奶茶仔, 不經不覺, 原來你已經做了我個仔兩年
多謝你, 亦因為你的存在, 令我有家的感覺
偶然, 你會奀皮, 鬧脾氣, 但你總能令我回復笑容
多謝你, 給予我兩年的安穩快樂感覺,
雖然在街上, 你總是八八卦卦, 令我擔心你受驚, 擔心你惹事
但在家, 偏是你令我安心, 令我不用擔心你會搗蛋破壞
雖然妹妹做壞事時你會通風報信
今年沒有大肆慶祝, 沒有舖張生日會
但我知道你會很滿足, 因有baba mama在身旁, 有美味的蛋糕
奶茶仔, 生日快樂~~
奶茶: 我可唔可以自己一個食晒唔留俾衰妹
麥皮: 真係好啦~ 肥哥哥生日, 我都有得食
麥皮: 嘿, 等我一陣食晒兩個先
奶茶: 我生日無去玩呀... 仲要俾baba mama 捉住剪毛... 不過外母大人話唔覺喎
白忙一場~~
19/9/10 距離奶茶兩歲生日只差一日
於是乎朋友仔都話要出嚟陪奶茶去玩...
最衰啲天氣, 去草地又驚多蟲蟻... 又怕熱過頭
咁去petmax就最好... 熱得滯可以返入去涼下冷氣
今日仲有番茄細佬仔 - 薯仔一齊嚟添喎
去到petmax, 奶茶呢個咸濕仔就已經係咁追住番茄... 連零食都唔要
嗌都唔聽... 生日真係大晒咁喎 
有新朋友仔, 仲要係bb 仔, 梗係俾麥皮同佢接觸下啦... 驚狗嘅麥皮當然連細佬仔都唔鍾意啦, 仲鬧薯仔添呀... 衰妹
不過今日petmax啲大狗都好斯文, 奶茶仔都無發脾氣鬧狗
咁樣玩下跑下影下相... 咁就六點鐘起程返屋企咯
薯仔仲好bb架... 要瞓好多個鐘
麥皮少有哋主動行埋去... 如果抱薯仔埋佢身佢就鬧薯仔架啦
番茄俾奶茶追到驚... 後尾係咁扭抱
妹豬都有活潑唔黐mama腳嘅時候架喎
剪完裝特別醒神
Fergie 好熱情咁錫咗我鏡頭一啖
最叻女係baba一嗌pp.. 就識去vv
今日都有啲熱... 所以兩兄妹都忍唔住要去濕咗嘅地下坐下
我好鍾意幫麥皮影相... 佢好定又笑容燦爛~~ (天氣熱嘅時候)
麥皮: mama話有餅餅食... 梗係要舔下鼻鼻先啦
幾個小朋友難得企埋啲... 梗係影返兩張先啦
薯仔仲走去錫咗家姐一啖
奶茶... 唔好成日用條腳撩鼻鼻啦... 個樣仲咁享受
今日嘅主角係奶茶... 但影得佢... 就實影到佢老婆仔 XDDDD
衰仔, 你咁樣會扎親番茄架
呢日仲見到我鐘意嘅雲石牧羊...
走嘅時候, 有一個迷矇嘅夕陽
多謝fergie ma同番茄ma俾奶茶仔嘅生日禮物
呢篇blog我竟然要打三次, 前兩次都唔俾我post唔俾我save, 想我點呀~~~ 我又唔係開部腦淨係用嚟寫blog~ 唔通因為你yahoo 嘅"正在處理中" 我就要hold起晒電腦其他嘢唔做??????
上星期六, 帶咗奶茶麥皮去跑草地, 我哋好少星期六嚟呢度
所以都唔知原來星期六會少咁多人,
少咗好多本地團, 燒烤場又無乜人, 草地又啱啱剃咗草,
差啲以為無開添
呢日奶茶仔好乖, 見到其他狗都無wu無鬧人, 我覺得佢叻仔咗
麥皮就好搞笑, 唔知係咪啲草剃短咗拮腳, 佢寧願兜路行石屎地都唔想入草地
叫"妹妹"嘅史納莎, 好鍾意撩麥皮玩, 不過好乖, 媽媽一嗌佢就會返轉頭
乜貢似某運動牌子嘅logo嘅
有波波執, 奶茶就唔會停架啦
呢日有啲曬有啲熱, 所以奶茶仔條脷都有啲長~~~
奶茶都有心型脷喎
麥皮都好叻女, 自己行埋去同其他狗打招呼
初初去到都有跑草架
好彩唔係全部草都剃到短一短, 唔係麥皮就無得趴架啦
愛白嘅麥皮梗係唔會曬到自己啦
兩兄妹影下相啦
左顧右盼嘅兩兄妹
麥皮... 你條脷..................
終於有張正經啲嘅合照啦
嗰度有幾棵木瓜樹, 隻隻木瓜都好鬼大隻
返到屋企, 仲有baba嘅愛心晚餐
