請大家留意以下圖片
相中就係我兩位小朋友嘅安樂窩, 當奶皮爸媽瞓覺同出街時佢哋就喺入面架啦
圍欄如圖中所見我哋只係圍咗半圓, 有一邊會綁實個窗花... 一邊係可以活動嘅 (左邊)... 好多時奶茶玩到癲起嚟係會撞到左邊出嚟有位俾佢走出嚟
但尋日.... 就發生咗一件唔尋常嘅事
話說奶皮媽未返到屋企, 對上屋企有人嘅時間係早餐時間, 奶皮爸夜晚七點返嚟時, 兩位小朋友竟然喺門口搖住尾咁迎接, 當時奶皮爸梗係俾佢哋嚇親啦....
而奶皮爸當然認為係撞開咗一邊先會咁啫...
但古怪嘅事終於發生, 佢行埋圍欄度發現圍欄原封不動咁圍咗個半圓
究竟佢哋係點走出嚟嘅呢??? 
大家估吓我過一兩日開估...
謎底係:
第二朝起身個衰仔整到啲嘢好嘈... 我裝下佢... 佢咁大隻都攝咗喺大籠後面喎... 一見我出嚟即刻好驚咁想走... 但又走唔郁... 仲踩跌咗個水樽想爬上去窗台
我相信如果唔係我出嚟... 佢會再次喺梳化邊度鑽出嚟
佢哋一定係爬籠頂逃走啦~~
回覆刪除[版主回覆07/08/2009 09:23:00]咁爬籠頂佢都係上到窗台啫...
奶茶真係跳過上去... 仲要唔識落返落嚟
重點係當時個籠無開個頂
如果係番茄就一定係咬開度門鎖行出黎
回覆刪除[版主回覆07/08/2009 14:22:00]但個圍欄門無開度....而且鋼枝...應該咬唔爛
一定係比 佢 哋發覺有個窿位 , 於是兩隻一齊走晒出嚟
回覆刪除[版主回覆07/08/2009 15:32:00]哈... 都算唔錯... 但你睇唔睇到窿位喺邊
沙發側面?? 哈哈..
回覆刪除[版主回覆07/08/2009 17:51:00]你好叻呀... 我初初都係估估吓... 點知第二朝起身個衰仔整到啲嘢好嘈... 我裝下佢... 咁大隻都攝咗喺大籠後面喎 ... 一見我出嚟即刻好驚咁想走... 但又走唔郁... 仲踩跌咗個水樽想爬上去窗台
我一早已經唔可以用圍欄圍住BiBe喇, 佢鬼咁醒識得爬出黎, 買個再高d既都照爬
回覆刪除[版主回覆07/15/2009 14:29:00]其實奶茶識爬一次之後就會識出嚟... 我哋做嘅就係同佢鬥法... 知佢喺邊度出就封佢條路
佢宜家出唔到架啦 因為我哋買多咗圍欄... 圍住晒... 其他位嘅高度佢啱啱唔夠膽跳....