星期日約咗番茄 (鐵膽),妹豬, Fergie, Niza, Nano去獅子會
而且Nano亦都帶咗好多新朋友仔, Cream仔,Peko,Meco,Birthday
原本應該係跑鬥快比賽, 但奶茶掛住撩女仔, 麥皮又怕曬嘅關係
梗係無佢哋份跑啦, 佢哋連跑都無乜跑添
嗰日獅子會好多人, 啲人多到會圍住我哋睇啲小朋友...
到後尾無乜人時, 但因為多狗嘅關係, 奶茶變得好緊張, 麥皮更加唔願行埋狗堆
所以到所有小狗到齊停低玩時, 影咗好少朋友仔嘅相
睇相先啦
麥皮, 連番茄ma都話你肥咗啦, 仲食嘅
我好鍾意嘅招牌笑容相
到最後唔願同狗玩, 而且一幅攰樣出晒嚟
奶茶仔見到咁多朋友仔梗係開心啦
一有大啲嘅狗行埋啲就wuwu聲嘅奶茶, 都係坐下櫈好啲
到最後走嘅時候, 奶茶就走去wu其他狗, 俾baba做捉住
呢張好明顯baba係偷影啦, 但結果一張我望鏡頭都無~ hahaha
番茄今次唔食草, 但愛上食泥
好bb嘅妹豬, 仲要陀住個奶咀, 快啲戒奶啦~
一放繩就一枝箭咁跑咗去嘅niza, 結果上繩時間多過放繩, 下次去個圍住嘅場玩, 任你跑下先
好鍾意Fergie, 好鬼死熱情, 係咁撲我, 不過我無嘢食喎
Peko俾我影到最美一刻~haha
奶茶仔對住呢隻史納莎係最冷靜嘅一次
Niza有波萬事足, 咬住個波都唔捨得放低係咁周圍走
靚姐姐有米派, 小朋友流晒口水lu
離開等車時見到攔杆上滿滿嘅紅火蟻, 好得人驚
沒有留言:
張貼留言