奶皮@petmxx之獨照篇

星期六係奶皮約咗番茄同Miffy&Minnie去九龍灣

諗返轉頭, 其實係奶茶第一次坐長途車 (唔計第一日返嚟屋企嗰次)

所以成程車奶茶都好緊張咁望窗, 好似細路仔咁要企喺度睇

去到九龍灣, 奶皮第一次喺一個場地見到咁多狗

我覺得佢哋好興奮

奶茶個八卦仔仲周圍八添喎, 好彩個八卦仔八完一輪會識得行返埋嚟

麥皮就好似戰戰兢兢咁, 想玩又唔敢玩, 不過後尾佢都有自己周圍行

總括嚟講我覺得佢哋都玩得好開心

 

介紹下啲朋友仔先

首先係好憂鬱嘅Minnie~ 佢啲眼神成日都好無辜咁~ 嘿

之後係紮紮跳嘅Miffy~ 一入到場已經跑嚟跑去無時停

佢都有文靜嘅一面架

之後就係番茄~ 佢係一個扮臘腸狗嘅貴婦

唔好俾佢呢個樣呃到... 其實... 佢都好貪玩~~ 哈哈

 

之後梗係我對寶貝啦~~~

奶茶篇:

第一次坐長途車又唔使入袋... 梗係要望過夠先啦

 

入到場梗係要跑嚟跑去架啦

 

究竟佢做緊乜呢~ 個衰仔其實走去聞人哋個袋, 唔知係咪有嘢食嘅呢

 

玩完一輪先俾肯坐底俾我影張靚相

不過留意... 後面有三隻腳嘅係麥皮... 佢唔知俾咩嚇親... 匿咗喺櫈底好一陣子

 

最衰張相背咗光, 好難得影到奶茶跳欄架嘛!!!

 

麥皮篇:

你估佢睇到咩舔晒咀呢???

 

佢成日都伸小小脷出嚟... 點解呢

 

影麥皮最開心係成日見到佢嘻嘻笑咁嘅樣~~~

 

麥皮都可以好有型架

 

大膽嘅麥皮終於自己走開去, 佢跟住走去邊???

佢走咗過隔離做o靚模... 哈哈

 

又一次走去人哋度做o靚模, 仲要八八卦卦咁舔人哋個樽添

 

終於玩到攰無晒力