今日約咗番茄去荃灣,
試下間新cafe, 仲要咁啱妹豬又會去嗰度
我哋就一齊去咯
去之前就去海濱公園行下啦
我哋公然挑戰法律嘅情況下, 喺黃色警告banner前放繩
奶茶同番茄當然唔少得打返幾場交先啦
麥皮有想參與其中, 但最後都係遠觀最好
麥皮唔知做咩心情唔係幾好咁, 無咩玩又無咩笑
之後去cafe, 爬咗一條斜到我都可能會跌親嘅樓梯
已經有好多狗狗玩緊, 非常熱鬧
而且坐無虛席, 狗狗當然十隻以上 (我估接近廿隻/以上)
場面混亂之餘不乏打交場面... 嚇到奶茶麥皮縮埋一舊
仲要有狗痾咗無人執... 結果我哋都執咗兩次 =.= 踩到好麻煩架嘛
但麥皮為食咗好多, 見有人派米就即刻走去排隊
喺一片喧鬧中逗留咗個幾鐘就徹退
等緊番茄時幫奶茶影, 唔知佢係咪鼻仔痕呢
奶茶同番茄見面都要打... 係咪真係咁好玩嘅呢
相反麥皮就好靜
有番茄ma呢啲攝影師, 番茄應該都升呢做專業o靚模
去到cafe咁多狗, 麥皮當然唔敢周圍走啦
有狗行埋嚟, 就擺出一幅惡樣, 必要時仲要大嗌一聲, 其他客人都叫佢做"巴渣妹"
有人俾嘢食, 當然要排第一啦
奶茶仔都唔執輸架
睇下就知幾多狗, 只係影咗一部份
朋友仔妹豬, 今次叻女咗會行出去, 不過條尾夾得好實, 玩多兩次就叻啲架啦
)
)
