奶皮@Dog Cafe

星期日, 我一個夾住兩隻嘢出省城威威

約咗番茄同啤啤去咗 dog cafe

第一次見到啤啤.... 好鬼活潑得意.... 結果俾奶茶睇中咗 =.=

係咁追住... 最後我梗係要鎖住奶茶唔好俾佢嚇人啦 (啤啤, 真係唔好意思, 嚇到你縮埋一舊)

麥皮不嬲都好慢熱嘅... 坐咗成個鍾... 佢先開始會自己周圍走去撩人玩

不過現場真係好多狗狗~ 前前後後都有十幾隻

有一枱嘅狗唔明點解特別惡... 係唔係都吠

吠到個心都煩晒... 我哋走嘅時候有隻北京又走嚟吠奶皮...

嚇到奶皮唔敢郁

第一次去cafe梗係要叫啲嘢俾佢哋食下架啦~ 叫咗個pizza俾佢哋

麥皮又無乜興趣, 奶茶有興趣但食得慢過人... 俾人搶咗又唔敢行埋去食

啤啤篇

番茄篇: (點解番茄咁憂鬱嘅... 唔通因為無咗好姐妹miffy喺度?)

番茄: 邊個話我係賭神?  

奶茶: 啤啤媽, 影相啫... 唔好咁肉緊啦~~ 最多我試下望鏡頭啦

um...um... um... 好味道~ 仲有無呀???

啤啤同番茄食嘢都可以好快架喎

麥皮: 番茄, 其實我會同你玩架... 不過你啋下我先啦

啤啤: 奶茶你嚇到我唔敢行啦~~~~ 坐喺度你先唔聞我嘅

罪証圖片 (死仔, 綁住帶都曳都死)

打下招呼咪幾好囉~ 唔好下下嚇親人嘛

就係呢隻北京嚇親奶茶

狗友們, 呢隻芝娃娃好得意... 唔理大狗細狗一於照擒

哈哈~ 左手邊嗰隻係番茄媽一度認錯係麥皮嘅另一隻仔仔

初初望到我都覺得佢同麥皮好似樣... 佢係駐場嘅PR... 不過一有大狗

老闆娘就會困返入籠

老闆娘話佢係t-cup ... 我發現佢同麥皮爭唔係好遠

現場見到好似minnie嘅狗狗... 如果mimi都同我哋玩你話幾開心呢

後記: 因為miffy過敏... 去咗睇醫生唔能夠一齊去cafe... 之後望到miffy個傷口

個心好唔舒服... 一隻咁小嘅狗仔點解要承受咁多病痛

亦都好嬲無良商人... 未做夠測試將貨品推出街... 仲話係良性發炎...