落雨... 無得落街玩...
兩位精力旺盛嘅小朋友喺屋企梗係唔停得啦
有咩做呢.... 就係玩&爭玩具...
自己有玩具唔會玩... 係要人嗰個
結果梗係大戰啦
初初,都各有各玩
之後突然爭起嚟... 仲要爭到反晒肚都輸 =.=
奶茶果然有風度
奶茶: 我唔同佢爭... 係費事佢喊咋...
爭唔贏嘅奶茶好明顯係唔開心... (其實係唔鍾意我影佢相... 所以俾個咁嘅樣我
)
麥皮成日都嘿嘿笑, 真係好鬼開心
眼仔紅紅... 啲敏感幾時先會退 =.=
2009年9月23日 星期三
轉貼: 尋找遺失西摩犬
尋犬,事發係係9月11日上午8點左右,我隻西摩BB俾佢既屋企人 偷偷地掉左係 大圍美林邨成全路附近,隻西犘仔叫毛毛...5個月大....有晶片,毛毛患有遺傳髖關節疾病,雖長期服藥及到獸醫診所打針,希望各位愛犬人仕可以幫幫忙... 如好心人拾獲,請盡快聯絡!我非常擔心毛毛安全同身體狀況,請大家幫幫忙留意一下!
2009年9月21日 星期一
新衫新新新
一向唔主張狗狗要著衫嘅我, 竟然買起衫嚟
因為見到blog友買咗覺得好得意, 而且可以要一件人著嘅一樣樣嘅
實在令我太歡喜忍唔住要去買親子裝
奶茶都可以做model啩... 因為佢會望鏡頭... 哈哈
麥皮已經好瘦... 著埋衫仔仲瘦啲... 好搞笑
呢件就係連mama都有一件嘅親子裝啦 (不過無baba份...)
我覺得奶茶著黑色好睇過紅色tee
奶茶戴住一個新嘅頸圈, 首先要多謝多多& Jelly's family嘅Sandy,
送奶茶一份咁靚嘅生日禮物
不過佢啲毛長得滯睇唔到
所以都係搵返專業嘅模特兒麥皮小姐示範 (不過麥皮戴係大得滯)
呢條係寶藍色蛇皮紋漆皮, 好有型有款
如果有黑色細條啲, 我一定會買條俾麥皮
奶茶仔一歲啦 - 麥皮篇
麥皮係一位慢熱細膽嘅小朋友...
所以當大家玩得興高彩烈嘅時候
往往麥皮已經嚇到縮到baba mama懷中
所以之前好多相都好少麥皮嘅踪影... 而身為mama嘅我.. 點可以瀨底佢呢
麥皮: 首先多謝番茄媽嘅領巾, 你睇下我似唔似女童軍
玩咗一陣已經見攰嘅麥皮...
奶皮爸見佢都係瞓覺唔玩, 所以安置咗佢去一個優等位
不過佢興趣好似麻麻地, 不過minnie上埋去都係無交流
麥皮穿上咗令奶茶瘋狂嘅和服... 奶茶竟然對麥皮有衝動起來...
當然... 因為miffy著過, miffy嘅味道留咗係件衫度啫
不過麥皮著咗和服又幾靚女喎
麥皮戴住奶茶條呔
個樣好好笑... 即刻成個有型晒
奶茶仔一歲啦 (2)
mimi媽嚟到無耐之後, 就拎出奶茶嘅生日禮物
小朋友們都玩得好開心... 好似好鍾意個蛋糕仔喎
玩完一輪, 奶皮唔知做咩... 乖乖咁坐喺baba腳下
奶皮爸即時話佢哋做咗門神
生日會點少得有個生日蛋糕呢... 不過個生日蛋糕我訂大個咗
小朋友們都係意思意思咁食小小好啦
不過奶茶好似唔係咁鍾意食... 所以嘥咗個蛋糕 (下次唔好訂咁大個)
奶茶戴住就係番茄媽送嘅人人有份領巾
呢張明明我想影麥皮同蛋糕, 但反而係奶茶唯一一張望鏡頭嘅相
你睇下奶茶個樣就知個蛋糕如何 =.=
狗仔切完蛋糕我哋就開餐啦~
奶茶: mama我同你影相無問題... 不過你可唔可以唔好咁揸住我條頸... 你想要錢我可以俾你....
奶茶為求同miffy玩無所不用其技 =.= 當時係mimi媽抱住咗miffy
奶茶仔一歲啦
星期日係奶茶仔一歲生日正日
喺屋企搞咗個小型party,
多謝番茄同miffy&minnie嘅出席
當日番茄一嚟到, 奶茶就急不及待要同人玩
仲好似要話俾人知呢度係佢主場, 同番茄一戰一輪
好彩番茄都唔弱... 激戰一輪之後不分勝負...
不過麥皮已經嚇到不停搵baba mama...
今次大家終於都見到狂野嘅麥皮出現... 雖然好短時間.... 不過都有架...
後尾miffy & minnie嚟到... 見到miffy個傷口好得幾靚... 真係開心
活潑嘅miffy當然唔少得要同番茄激鬥一番
不過無奶茶份... 因為個衰仔一埋去就想曳miffy
當時要俾我哋限制佢呢個壽星仔活動啦... (不過奶皮爸一拉佢入房其實有嘢食俾佢, 所以mimi媽唔使咁緊張)
而且今次亦都少有地見到斯文嘅minnie都會有狂野一面... 不過係miffy先撩到佢把火
(請體諒我啲相無咩次序... 因為我影咗好多... 揀咗好多... )
番茄奶茶一齊追下公仔先啦~
番茄: 奶茶兄, 打咗條呔係醒神啲喎
番茄: 麥皮你好 ^^
襯番茄媽落咗街, 我哋餵咗啲南瓜雞肉... 睇下啲小朋友幾定
麥皮: 唔係唔想同你玩... 不過我真係好細膽
番茄篇:
番茄一無嘢做就會坐得好直... 好得意... 因為我兩隻都唔會坐得咁直
一係就好似麥皮咁扒喺地... 出現青蛙腳
minnie篇:
佢真係一個最佳model, 任影唔嬲
呢張係我好鍾意嘅一張
佢經常都係做冷眼旁觀嘅一位
不過唔知點解, 今日mimi兩位都好鍾意我大脾, 或者因為我成日坐地下... 佢哋好鍾意跳上嚟
miffy篇:
呢位小朋友真係難影..無時停
不過佢真係好可愛
主人家奶茶篇:
今次影到多啲望鏡頭嘅相... 奶茶仔叻仔
呢條係新買嘅呔, 專誠買俾佢生日著... 不過唔夠一陣... 隻蜜蜂已經飛咗出嚟 =.=
呢張係奶茶爸話奶茶飲咗red bull... 有對翼 =.=
究竟邊個好打啲呢??
訂閱：
意見 (Atom)