脫水要吊鹽水

希望賊仔乖乖地唔好再扭計~ 快啲好返啦

 

已經睇完醫生, mami先話要影張相喎

 

 

其實耳仔已經洗過, 所以睇唔到好多皮屑

 

就係呢隻耳油啦~ 希望生生性性醫得返好我啦

 

後記: Mami: 用咗兩日耳油, 紅腫情況真係有改善, 而我亦都搵咗啲關於酵母菌嘅資料.

原來酵母菌無處不在, 如果狗狗體質出現過敏/或者一啲適當嘅環境, 就會出現反應,

例如, 濕潤嘅耳仔, 所以我相信因為奶茶游完水無即時整返乾令佢產生問題

 

當晚望出窗發生異象 已經八點天水圍嗰邊竟然好光咁

mami仲話有UFO~ baba話可能有山火

但經過一輪研究後, 嗰啲應該係雷暴

而有關雷雨吹咗過嚟之後... 怪光亦無咗lu