麥皮:
星期日, mami話出面好鬼熱, 成三十幾度~
我哋唔好出去, 喺屋企休息下 (佢哋想休息之嘛)
不過喺屋企, 我同哥哥都好忙架~
因為mami會諗啲嘢同我哋玩
好似呢個新玩具, 好耐之前喺番茄屋企玩過, mami見哥哥咁鍾意玩... 於是買咗個
不過我對佢就無咩興趣啦~ 
玩完釣肥哥哥之後,
mami又要同我哋玩買定嚟手~ 我都唔知佢做咩
反而哥哥好似玩得好開心
其實.............. 我有餅餅食就ok架啦
之後baba又瀨底我喺梳化, 淨係同哥哥玩喎
我梗係嗌佢"噚"埋我玩啦
仲有呀, 仲有呀
我真係好鍾意錫baba mami...
不過baba話我係恐怖襲擊
次次襯佢瞓底就係咁舔面~
其實~~~~~~~~~~~~~~~~~~~~~~~~~~~~~~~ 只要係baba我就唔會放過架啦
奶茶:
上個禮拜我妹剪完~ mami都預告咗今個禮拜會剪架啦
因為下個星期有個重要嘅約會 
所以mami話襯早幫我哋剪好睇啲~ 費事成隻流浪狗咁喎
剪咗一個月之嘛~ 都唔係唔見得人呀
不過有啲腫腫地
mami, 下次可唔可以快手啲~ 剪咁耐你唔攰我都攰架嘛
不過又真係fit 啲喎
ok啦~ 今次勉強收貨啦
麥皮: 未幫我抹咀就掛住影相... ??!!!
麥皮:
其實都係一個月之嘛~
咁快就肥嘟嘟咁~ 咁會唔靚女架
所以mami嗱嗱聲就幫我變身啦
mami仲話我個身就嚟粗過哥哥喎
都唔明點解mami可以咁得閒... 剃一半走去影相... 仲舉住我俾baba睇
話我右邊係整容後, 左邊係整容前喎
搞咗幾個鐘, 終於剪完啦... mami覺得我個樣好怪喎~ 覺得剪得唔好~
baba 話我耳仔大得滯... 好似好怪咁
過咗兩日... mami終於再幫執執... 聽fergie ma 提議剪返平啲個頭頭...
又聽baba話... 剪返細啲耳仔... 又真係好啲喎
我好攰啦~ 唔影咁多相得唔得呀
傻瓜哥哥, 你仲咁鬼好笑容...
下個禮拜到你啦
奶茶:
我好喜歡散步呢, 見到mami取出與我們散步才用的袋袋和狗繩
總會興奮得跳上跳落,
開門時, 總要sit好待mami一句"可以啦"
隨即衝出門口, 巴不得即時落到街上
在街上, 我總是低著頭嗅著
總會聞到狗狗朋友留下的氣味
我當然要蓋上自己的氣味來證明我來過
或我會提高警覺, 聽著不同的聲音, 看著不同的人
當有男人穿著短褲時, 總會抬高頭搶著看清楚是不是baba
每當見到狗狗朋友時,
那該死的狗繩總會令我不能奔跑過去,
如不, 我早已跟對方打招呼不用高聲呼叫, 待對方也知道我在這
有時, 狗狗朋友特別喜歡安靜的妹妹
嚇得她縮在mami旁邊, 這時我當然要擋在妹妹面前... 不希望狗狗嚇著她
很多時候, 我總是看著mami的步伐, 跟隨她的速度
看著她的腳步在我右邊, 總是令我安靜的慢慢走著走著
好希望那條路可以一直走下去
麥皮:
我好喜歡散步呢, 見到mami取出與我們散步才用的袋袋和狗繩
總會興奮得不停轉圈,
在街上, 我總是看著mami的步伐, 還不時會抬頭看著mami
因不知何時mami會掏出餅餅獎賞呢
我不會像哥哥總是低著頭嗅
除非有美味的味道... 我便低著頭嗅嗅嗅... 希望找出美味的食物呢
我不會在街上留下氣味~ 因我是高貴的小姐... 不會隨處大小便
如有草草勾我的腳上, 我會站著不動, 待mami幫我取走, 才會繼續前進
如baba在, 他會拉著哥哥突然跑開
生怕他們遺下我, 即使mami在我旁邊, 我也忍不住高叫他們等等我
有狗狗朋友時, 我總會抓實地面不希望前進
除非狗狗朋友非常有禮貌, 可以待我慢慢過去跟他打打招呼
但不希望對方太進取, 否則我會不停向後退
有時, 哥哥激動地高聲呼叫遠方的狗狗時,
我總會忍不住幫忙吶喊兩聲小小的, 即使我不知哥哥向著哪方向呼叫
很多時候, 只要跟著右邊的mami, 左邊的哥哥
我可以很安靜放心的走著走著
散完步要抹腳腳才可以入屋
