麥皮BB樣... 拜拜啦~~~~

買咗個電剪... 梗係要幫麥皮恤返個靚髮先啦...

雖然有少少唔捨得... 不過知道點都要剷... 因為麥皮底毛已經有兩截色... 仲要底嘅鬈... 面嘅直... 太古怪

不過係剷毛之前... 再睇返麥皮BB毛個樣先啦... 之後就唔係咁嘅樣架啦...

 

麥皮真係幾上鏡架.... 又唔怕鏡頭...

之後就再開始剃啦... 開始有啲雞手鴨腳... 又驚整親佢... 不過個剷真係幾好用... 一落刀就cher...一聲剃走咗

我初時仲好擔心自己一個搞唔掂... 要搵奶皮爸幫手... 不過原來我一個都搞得掂... 當然奶皮爸都有出過手架... 但我一個人都可以喎

個衰妹又唔係好驚個電剪咋喎

剷咗個身之後就放佢行一陣... 因為我覺得佢好搞笑...

呢度只係身一部份嘅毛

剷埋腳仔啲毛啦... 成個身瘦晒.. 可以去做瘦身代言人

拍埋奶茶度... 成隻細咗兩個碼

因為剷下玩下都搞咗四個鐘... 所以到第二朝起身先再剃埋個頭... 連個樣都唔同晒

 

順帶一提, 之後我順便幫奶茶修一修個身... 等佢唔好咁圓... 但pat pat啲毛好似修唔好咁...

仲有一樣開心事... 係我幫奶茶剪完毛之後沖涼... 竟然俾我喞到肛門線...

我好開心... 因為第一次喞到... 哈哈哈哈