17/9/2011 再戰浪茄之旅

奶茶: 有人上個禮拜喺屋企日日跳天晴舞~

原來係星期六約咗朋友又去浪茄玩~ 過咗中秋都差唔多季尾架啦~

好彩今日太陽伯伯好勤力... 我哋又可以出動去呢個正斗到不得了嘅沙灘~


麥皮: 出發啦~ 今日我哋一車搞掂晒五人兩狗~ gogogogogogogo~

麥皮: 成日都係哥哥做直擊~ 我今次要做主播

話咁快就去到東霸啦~ 嗱嗱聲影完就行啦

呢段山路... 我梗係有特等座唔使行啦~ 而baba 都抱住奶茶行一半呢~

 

呢個就係我嘅特等座啦~ 可以瞓住嚟吹下風望下風景都唔錯~ 不過有時會"浪"咗啲




到啦到啦~ 話咁快就到呢個啲大人幾遠都唔嫌嘅靚灘啦

 

睇到哥哥呢條長到轉晒彎嘅脷... 就知佢有幾興奮期待...................... 同幾熱啦 (佢不知幾想即刻衝落水呀 )

Mami 呀~ 其實我喺呢個特等座都幾舒服... 唔放我出嚟都得架

同mami影返張相先啦, 我同哥哥都唔太願離開把遮下面~ 

出海啦出海啦~

哥哥話要坐船先呢

不過我哋嘅私家艇好似唔係好穩鎮咁喎

結果肥哥哥因為大浪嚇到走為上著



唔坐船... 周圍跑下好過啦

因為mami知啲沙有一級太高我唔會跳, 所以偉大嘅baba幫我整一條平坦啲嘅斜路

哥哥今日唔玩波... 轉玩飛碟喎

玩完一輪... 埋位影下相先啦

呢張相mami話有構圖架~ 話專登影奶茶喺baba同叔叔中間喎 (搵鬼信)

睇唔睇到我對眼有火呀~ 因為mami拎住嘢食好耐都唔俾我咯~

玩咗大半日~ 好攰啦~

叔叔ee佢哋好叻呀~ 可以搵到海膽仲捉咗上嚟~




差唔多玩完又到mami玩剪影時間啦  不過mami話我嗌唔定... 所以無我份

玩完我哋仲去咗一個溪水嘅水喉位沖一沖啲沙~ 大人就沖腳換鞋~

有個外國人朋友提我哋唔好飲嗰啲水呀~ 因為佢上次飲咗就上吐下瀉啦~

之後我哋行山路走時~ 半小時嘅路程~ mami都係要抖一次先可以行完呢~ 不過都覺得好滿足同值得~


後記: 笑話一則: 有個傻 mami搽防曬唔記得搽腳背... 曬咗一輪之後發現小腿同腳背好明顯有兩截色...
先醒起補搽返腳背, 不過已經好慶同好明顯燶咗

其實... 我覺得無所謂啦~ mami都成個曬到燶咗咁啦~

14/9/2011 麥皮: mami真係好曳呀

麥皮: 我要喺呢度話俾大家知~ mami真係好曳~

成日掛住睇電視玩電腦唔理狗~ 佢應該俾我喺大脾度瞓覺先架嘛~
所以我一定要唱衰佢

13/9/2011 奶茶麥皮: 中秋食食食

奶茶: 屋企兩位大人... 明明中秋時節... 但偏偏就無咩過節氣氛... 月餅燈籠一律欠奉
更莫論個個狗狗朋友都有得食嘅狗狗月餅仔啦~

好彩兩位大人心思思想整雞肉乾俾我哋, 於是試下用焗爐低溫80度再開對流, 扮晒風乾咁..
估唔到出嚟又似模似樣喎~

一見我哋嘅零食筒... 我哋就知道又有嘢食派啦

麥皮: 我梗係要聞下哥哥有無偷食先啦

 

奶茶: mami, 睇下我幾渴望嘅眼神就知我幾想食啦




麥皮: 知道有得食.... 梗係要俾個靚靚笑容氹下mami開心

奶茶: 拎咗出嚟梗係要望到實一實... 容乜易走咗去架




麥皮: MAMI, 可唔可以快啲手~ 我啲口水就嚟流啦




奶茶: 好, 等我呢個勇士身先士卒... 試下有無毒先~ 妹妹, 你再等下啦, 就試到架啦

麥皮: 你個肥哥哥, 我先唔會理你呢, 有得食一定唔會執輸

 

試食報告:
奶茶: 今次唔錯, 好好味~ 不過可以俾多啲~
麥皮: 真係好好味呢~ MAMI可以繼續整, 不停整, 係咁整呢


奶茶: MAMI仲見圓咕碌有甘荀水飲, 一於煲俾我哋飲, 不過我同妹妹對甘荀嘅興趣大過啲水呢~

奶茶: MAMI仲買咗牛展試下烘乾, 不過烘極都好油咁... 所以BABA MAMI食咗油嗰啲呢... 食下食下... 淨返無幾多俾我哋.... 仲話下次唔整喎

4/9/2011 奶茶剪毛毛

奶茶: 大家好呀~ 係咪好掛住我呢~
因為我個懶mami, 熱辣辣唔去游水又無嘢做喎~ 所以就無嘢寫喎~

唯有可以做嘅咪就係剪毛囉~
不過個懶鬼又話想我留長啲個頭仔等剪秋冬裝喎~
所以就剷咗個身就算~

其實... 我覺得唔算好肥之嘛

淨係剷個身好快就搞掂啦~

有無覺得我fit咗先~

不過, 我覺得我不嬲都好鬼死fit架喎

麥皮: 我可以唔使剪住留長啲呢~ 呵~