16/4/2011 又去錦田啦~ 錦田係我哋嘅狗公園

奶茶: mami話襯未落雨, 梗係要去跑下啦

　　礙於時間關係, 又近近地去錦田啦

　　不過宜家錦田越嚟越多人... 越嚟越唔適合去跑lu

　　我哋行到最入嘅草地, mami話離遠見到一家嚟放兔, 仲話好彩今次我發現唔到

　　我見到一定要追住佢嚟玩呢

麥皮:玩玩下, 哥哥突然wu一聲就跑咗去, 原來隔離車場嘅狗狗入咗嚟

　　哥哥想去追佢, Mami Baba一嗌，哥哥就即刻剎停,

　　不過隻狗狗俾哥哥一嚇就跑走咗, Mami話假如遇到隻惡啲,

　　哥哥啲衰聲實激嬲狗

　　到後期俾一班姐姐發現咗我哋, 圍住咗唔走... 有一個仲抱一抱起咗我

　　嚇到我縮埋喺Mami度唔敢郁... 反而哥哥係咁周圍跑避佢哋

　　於是baba話玩唔到就返歸lu~

 

麥皮：Mami話我減肥成功，先可以戴到呢條fit到不得了嘅領花喎

 

麥皮：我今日好勤力，追得哥哥好貼

 

麥皮：我仲愛上隊草，隊到成面都係

 

麥皮：不可一，不可再，我隊草隊到草入眼，隊到蟻入眼，好彩mami發現得早，即時幫我洗眼沖走啲草同捉走隻蟻，不過隻眼就紅咗一陣... 好彩轉頭就無事lu

 

麥皮:呢個哥哥好有禮貌，佢爸爸仲跟住嗌佢問下mami先好摸我

 

奶茶：今日玩波波玩得好開心呢

 

麥皮：點解次次都係我追哥哥架

 

奶茶：阿妹扮牛奶仔

11/4/2011 麥皮: 到我嚟個夏天大變身

麥皮: 今日Mami話到我沖涼剪毛毛

原來唔覺唔覺我啲毛已經咁鬼長

好衰嘅mami沖到我成身泡之後, 仲要走咗出去~ 我無哥哥咁叻可以跳出浴缸

唯有喺度係咁嗌, 話俾mami知我仲喺度

(mami: 其實隻沖涼液要hold一陣所以先出去拎電話影相 )

 

麥皮: 沖完涼吹乾之後, Mami話我變咗一個肥妹仔~仲話我宜家個頭大過哥哥喎

 

 

麥皮: 眨下眼mami就幫我剪完啦~ 個樣有啲似joey姐姐第一次幫我剪短耳仔個樣喎

 

奶茶: mami 話忍唔住要幫我修多兩刀~ 個咀仔好似好睇啲喎~ 我都唔識, 你剪完有嘢獎就OK嘅

 

Mami: 今次係剪麥皮算滿意嘅一次, 一直好想幫麥皮剪短耳裝, 今次諗住狠心啲一剪就剪多啲~ 點知剪得貼咗, 仲要修型嘅時候, 真係一剪一驚心, 好驚會剪親佢耳仔

9/4/11 奶茶剪毛毛

買咗個大剷梗係要開光啦

於是就幫奶茶剪新裝,

但除咗上堂時幫麥皮剷過外~ 其實都未用過

結果落手重得滯, 手仔剷得低咗, 腳仔剷崩咗少少

所以就幫奶茶剪短晒啲手腳毛毛~ 夏天嘛~ 清爽啲都好嘅

之前同fergie ma討論過, 試下剪短啲下巴啲毛, 剪平啲額頭

其實出嚟個效果唔係十分滿意~

不過唔緊要啦~ 都係嗰句: 啲毛會生返架嘛

 

奶茶: 我求下你放我走啦~ 我好攰吖

 

奶茶: 終於搞掂啦~可以瞓返覺

 

成晚無理過嘅麥皮, 喺我影奶茶時突然愛上影相, 係咁入鏡

聽日到你架啦

6/4/2011 奶茶: 有雞雞飯飯食

奶茶: 上次有雞雞飯飯食~ 因為我連續幾日都有嘔水, 所以mami就整嚟俾我食

至於今次, 就因為尋日我突然嘔返前晚baba整嘅牛肉肉餅

 

之後落樓玩, mami仲用電話影咗張相之後

我就痾啦~ 仲水狀添

嚇到baba mami束手無策

不過見我又精精神神咁... 於是仲玩咗一陣先返屋企

 

不過當晚, 我又痾嘔各一次

於是mami就唔俾我哋食晚餐lu, 至弊為食嘅肥妹妹都無得食, mami話要公平喎

 

今朝, 為免餓親我哋, baba就整定雞雞飯, 餵咗少少俾我哋

仲有今晚都有得食添呀~

 

麥皮: mami話啲飯仲未凍喎~ 但心急嘅我梗係忍唔住要行入廚房等架啦, 哥哥都坐定喺門口添吖

 

奶茶: 我好乖架, 知道廚房唔入得, 唔會亂入架

 

奶茶麥皮: 耶~有得食啦

 

奶茶: 有個肥妹食到成地都係, 真係污糟

 

麥皮: 我仲留定宵夜諗住夜啲先食, 點知俾mami發現咗

 

奶茶: 我好企理架, 都係有一粒仔舔唔到咋

 

奶茶: 食完飯飯, 為咗證明俾mami睇我好精神, 我仲玩到碌晒地添

 

奶茶: 反而有位豬小姐, 食飽就要瞓

 

奶茶: 有個EE幫MAMI喺美國訂咗剷剷同刀頭, 幫MAMI慳咗千幾蚊添吖, 真係麻煩晒za EE, MAMI因為我肚仔唔舒服都爭啲唔記得咗約咗EE

 

MAMI: 尋日開始諗點解奶茶會痾嘔... 會唔會因為前日啲牛肉呢... 因為為食嘅麥皮都唔肯食, 我都有懷疑啲牛肉會唔會有問題, 另外就係啲奶餅餅, 因為第一次用狗用奶整嘢食, 可能奶茶腸胃比較敏感所以咁, 下次都係唔用奶LU