平時出到街, 俾人覺得文靜怕醜嘅麥皮... 喺屋企係點嘅呢............................
奶茶真係好錫呢個妹架~~~ 因為個妹傻佢就會陪佢癲
2010年10月15日 星期五
2010年10月14日 星期四
10/10/10 雙拾大閘蟹之夜@Fergie's Home
秋風起, 又到食大閘蟹嘅日子
於是就約埋番茄同妹豬衝上Fergie度食大閘蟹啦
真係好多謝Fergie's Family嘅熱情招待
Fergie ba仲出私伙Bailey's 招呼我哋
番茄ma同Fergie ma直頭出錢出力~ 又買蟹又煮嘢食~ 真係辛苦晒~
你哋唔嫌遠, 下次真係要到我招呼你哋~ (梗係baba煮啦 
不過去到梗係要影下相搗亂下先食嘢啦
百厭仔薯仔~
又瞓咗啦
今次Bailey係主場, 所以佢嚴重戒備~ 無乜點瞓~ 成晚都眼仔碌碌
兩隻b一出嚟就玩得好癲, 欄一欄會好啲
主場嘅Fergie, 都係鍾意招呼人多過招呼狗
呢日對奶茶特別有吸引力嘅妹豬... 真係好鍾意黐到mama實一實
番茄越嚟越文靜~ 有熟女氣質呢
每次出嚟一定要識女仔嘅奶茶...
奶茶: 呢舊咩嚟架??
番茄: 你未食過架~~~ 一陣又喺度玩一輪俾我執嚟食~ 唔好同我爭好啲喎
麥皮呢日俾薯仔Bailey追打呢~
今次啲蟹都唔錯
呢支"會稽山"係買蟹送, 聽講好難飲
飲啤酒好似開心啲~ 可以係咁乾杯
2010年10月7日 星期四
3/10/10 奶茶麥皮@秋季南生圍...
星期日, 天高氣爽, 一於去夏天就告別咗嘅南生圍啦
但車去到一半路時, 竟然遇上車唔讓車嘅情況, 導致塞咗條車龍
無耐性嘅baba梗係話落車我哋自己行啦
都仲有一段路先到... 啲單車又要避車又唔避人... 竟然踩上行人路
條路已經窄架啦... 仲要迫埋上嚟... 終於車到我隻腳... 嚇到我大嗌咗一下
好彩唔係車到奶茶麥皮... 唔係我擔心會有命案發生
有個蠢ma, 影相時發現唔可以對焦... 唯有全程手動, 連九點對點都唔俾我
當時呢個蠢ma係諗... "慘啦, 支鏡唔通壞咗"
baba話"唔好影啦, 跑下咪仲好"
行咗半個鐘有多... 終於去到目的地
一放繩, 連麥皮都好開心咁周圍八, 好耐未試過咁舒服嘅天氣跑跑呢
呢日有好多人影相呢... 成班人都揸住相機... 見到我哋玩拋波就係咁影
仲要求拋個波去佢哋嗰邊添
佢哋見到奶茶跑返去, 不知幾開心
麥皮就坐喺度任影唔嬲... 因為我哋唔跑, 佢真係唔跑
玩咗一陣, 有隻好可愛嘅poodle囡囡走過嚟撩奶茶玩...
奶茶見到女仔仲唔發光咩... 難得poodle囡囡又肯跑... 結果兩個跑嚟跑去無停過
呢日奶茶仔好乖... 無鬧狗無wu 狗
反而同另一隻poodle打招呼期間, 狗哋無端端發爛, 幸好當時我喺隔離即時抱起奶茶
狗主仲施施然離遠嗌緊"no"
去相先
麥皮成日坐定定企定定, 最好影架啦
奶茶仔周圍郁...
呢張真係唔錯架啦
就係呢位可愛嘅囡囡, 佢都係無時停架... 佢宜家不過係俾奶茶追到無力要小休
兩兄妹比以前少咗一齊跑呢
今日發現, 平時落街散步, 奶茶同我會夾住麥皮喺我左手邊拖繩, 但當佢哋放咗繩一齊行時, 都會慣咗行我左手邊, 而奶茶依然係同我會夾住麥皮呢
而返到屋企, 蠢ma一check相機, 終於發現自己手痕改咗setting, 導致lock 自動對焦~哈哈哈
訂閱：
文章 (Atom)