今次剪毛, 我去接奶茶時, 姐姐同我講, 今次剪甲有用到口罩
因為奶茶有咬, 不過可以接受嘅咬
奶茶唔鐘意梳手腳剪指甲我一直都知, 所以每次去親美容我都會同每個美容姐姐講明, 必要時用口罩, 但通常接佢知都話唔使用, 可能佢剩係蝦mama
但今次佢話我知用咗口罩我都以為奶茶真係咁曳, 咬姐姐
之後我抱佢去搭車等的士期間, 奶茶箍住我隻手好實, 好似驚我會掉佢落地咁
無論我點樣轉姿勢, 佢都好快咁箍實我隻手
我上的士時開始有啲擔心奶茶仔係咪俾人蝦呢
到返咗屋企, 麥皮唔見哥哥幾個鐘梗係開心佢返嚟啦
但奶茶好似無乜心情咁坐喺我腳邊靜靜咁望住妹妹
於是我檢查下奶茶啲手腳
竟然俾我發現奶茶有兩隻(係""兩"""隻
)腳甲剪爆咗
我一捉佢隻手仲發我脾氣添
我即時明白, 點解奶茶會咬姐姐要戴口罩...
但我好怕, 佢哋有無蝦奶茶仔, 所以奶茶先咁驚呢
亦因為咁, 令我好唔滿意今次嘅裝
佢頸位剷毛同手剪位無執到... 個頭無啦啦就凹落去
面啲毛短得滯... (其實係因為我唔鍾意間嘢... 所以唔鍾意, 係唔理智)
不過結論係... 我唔會再去, 因為佢剪爆指甲都無同我講過
仲有, 我唔記得影底飛咗一條邊邊出嚟嘅指甲模樣, 第二日已經甩咗
慘慘~下次唔好去呢間喇
回覆刪除[版主回覆03/10/2010 16:16:00]唔去啦~ 其實之前奶茶麥皮都去過一次都無問題... 但今次.... 唉
係呀，我都好擔心我的飛雞出去剪毛卑人蝦，所以都係搵D熟悉的美容鋪頭好D。我諗如果自己識剪就好囖, 唔使咁擔心嘛！
回覆刪除[版主回覆03/10/2010 17:08:00]唉~ 我就係有狗友介紹去過諗住無問題
點知到奶茶先有問題
我就係因為呢類不愉快經歷(大哥星經常沖完涼返嚟就眼仔發炎/剷毛剷損又唔出聲)，所以把心一橫學剪裝。係就係剪得無師傅咁靚，但過倒我自己果關咪得囉，其他人覺得靚唔靚唔重要。7小福唔駛去petshop真係開心哂，同埋佢地剪裝時一次合作過一次。
回覆刪除[版主回覆03/10/2010 17:10:00]其實我都有諗過去學剪裝... 但遲遲都未開始...
係唔知去邊度學好最好
好明顯哩個美容姐姐剪到奶茶d 手甲太入.. 跟住就留血... 跟住就緊係驚la ...驚ge 反應緊係咬佢la .. 哩個姐姐驚比你發現就緊係報定案比你聽先lor .. 陰公嚇c 奶茶tim bor ... 有陰影ka , 有一次mui ba 幫muimui 剪指甲, 重手得滯搞出流血事件, 仲要係ah mui 叫得好慘, 我個心幾痛. 自此之後店佢隻手都唔得, 見到個指甲柑露齒tim ar .. 所以莫講佢剪到個妝咁唔得, 就算得, 奶茶再見翻佢都驚la ... 太離普la ...
回覆刪除[版主回覆03/10/2010 17:19:00]係佢剪爆咗奶茶兩隻指甲... 有兩隻指甲好似生倒刺咁有條邊邊嘅指甲飛下飛下但又唔甩
係哩，奶茶剪毛果間係米去開ka . 係米屋企附近, 記得我家muimui 細個問過好多間都唔肯剪. 一聽到佢唔比得人抹耳仔會咬人, d 人就話咁神經質唔好na , 後來朋友介紹下, 由muimui bb 到e ka, bebe 都係係哩間做美容... ok ka . 個姐姐當初答我, 你帶佢(muimui )落黎試下la , 唔緊要ka , 好多狗狗都係咁...我覺得佢好有心... 如果你唔嚴遠落到例荃灣, 我可以帶你地去試下, 如果好就唔洗成日轉, 對狗狗都好d ...
回覆刪除[版主回覆03/10/2010 17:37:00]其實沖涼我有去開~ 只不過剪裝無咁靚
我想搵間剪裝嘅啫
如果去荃灣我又覺得遠... 偷運佢哋好麻煩
下次唔好再去嗰間喇～佢嚇親所以咪箍實你囉～個頸位又真係幾肉酸喎
回覆刪除[版主回覆03/10/2010 17:38:00]係咪呀~我都話個頸位肉酸啦~ 求其到死又唔執下
一般下晝3點開始，直至你做哂野為止。第一日學沖涼清潔小修眼仔頭仔，7點多d走得。第二日學剪裝，剪完+老師執完個裝就走得，果次我都係7點多d走得。之後果兩堂係practice，你隨時去上堂都得。
回覆刪除對我嚟講(我住元朗)係就係遠d，但單對單學真係好好多，又可以隨時打電話番去問野。其他果d所謂剪裝學校一次20幾人學，你唔主動問無人理你架。
[版主回覆03/10/2010 17:50:00]真係唔該晒你呀~
我都會考慮下pauline度學
agree......我都係咁話..自己剪最安全呀 人地覺得靚唔靚都唔重要.
回覆刪除[版主回覆03/10/2010 18:00:00]我都想呀~ 但我成日一個都搞唔掂奶茶...
咁又真係偷運哩個問題確實幾煩, 好似麥皮同ah be 就冇問題, 因為唔會有人知你帶住隻狗狗, 但係如果好似ah mui 就憂想lor , 佢有的士坐, 有van 坐都ee yo yo , 加埋個憂閉恐懼症就唔洗諗lor ....
回覆刪除[版主回覆03/10/2010 21:04:00]奶茶就唔會嘈... 但如果入咗袋就會
所以我唔會再隨便搵人同佢地剪毛 , 沖涼 , 我唔鍾意比人 "黑薄" 佢地 !
回覆刪除[版主回覆03/10/2010 21:06:00]我宜家明白~ 我都好驚再送佢哋去俾人剪毛
要搵信得過既 美容師先去攞 !
回覆刪除[版主回覆03/11/2010 09:04:00]嗯嗯嗯~~ 真係要信得過先得
咁下次唔好再去啦，要就去間有信心的
回覆刪除btw，個頸位又真係剪得唔好睇呀，你同佢修一修啦....
麥皮早幾日搵左邊個剪呀﹖
[版主回覆03/11/2010 09:05:00]我都唔係好識修... 因為會影響個頭型
嘻嘻~~ 俾你講咗出嚟添~ 我諗住寫blog架啦
算啦,最緊要奶茶依家冇事又肯玩吖嘛,最多下次唔去果間喔~
回覆刪除[版主回覆03/11/2010 09:05:00]係呀係呀~ 以後唔再去啦
我都唔知原來指甲邊有啲一條條飛左出黎即係爆甲添... 妹豬上次剪完指甲都有喎...
回覆刪除[版主回覆03/11/2010 14:11:00]我原本都唔識架
咁啱剪毛前幾日睇到篇blog講起佢隻狗狗又俾人剪爆咗
先知原來咁係爆
跟住我再問人, 如果剪得太狠太入或者把剪鈍咗都會爆甲
屯門邊間..好想知?
回覆刪除我d狗狗都係自己剪..唔捨得放低佢地幾個鐘... 之後先接返佢地...所以唯有自己剪...
你比心機自己學啦
[版主回覆03/12/2010 17:16:00]其實係qoo ma介紹... 佢哋去開都無問題架
所以我都唔開名啦
我都諗住自己學剪, 再唔係就搵人上嚟剪
我也是過來人, 所以由Shiro開始我都係自己剪, 其實唔一定要剪得好靚, 只要整整齊齊已很好. 我只係學過一堂基本洗涼修甲, 其他都是自己摸索的, 只要成日剪, 剪得多便會習慣, 我係幾日就修一修, 幾星期就大執一次. 初初最好有人可以幫你捉住佢地, 等你同佢地都習慣後, 就可以自己剪. 要慢慢來, 唔好心急最緊要安全. 我每次大執都剪2,3日. 哈!
回覆刪除[版主回覆03/15/2010 14:08:00]其實我初初已經好想全部自己搞掂晒... 但無奈我一個搞唔掂
而奶皮baba好懶 =.= 成日就唔到時間搞... 所以先要搵人剪搵人沖
因為奶茶見我揸住架生已經會發脾氣, 所以我可以嘅都係幫麥皮...
而且我都想問下你... 初初你唔驚剪到個頭好肉酸咩... 我一直就係咁諗所以唔敢幫佢剪頭型, 最多都係條下眼仔附近同近腳板啲毛